ශ්රී ලංකාවට ජී.එස්.පී.ප්ලස් තීරුබදු සහනය නැවත ලබාදීම සම්බන්ධයෙන් ඉදිරි කටයුතු සිදු කිරීමට යුරෝපා සංගමය තීරණය කර තිබේ.
යහපාලනය තිරසාර සංවර්ධනය උදෙසා ශ්රී ලංකාව කටයුතු කරමින් සිටින බැවින් ජී එස් පී ප්ලස් තීරුබදු සහනය නැවත ශ්රී ලංකාවට ලබාදීම සඳහා ශ්රී ලංකා රජයට සහාය වන ලෙස යුරෝපා සංගමය විසින් යුරෝපා කවුන්සිලයේ සිය නියෝජිතයින්ට සඳුදා නිල වශයෙන් දැනුම් දුන්නේය. ශ්රී ලංකාව පිළිබඳ ඇගයීම් වාර්තාවක් ද කරමින් යුරෝපා සංගමය විසින් ඉදිරිපත් කැරිණි.
නව රජය පත්වීමෙන් පසු ශ්රී ලංකාවේ දූෂණය පිටුදැකීමට, මානව හිමිකම් සුරැකීමට, නීතීයේ ආධිපත්යය තහවුරු කිරීමට සහ තිරසාර සංවර්ධනයක් උදෙසා යොමුවීමට ගෙන ඇති සුවිශේෂී පියවර යුරෝපා සංගමයේ ප්රශංසාවට ලක්වන බව සංගමය කියයි.
විශේෂයෙන්ම ශ්රී ලංකාවේ සංහිඳියාව ඇති කිරීම සඳහා උතුරු නැගෙනහිර සිවිල් පරිපාලනය යළි ස්ථාපිත කිරීම, ත්රස්තවාදය වැළැක්වීමේ පනත යටතේ අත්අඩංගුවට ගෙන සිටි රැඳවියන් නිදහස් කිරීම ආදීය ඔස්සේ මහජනතාව අතර විශ්වාසය ගොඩනැඟීමට කටයුතු කිරීම නව රජයේ සුවිශේෂි ක්රියාමාර්ග ලෙස තම සංගමය දකින බව එම නිවේදනය පවසයි.
ශ්රී ලංකාවේ සංවර්ධනය උදෙසා සහයෝගීතා ගිවිසුම් ඇති කර ගැනීමට ඉදිරියේදී පියවර ගන්නා බවත් , ජී.එස්.පී.ප්ලස් තීරුබදු සහනය නැවත ශ්රී ලංකාවට ලබාදීම සඳහා ශ්රී ලංකා රජයට සහාය වීමටත්, එමෙන්ම ඒ සම්බන්ධයෙන් ශ්රී ලංකාව සමඟ එක්ව කටයුතු කිරීමටත් යුරෝපා සංගමය සිය කවුන්සිලයේ සාමාජිකයින්ට දැනුම් දී තිබේ.
ජී එස් පී ප්ලස් තීරුබදු සහනය ලබාදීමේදී එම ප්රතිලාභය හිමි වන රටවල මානව හිමිකම් හා කම්කරු අයිතිය මෙන්ම පාරිසරික ආරක්ෂණය සහ යහපාලනයද සැලකිල්ලට ගන්නා බවද යහපාලනයෙන් තිරසාර සංවර්ධනය උදෙසා ශ්රී ලංකාව කටයුතු කරමින් සිටින බවද යුරෝපා සංගමය සඳහන් කරයි.
ලංකාවේ මත්ස්ය නිෂ්පාදන සඳහා යුරෝපයෙන් පනවා ඇති තහනමද කඩිනමින් ඉවත් කිරීමට හැකිවනු ඇති බවද එම සංගමය කියා සිටී.ඉන්දීය සාගර ටූනා කොමිසමේ රෙගුලාසි වලට අනුකූලව ශ්රී ලංකාව කටයුතු කරමින් සිටින බවත්, මත්ස්ය අපනයන වල නීතිමය රාමුවට අනුව කටයුතු කිරීම ද ශ්රී ලංකාව පියවර ගෙන ඇති බවත් යුරෝපා සංගමය සිය නිවේදනයෙන් කියා සිටී.
ශ්රී ලංකාවේ 9 වැනි විධායක ජනාධිපති ලෙස තේරී පත්වුණු අනුර කුමාර දිසානායක මහතාට සුබ පැතීමට විශේෂ අමුත්තෙක් පැමිණ සිටියේය. ඒ, මෙරට ඉන්දීය මහ කොමසාරිස් සන
“අනුර දිසානායක ජනාධිපතිතුමනි, ශ්රී ලංකාව නමැති ආදරණීය දරුවා මම ඔබට මහත් සෙනෙහසින් භාර දෙමි”යැයි ජනාධිපති රනිල් වික්රමසිංහ මහතා විශේෂ ප්රකාශයක් ක
ශ්රී ලංකා ප්රජාතන්ත්රික සමාජවාදී ජනරජයේ ජනාධිපතිවරයා ලෙස අනුර කුමාර දිසානායක මහතා පත්කරගත් බව මැතිවරණ කොමිසමේ සභාපති ආර්. එම්. ඒ. එල්. රත්නායක මහතා
2024 ජනාධිපතිවරණයේ ප්රතිඵල බලා ගැනීමට දෙස් විදෙස් ශ්රී ලංකිකයෝ නොඉවසිල්ලෙන් බලා සිටිති.
දිස්ත්රික්ක 19යක දෙවන මානපය ප්රතිඵලයට අනුව සමගි ජනබලවේගයේ ජනපති අපෙක්ෂක සජිත් ප්රේමදාස මහතා මනාප 55348ක් ඉදිරියෙන් සිටියි.
ජනාධිපති රනිල් වික්රමසිංහ මහතා නව ජනපතිට ඉඩ දෙමින් ජනාධිපති කාර්යාලයෙන් අද (22) බඩු බාහිරාදිය ඉවත් කරගෙන තිබේ.
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
ලංකාවට ජීඑස්පී+ යළි ලැබේ?
ඉසුරන්දි Wednesday, 18 November 2015 05:22 AM
ලොකු දෙයක් (ම).