ඉන්දියා කොංග්රසයේ උප සභාපති රාහුල් ගාන්ධිගේ නවදිල්ලි අගනුවර නිවස දිල්ලි පොලිසිය සෝදිසි කිරීම ගැන කොංග්රස් පක්ෂයේ දැඩි විරෝධය පළ විය.
සෝදිසි කළේ ඇයිදැයි කොංග්රස් පක්ෂය අගමැති නරේන්ද්ර මෝදිගෙන් සහ ස්වදේශ ඇමැති රජිනාත් සිංගෙන් ප්රශ්න කරයි.
රාහුල් මාසයක් පමණ බැහැර ගොස් විපස්සනා භාවනා කරතියි කියති.
‘පැහැදිළියි මේක ඉන්දියාවේ ප්රජාතන්ත්රවාදී දේශපාලන ක්රමවේදය නොවේ. මේක ගුජරාටයේ දේශපාලන ක්රමවේදයයි. මෝදි ගුජරාටයේ මහ ඇමැතිවී සිටිද්දී මෙවැනි සෝදිසි කිරීම් කළා. පොලිසිය කළ මෙම සෝදිසි කිරීම අපි දැඩි ලෙස හෙළා දකිනවා.යැයි කොංග්රස් පක්ෂ ප්රකාශක අභිෂීක් මානූ සිංග්වී රජයට දොස් පැවැරීය.
සෝදිසි කිරීම සිදුවී ඇත්තේ ඉකුත් සතියේය. සෝදිසි කිරීමට ලක් වූයේ 44 හැවිරිදි රාහුල් ගාන්ධිගේ නවදිල්ලියේ අංක 12 ටුග්ලක් වීදියේ පිහිටි නිසාය.
නිවස සෝදිසියට පැමිණි පොලිස් නිලධාරීන් සේම දිල්ලි පොලිසිය ද පවසා ඇත්තේ එය ආරක්ෂක හේතූන් සැළකිල්ලට ගනිමින් කළ සෝදිසි කිරීමක් කියාය. පොලිසිය නිවස සෝදිසි කළ අවස්ථාවේදී නිවසේ සිටි කිසිවකුගෙන් කිසිදු ප්රශ්න කිරීමක් කර නැති බව ද වාර්තා වේ.
නිවස සෝදිසි කරද්දී, රාහුල් ගාන්ධි එහි නොසිටියේය. රාහුල් මේ වනවිට ඉන්දියාවෙන් බැහැරව ගොස් ඇතැයි පැවැසෙයි. ඔහු යළි දිල්ලියට පැමිණීමට නියමිතව ඇත්තේ මේ මස අවසානයේය. කෙසේ නමුත් ඔහු ගියේ කොහෙදැයි යන්න හරිහැටි වාර්තා වී නැත. ඇතැම් ඉන්දීය පුවත් සේවා වාර්තා කර ඇත්තේ රාහුල් ගාන්ධි හිටිහැටියේ අතුරුදන් වුණු බවය.
කොංග්රස් පක්ෂය පවසා ඇත්තේ රාහුල් සිය ජීවිතයේ අලූත් පරිච්ජේදයක් ආරම්භ කරමින් බෞද්ධ දර්ශනයට අනුව ආධ්යාත්මික සුවයක් පතා මේ දිනවල සංචාරයක නියැලෙන බවය. රාහුල් එම හදිසි සංචාරයට එක් වූයේ ඉකුත් දා මෝදිගේ රජය අයවැය පාර්ලිමේන්තුවට ඉදිරිපත් කළ අවස්ථාවේදීය.
රාහුල්ගේ නිවස සෝදිසි කිරීම සම්බන්ධයෙන් කොංග්රස් පක්ෂය වැඩිදුරටත් අගමැති නරේන්ද්ර මෝදිට චෝදනා කරන්නේ එය දේශපාලන කෙණෙහිලිකමක් සහ ඔත්තු බැලීමක්’ කියාය. රාහුල් ගාන්ධි ජනපි්රය පුද්ගලයකු බවත් දේශපාලනඥයකු බවත් ඔහුට සැඟවීමට කිසිවක් නොමැති බව ජ්යෙෂ්ඨ කොංග්රස් පක්ෂයේ ජ්යෙෂ්ඨ නායක පී.සී. චක්කෝ පවසා ඇත.
කොංග්රස් පක්ෂ මහ ලේකම්වරයා වීම හේතුවෙන් රාහුල් ගාන්ධිට විශේෂ ප්රභූ ආරක්ෂාවක් ලබා දෙද්දී මේ ආකාරයට නිවස සෝදිසි කිරීම ගැටලූවක් යැයි පී.සී. චක්කෝ පෙන්වා දී ඇත.
