ලන්ඩන් දම්පල් ගුණ සැමරුම ශනිදා

මෙයට වසර 87 කට පෙර වර්ෂ 1926 දී ශ්‍රීමත් අනගාරික ධර්මපාලතුමන් විසින් පිවිතුරු ථෙරවාද බුදුදහමේ තිරශ්චිතිය උදෙසා ආරම්භ කරනලද ලන්ඩන් බෞද්ධ විහාරය අද යුරෝපයේ ප්‍රධානතම ථෙරවාද බෞද්ධ මධ්‍යස්ථානය බවට පත්වී ඇත.

ධර්මපාලතුමන්ගේ අභිමතාර්ථ යථාර්තයක් බවට පමුණුවාලමින් ලන්ඩන් බෞද්ධ විහාරය බුදුන්වහන්සේ වදාළ චතුරාර්ය සත්‍යය පිළිබඳව දැනගැනීමට උනන්දුවක් දක්වන යුරෝපියයන්හට එම ධර්මඥානය සපයන උත්තම ධර්මදුත සේවා මධ්‍යස්ථානයක් බවට පත්ව ඇත.

එපමණක් නොව බ්‍රිතාන්‍යයයේ අගනගරය වන ලන්ඩන් නුවර වෙසෙන ශ්‍රී ලාංකික ප්‍රධාන අනෙකුත් බෞද්ධයනට අත්‍යාවශ්‍ය ආගමික සේවා නිසිපරිද්දෙන් සපුරාගනීමෙහිලා අනුපමේය සේවාවක්ද මෙම විහාරස්ථානය මඟින් සිදුකරනු ලබයි.

ශ්‍රී ලංකාවේ අනගාරික ධර්මපාල භාරකාර මණ්ඩලයෙන් පාලනය කැරෙන ලන්ඩන් බෞද්ධ විහාරයේ වර්තමාන විහාරාධිපතින් වහන්සේ මහා බ්‍රිතාන්‍යයේ ප්‍රධාන සංඝ නායක බෝගොඩ සීලවිමල නාහිමියෝය.

උන්වහන්සේගේ අනුසාශකත්වයෙන් සහ විහාරස්ත දායක කාරකාදීන්ගේ සහ සියලුම හිත මිත්‍රාදීන්ගේ සංවිධායකත්වයෙන් අනගාරික ධර්මපාල තුමාට පින් පමුණුවාලීමේ වාර්ෂික ගුණසමරු පිංකම මෙවරත් මෙම සති අන්තයේදී පැවැත්වීමට යයි.

මෙම 14 වෙනි සෙනසුරාදා සවස 5 සිට ලන්ඩන් බෞද්ධ විහාරයේ ධර්මපාල ශාලාවේදී පැවැත්වෙන ගුණසමරු පිංකම ආරම්භ කෙරෙන්නේ " බටහිරට බුදුදහම පැමිණීම" යන මාර්තුකාවෙන් ලන්ඩන් නුවර බෞද්ධ සංගමයේ සභාපති දොස්තර ඩෙස්මන්ඩ් බිඩල්ෆ් පවත්වන ගුණ සමරු දේශනයෙනි.

ඉන් පසුව එදින මධ්‍යම රාත්‍රිය දක්වා පරිත්‍රාණ ධර්මදේශනයකි.

මහා සංඝ රත්නය උදෙසා පසුදින හීල් දානමය පින්කමක්ද පැවැත්වෙයි. පිරිත් පිංකම සඳහා මහා බ්‍රිතාන්‍යයේ සියලුම ශ්‍රී ලාංකික විහාරස්ථානයන්හි මහා සංඝ රත්නය වැඩම කරනු ඇත.

අදහස් (0)

ලන්ඩන් දම්පල් ගුණ සැමරුම ශනිදා

රෝහණ සල්ගාදු Friday, 13 September 2013 01:07 PM

බෝධි සත්වයානෙනි, ඔබය අපේ කාලයේ ඇසූ සැබෑ බෝධි සත්වයන් ඔබ නිසා බෞධයන්ට ලැබුණු ප්‍රතිලාබ අපමණය. බුදුවීමට පෙර නැවත එක්වරක් හෝ ශ්‍රී ලංන්කාද්වීපයේ අප අතර ඉපදී සම්බුද්ධ සාසනයේ පැවැත්ම සක්තිමත් කරන සේක. ඔබකළ සියලුම පාරමී බලයෙන් මතු බුදුවේවා! තෙරුවන් සරණි.(නදී)

: 0 0

සරත්- ක්‍රොයිදන් Friday, 13 September 2013 01:09 PM

රට, ජාතිය සහ බුදු දහම දිනෙන් දින විනාශ වෙනවා. මේ හැමෝම බලාගෙන ඉන්නවා. අද ධර්මපාල තුමා බලාපොරොත්තු වූ දෙය ඉටුවෙනවා දැයි සැකයි. හැමෝම සර්ව ආගමික පුට්ටු වල පැටලිලා. ආගම දහම විනාශ වෙනවා. අයියෝ සල්ලි.(නදී)

