ලබන වසරේ ඔක්තෝබර්වලින් පසු ජනාධිපතිට පුටුවෙ ඉන්න බෑ

(යොහාන් භාසුර)

ආණ්ඩුව පවසන ආකාරයට ජනතා අවශ්‍යතා සපුරාලීමට නම් ජනතා පරමාධිපත්‍යය කැප කළ යුතු බවත් ලබන වසරේ ඔක්තෝම්බර් මාසයේ ජනාධිපතිවරණය නොවන්නේ නම් ඉන්පසුව සිටින ජනාධිපතිවරයා නීති විරෝධී ජනාධිපතිවරයෙක් වන බවත් නිදහස් ජනතා සභාවේ විධායක සභික, පාර්ලිමේන්තු මන්ත්‍රී මහාචාර්ය ජී. එල්. පීරිස් මහතා අද (18) පැවසීය.

මහාචාර්ය ජී. එල්. පීරිස් මහතා නාවල පිහිටි නිදහස ජනතා සභාව ප්‍රධාන කාර්යාලයේදී ඊයේ පැවැති මාධ්‍ය හමුවේදී එසේ පැවසීය.

පවතින ආර්ථික අර්බුදය හේතුවෙන් ලබන වසරේ පැවැත්වීමට නියමිතව තිබෙන ජනාධිපතිවරණය කල්දැමීමට යෝග්‍ය යැයි එක්සත් ජාතික පක්ෂ පාර්ලිමේන්තු මන්ත්‍රී වජිර අබේවර්ධන මහතා පැවසූ බවත් එසේ සිදුවුවහොත් එමගින් ප්‍රජාතන්ත්‍රවාදයේ මළගම සිදුවන බවත් පීරිස් මහතා කීය.

ලබන වසරේ ඔක්තෝම්බර් මාසයෙන් පසු නව ජනාධිපතිවරයෙක් තෝරාපත් නොගත්තොත් ජනාධිපතිවරයා සතු කාර්ය භාර සියල්ලම අහෝසි වන බව කී මහාචාර්ය ජී. එල්. පීරිස් මහතා ජනාධිපතිවරණ නියමිත කාලයට නොපැවැත්වුවහොත් දේශීය මෙන්ම විදේශීය වශයෙන් ගැටලු රාශියකට මුහුණ දීමට සිදුවන බව ද සඳහන් කළේය.

ජනාධිපති ධූර කාලය අවසන් වූ පසු මහජන මතය උරගා බැලිය යුතු බවට ප්‍රථම විධායක ජනාධිපතිවරයෙක් වූ ජේ.ආර්. ජයවර්ධන මහතා ද ප්‍රකාශ කළ ඇති බව කී මහාචාර්යවරයා සඳහන් කළේ බලයේ කේන්ද්‍රස්ථානය වන්නේ මහජන කැමැත්ත වීම නිසා පළාත් පාලන, පළාත් සභා මැතිවරණ කල්දැමුවා සේ ජනාධිපතිවරණය කල් දැමීමට නොහැකි බවත්ය.

අදහස් (9)

ලබන වසරේ ඔක්තෝබර්වලින් පසු ජනාධිපතිට පුටුවෙ ඉන්න බෑ

dammika ranaweera Monday, 18 September 2023 01:23 PM

මේ කියන කෙනා ඒ කියන අයගේ ගුරුවරයා. අම්මෝ මෙහෙමත් කුහක ගුරුවරු. එහෙම ඉන්න බැරිනම් ඔය කියන මහල්ලාට බැරියැ ඡන්දයකින් ඇවිත් කරන්න. බණ නොකියා... කඩාකප්පල් හැත්ත...

: 19 12

මැක්ස් Monday, 18 September 2023 02:06 PM

ඡන්ද කල් දාන සෙල්ලම් අපේ නායක සහෝදර අනුර දිසානායක සමග රනිල්ට කරන්නට බැරිය. ගෝටා මහතා ජනාධිපති ධුරය දරන සන්ධියේ තරම් මේ දවස්වල අපේ නායක සහෝදරතුමා ආණ්ඩු විරෝධී වීම නොකළත්, අකුදී සහෝදරයාගේ සටන්කාමී පන්නරය බිඳකුදු අඩු වී නොමැත. රාජපක්ෂවරුන්ට දාන තරම් සත්තම් රනිල් මහතාට නොදානා බවට අපේ විරුද්ධවාදීන් ප්‍රචාරය කළත්, නායක සහෝදරයා ඉතා ප්‍රබලලෙස රනිල් විරෝධීය. ප්‍රාදේශීය සභා කල්දාපු වෙලේ අප විසින් ජනතාවට කියූතරම් විරෝධයක් ඇත්ත වශයෙන්ම නොකළේ එම සටන් පන්නරය ජනාධිපතිවරණ කල් දැම්මොත් ඊට එරෙහි වීම සඳහා තබා ගැනීමටයි.

: 11 7

chinthakaMonday, 18 September 2023 07:15 PM

අනුර කුමාර දිසානායකට මඩ ගහන්න, ඔබට අශුචි කිලෝ කීයක් ලැබෙනවද මයිනාගෙන් සහ රනිල්ගෙන්..?

: 5 7

pakee Monday, 18 September 2023 02:15 PM

මොකේ හිටියත්, නොහිටියත් අපිට සෙතක් නැහැනේ ඕයි...!

: 0 11

Gam Monday, 18 September 2023 02:33 PM

එහෙනම් ගෙදර තියාගන්න...