ඊට පිළිතුරු දෙමින් භාරතීය ජනතා පක්ෂයේ ප්රකාශක සම්බිත් පට්රා පවසා ඇත්තේ, ප්රභූ ආරක්ෂාව ලබා දෙන පොලිස් නිලධාරීන් විසින්ම නිවස සෝදිසි කර ඇති බවත් එය වරදක් ලෙස තමන්ට නොපෙනෙන බවත්ය.
මේ අතර දිල්ලි පොලිස්පති බී.එස්.බාසායි පවසා ඇත්තේ නිවස සෝදිසි කරමින් තම නිලධාරීන් ඔවුන්ගේ රාජකාරිය ඉටු කළ බවය. පාර්ලිමේන්තු සාමාජිකයන් සැමගේ නිවාස සෝදිසි කිරීමට තමන් කටයුතු කළ බවත් ඉකුත් සතියේ රාහුල් ගාන්ධිගේ නිවස පමණක් නොව, භාරතීය ජනතා පක්ෂයේ ජ්යෙෂ්ඨ නායක එල්.කේ. අද්වානිගේ සහ වීරප්පා මොයිලිගේ නිවෙස් පවා සෝදිසි කළ බවය.
කොංග්රස් පක්ෂය පවසා ඇත්තේ සඳුදා (16) පාර්ලිමේන්තුව රැස්වූ පසු තම පක්ෂ මහලේකම්වරයාගේ නිවස සෝදිසි කිරීම සම්බන්ධයෙන් අගමැති මෝදි සහ රජයට තම විරෝධය දැක්වීමට බලාපොරොත්තු වන බවය.
මෙරට මුහුදු සීමාවට අනවසරයෙන් ඇතුළුවී ධිවර කටයුතු වල නිරතවූ ඉන්දියානු ධිවර යාත්රා දෙකක් මන්නාරමට උතුරින් වූ මෙරට මුහුදු සීමාව තුලදී අත්අඩංගුවට ගත බව
විදෙස් රටක සිටින බවට ඒත්තු ගන්වා විදෙස් දුරකථන අංක භාවිත කරමින් අපරාධයකට සැරසී සිටි පොඩි ලැසී ගේ මාමා ගිනි අවියක් සහ ජීව උණ්ඩ සමග වැලිවේරිය ප්රදේශයේ
බඳින තුවක්කුවකින් වැදුණු වෙඩි පහරක් හේතුවෙන් පාදයකට තුවාල සිදු වූ පුද්ගලයකු ගම්පහ මහ රෝහලට ඇතුළත් කර ඇතැයි කොටදෙනියාව පොලිසිය කියයි.
රුපියල් මිලියන එක්ලක්ෂ හතලිස් දෙදහස් පන්සියයක් වටිනා භාණ්ඩාගාර බිල්පත් වෙන්දේසියක් බදාදා (2 ) පවත්වන බව ශ්රී ලංකා මහ බැංකුව පවසයි.
රුපියල් පනස් පන් ලක්ෂ විසි දහසක් පමණ වටිනා විදේශීය නිෂ්පාදිත දුම්වැටි තොගයක් නීතිවිරෝධී ලෙස මෙරටට රැගෙන විත් , ගුවන් තොටුපොළෙන් පිට කර ගෙන යමින් සිටි
මෙවැනි සංකීර්ණ සැත්කමක් ඉන්දීය වෛද්යවරුන් යටතේ සිදුවුණු පළමු අවස්ථාව මෙය බවත්, මේ අයුරින් සැත්කමක් මගික් අතක් බද්ධ කෙරුණු ආසියානු කලාපයේ ළාබාලතම තැ
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
රාහුල් ගාන්ධි නිවසත් සෝදිසි කරයි
ලසන්ත Sunday, 15 March 2015 08:26 PM
අපේ රටෙත් මෙහෙම දේවල් වුණානේ.... (නි)
සම්පත් Monday, 16 March 2015 03:28 AM
මොකද? ඉන්දියාවත් යහ පාලනය පටන්ගත්තවද්ද? (ම)
දුමින්ද Monday, 16 March 2015 03:49 AM
ගුවන් යානා ලැම්බෝගිනි හමු උනාද ? (නදී)
ඉඳුරුව විදනාරච්චිගේ ඉතාලිය Sunday, 15 March 2015 02:31 PM
ප්රජාතත්ත්රයට ගරු කිරීම කාගේත් යුතුකමක්. (නදී)