මේ දිනවල "Crawlspace" නමින් චිත්‍රපටයක් නිෂ්පාදනය වීම බොහෝදෙනා අතර කතාබහක් ඇති වී තිබේ. ඊට හේතුව මේ නමින් 1972දී, 1986දී සහ 2012දී චිත්‍රපට තුනක් තිරගත වීමය. මෙහි ප්‍රධාන නිළිය ලෙස රඟපාන එරින් මොරියාටි පිළිබඳවද වැඩි කතාබහක් ඇති වී තිබේ. ඊට අමතරව ඉහළ ආදායමක් ලබමින් තිරගත වන "Blood Father" චිත්‍රපටයේ ප්‍රධාන චරිතයට පණපොවනු ලැබුවේද ඇයයි. එරින් මොරියාටි වන ඇය මේ වන විට 22 වැනි වියේ පසුවන්නීය. ඇය උපාධිධාරිනියක් වුවත්, බොහෝ නැඹුරුතාවක් දැක්වූයේ රංගන ශිල්පිනියක් වීමටය. එම හේතුවෙන් ඇයට 2010 වර්ෂයේදී වෘත්තියට එළැඹීමට අවස්ථාව උදාවිය. ඇය වෙළෙඳ දැන්වීම් සහ විලාසිතා නිරූපිකාවක ලෙස ක්ෂේත්‍රයට පිවිසියත්, ඇය පිළිබඳව බොහෝදෙනා නොදනිති. එයට හේතුව වූයේ ඇය දායක වූ චිත්‍රපට බොහෝ ප්‍රමාණයක් ආදායම් අතින් සාර්ථක නොවූ නිසාය.

2010 වර්ෂයේදී විකාශන වූ "One Life to Live" නම් රූපවාහිනී කතාමාලාව ඔස්සේ රංගන දිවියට එළැඹි ඇයට කථාංග 06ක් සඳහා අතුරු චරිතයකට දායක වීමටද අවස්ථාව හිමිවිය. ඉන්පසු 2010 වර්ෂයේදී Law "Order: Special Victims Unit" නම් රූපවාහිනී කතාමාලාව සඳහා ඇයට ආරාධනයක් හිමිවූ අතර, එහිදී ඇයට ප්‍රධාන චරිතයක් සඳහා අවස්ථාව ලැබිණි. එම අවස්ථාව ඇයගේ ජීවිතයේ හැරවුම් ලක්ෂය ලෙසද සටහන් වී ඇතැයි සඳහන් කරයි. 2012 වර්ෂයේදී තිරගත වූ %The Watch^ නම් චිත්‍රපටයේ ප්‍රධාන චරිතයටද ඇය පණපොවනු ලැබුවාය. එහෙත් එය එතරම් මූල්‍යමය අතින් පෝෂණය නොවූ චිත්‍රපටයක් ලෙස නම් විය.

කෙසේවුවද 2013 වර්ෂයේදී ඇයට නැවතත් රූපවාහිනී කතාමාලාවක් සඳහා වරම් හිමි විය. ඒ %Red Widow^ නම් රූපවාහිනී කතාමාලාවක් සඳහා වන අතර, එහිදී ඇය කතාංග 08ක් සඳහා දායක වී ඉවත් විය. එයට හේතු වූයේ එම වර්ෂයේදී ඇයට %The Kings of Summer^ නම් චිත්‍රපටය සඳහා ආරාධනා ලැබීමය.

2013 වර්ෂයේදී ඇය "The Kings of Summer" නම් චිත්‍රපටය සඳහා දායක වූවාය. 2014 වර්ෂයේදී ඇයට "After the Dark" චිත්‍රපටයට දායක වීමට වරම් හිමි විය. නැවත එම වර්ෂයේදීම "True Detective" නම් රූපවාහිනී කතාමාලාවට අවස්ථාව හිමිවූ අතර එම වසරේදී ඇයට චිත්‍රපට 03ක් සඳහා අවස්ථාව හිමි විය. පසුගිය ජූලි මාසයේ තිරගතවූ "Captain Fantastic" චිත්‍රපටයටද ඇය රංගනයෙන් දායක විය.

2016 ඔක්තෝබර් මාසයේ තිරගත වූ "Blood Father" චිත්‍රපටය ආදායම් වාර්තා අතරට පැමිණි චිත්‍රපටයකි. ඇය විසින් දායක වූ චිත්‍රපටයන් අතරින් වැඩිම ආදායමක් ලැබූ චිත්‍රපටය වන්නේද මෙයයි.

මේ දිනවල ආන්දෝලනාත්මක් පුවතක් වූ "Crawlspace" චිත්‍රපටයේ වැඩකටයුතු තවමත් සිදුවෙමින් පවතී. බොහෝදෙනා අදහස් දක්වන්නේ එකම නම යටතේ චිත්‍රපට තුනක් එළිදැක්වී ඇති අතර, හතරවැන්නක් එළිදැක්වීමේ අභිවෘද්ධිය කුමක්ද යන්නයි. කෙසේනමුත් මෙම පුවත් එරින්ගේ ප්‍රසිද්ධිය සඳහා බොහෝසේ ඉවහල් වන බව විදෙස් වෙබ් අඩවි සඳහන් කරයි.