: 0 6

Deepal Nirosh Monday, 18 September 2023 03:55 PM

රනිල් ජනාධිපතිතුමා ඔබතුමාගේ පරණ ගෝලයෙක් වෙන්න පුළුවන්. ඒ වුණාට දැන් රටේ ජනාධිපති, ගුරු ගෝලකම් තිබුණේ ඉස්සර. හරි 2024 ඔක්තෝබර් වලින් පස්සෙත් එතුමා පුටුවෙන් නැගිට්ටේ නෑ කියමුකෝ...! තමුන් මොනවා කරන්නද? මොකෝ අරගල කරන්නද? ඒක තීරණය කරන්නේ එතුමාට ඉහළින් ඉන්න උදවිය මිසක් පහළින් ඉන්න ඔබතුමාවත් අපිවත් නොවෙයි. එතුමා පුටුවේ වාඩිකළේත් ඒ අය මිසක හිතාගෙන ඉන්න විදියට දියවන්නාවේ ගොන් රැළ නෙවෙයි.

: 5 8

ෆැන්සිස්කෝ Monday, 18 September 2023 06:07 PM

මට ගුත්තිල හා මූසිල මතක් වුණා... ඇත්තටම එතැනදී ගුත්තිල දිනුවේ අහවලා කාමරේ ඉඳගෙන විභාගයට ලිව්වා වගේම තමයි එහෙම නොවුණා නම් මූසිල තමයි ජයග්‍රහණය කරන්නේ.. අනේ වත්මන් ගුත්තිල ඇදුරුතුමා දැන්වත් ගෝලයා අගය කරන්න... හොඳේ. අපි නම් ගුරුවරු හැටියට අපේ ශිෂ්‍යයෝ අපිට ඉහළින් ඉන්නවා දකින්න හරි කැමැතියි. ඉස්සර කියමනක් තිබුණා.. ඊර්ෂ්‍යාව සුවකරන්න බැරි රෝගයක් කියලා. ඒක ඔය ගුරුතුමා අහලා නැතෙයි..!

: 2 4

ANURA ROME Monday, 18 September 2023 09:31 PM

චින්තකයෝ ලපයා ඇතුළු කාලකන්නි හාල්පාරුවෝ ටික මෙලොවින් තුරන් උන දවසට තමයි ලංකාවට සෙත සැලසෙන්නේ ,එලොවටත් නැති මෙලොවටත් නැති අපතයෝ

: 0 0

Bunny Preena Tuesday, 19 September 2023 09:51 AM

ඔව්.පුටුවේ වාඩිවෙන එකක් නැහැ .කුෂන් එකක වාඩි වෙයි

: 0 0

ඔබේ අදහස් එවන්න

එසැණ පුවත්

ආබාධිත දරුවන්ට වධ දුන් පාලිකාව අත්අඩංගුවට

2024 ඔක්තෝබර් මස 12 154 0

අනුරාධපුර නගරයේ පිහිටි වීශේෂ පාසලේ නේවාසිකාගාරයේ,නේවාසිකව සිටින ශ්‍රව්‍යාබාධිත දරැ දැරියන් පිරිසකට වධ හිංසා කළ බව කියන එම නේවාසිකාගාර පාලිකාව අද(12)ද

වීදුරු ගොඩට යටවී අයෙක් මරුට

2024 ඔක්තෝබර් මස 12 265 0

හුංගම කහඳමෝදර සංචාරක හෝටල් වැඩ බිමක බහලුම් ප්‍රවාහනය කරන රථයකින් වීදුරු බෑමේ නිරතව සිටි කම්කරුවෙක් වීදුරු ගොඩට යටවී අද(12)වැනි දා මියගොස් ඇති බව හුංගම

බෝමිරිය ඇළ බැම්මට වැලි කොට්ට

2024 ඔක්තෝබර් මස 12 183 0

පවතින අයහපත් කාලගුණය හේතුවෙන් කැළණි ගඟේ ජල මට්ටම ඉහළ යාමත් සමඟ කඩුවෙල ප්‍රදේශයෙන් පිටාර ගැලීමේ අවදානමට ලක්වූ බෝමිරිය ඇළ බැම්මට වැලි කොට්ට අතුරා ගංවත

මාතර බන්ධනාගාරට තහනම් ද්‍රව්‍ය පියාඹයි

2024 ඔක්තෝබර් මස 12 141 0

මාතර බන්ධනාගාර පිටත මාර්ගයේ සිට බන්ධනාගාර අධිකාරී කාර්යාල ඉදිරිපිටට විසි කළ පාර්සලයක තිබී දුම් කොළ 15ක්, ජංගම දුරකථන 2 ක් සහ ජංගම දුරකථන ආරෝපණ 2ක් භාරයට

ගුරුතුමා පන්ති කාමරයේම මිය ගිහින්

2024 ඔක්තෝබර් මස 12 490 0

සරස්වති පුජාවට සහභාගි වෙමින් සිටි ගුරුවරයකු පාසලේ පන්ති කාමරය තුළදිම ජිවිතක්ෂයට පත් වි ඇති බව නෝටන්බ්‍රිජ් පොලිසිය පැවසිය.

පුත්තලම දුම්රිය මාර්ගයේ දුම්රිය ධාවනය ලුණුවිල දක්වා සීමා කෙරේ

2024 ඔක්තෝබර් මස 12 99 0

අධික වර්ෂාව හේතුවෙන් කොළඹ පුත්තලම දුම්රිය මාර්ගයේ ලුණුවිල හා නාත්තන්ඩිය අතර මාර්ගය ජලයෙන් යටවීම නිසා දුම්රිය ධාවනය අද (12) දහවල සිට ලුණුවිල දක්වා සීමා ක