: 0 0

කුමාරි Friday, 13 September 2013 01:14 PM

අවංකවම ලංකාවේ ඉන්න බෞද්ධයන්ට වඩා පිටරටවල ඉන්න ලංකාවේ අය බුදු දහම සුරකින්න කටයුතු කරනවා. අපි වන්දනාමාන කළ යුතු උත්තමයෙක්. බුදු දහම පැවැතෙන තාක් නමත් බැබලේවි.(නදී)

: 0 0

පුක්කුස වීරසිංහ එඩ්මන්ටන් Friday, 13 September 2013 02:57 PM

අද පිටරට වල පන්සල් වල උත්සව සහ සැණකෙළි වලට ප්‍රධානම තැන දෙනවා. ළඟදි ලන්ඩනයේ එක්තරා පන්සලක් එල්ලේ සැණකෙළිය නමින් ශුරතා තරඟාවලියක් පැවැත්වුවා. අසපු වලින් බෞද්ධ ප්‍රතිපත්ත්තිමය වැඩසටහන් පමණක් කරන බැවින් එම වැඩ සටහන් වලට බැතිමතුන් බොහෝ සහභාගි වෙනවා. නමුත් අසපු වලට යම් යම් පාර්ශව එල්ල කරන 'දෙහි කැපීම්' වල නම් කෙළවරක් නැත. (නි)

: 0 0

ලාල් කින්ස්බරි Friday, 13 September 2013 08:55 PM

අනේ.....පන්සල් වලින්ම කාලා, රෙදිත් ඇඳගෙනද මෙහෙම කතා කියන්නේ. අසපුවකටම ගන්න වටිනා පුද්ගලයා.(දී)

: 0 0

අජිත් බාකින්සයිඩ් Friday, 13 September 2013 10:49 PM

පුක්කුසයා අකුරු ඉගෙනගෙන හැමෝටම කරදරයක් වෙලා. (නි)

: 0 0

ඔබේ අදහස් එවන්න

එසැණ පුවත්

හිස්බුල්ලාට ඊශ්‍රායලයෙන් දිගටම ප්‍රහාර

2024 සැප්තැම්බර් මස 24 232 0

හිස්බුල්ලා සටන්කාමීන් ඉලක්ක කර ගනිමින් ඊශ්‍රායලය දිගින් දිගටම ප්‍රහාර එල්ල කරන බවත්, පසුගිය පැය 24 ක කාලය ඇතුළත ඊශ්‍රායල හමුදා එල්ල කළ ප්‍රහාරවලින් මි

වෙල්ලස්ස සරසවිය අසල කැලේ ගින්නක්

2024 සැප්තැම්බර් මස 24 65 0

ඌව වෙල්ලස්ස විශ්වවිද්‍යාලය අසල ග්ලේන්පින්වත්ත හිගුරුගමුව රක්ෂිතයේ රාත්‍රි (23) හටගත් හදිසි ගින්නකින් අක්කර 10 ක පමණ කොටසක් විනාශ වී ගිය බව ආපදා කළමනාකරණ

පොදු ජන පෙරමුණ හිතූ තරම් ඡන්දෙ දීල නෑ

2024 සැප්තැම්බර් මස 24 1322 0

පොදු ජන පෙරමුණේ සිතූ තරම් පිරිසක් තමාට ඡන්දය ලබාදී නැතැයි හිටපු ජනාධිපති රනිල් වික්‍රමසිංහ මහතා පාක්ෂිකයන් සහ හිතවතුන් සමග කොළඹ මල් පාරේ දේශපාලන කාර

ජනපති කාදිනල් තුමන් බැහැදකී

2024 සැප්තැම්බර් මස 24 521 0

රට හදන්නට ජනපතිට සම්පූර්ණ සහය දෙන බව මැල්කම් කාදිනල් රංජිත් කොළඹ අගරදගුරු තුමන් ජනාධිපති අනුර දිසානායක මහතා හමුවේ පැවසීය.

යුද්ධය අවසන් වෙන්න ඔන්න මෙන්න - සෙලෙන්ස්කී

2024 සැප්තැම්බර් මස 24 1208 0

රුසියාව සමඟ යුද්ධය අවසන් කිරීමට ඔන්න මෙන්න යැයි යුක්රේන ජනාධිපති ව්ලොදිමීර් සෙලෙන්ස්කී පවසයි.

යුද්ධයෙන් ලෝකය යහපත් කරන්න බෑ - මෝදි

2024 සැප්තැම්බර් මස 24 234 0

ලෝකය යහපත් තැනක් කළ හැක්කේ, සාමය පවතින්නේ නම් පමණක් බවත්, යුද ගැටුම්වලින් එය කළ නොහැකි බවත්, ඉන්දීය අග්‍රාමාත්‍ය නරේන්ද්‍ර මෝදි පෙන්වා දෙයි.