IMG-LOGO

2025 අප්‍රේල් මස 05 වන සෙනසුරාදා


වැඩි පීඩනය ශී‍්‍ර ලංකා පිලට

ටෙස්ට් තරග 100 ක් සඳහා ශී‍්‍ර ලංකාව නියෝජනය කළ කී‍්‍රඩකයන් පස්දෙනා අතරට එක්වීමට කුමාර් සංගක්කාර සූදානම් වෙද්දී  ඕස්ටේ‍්‍රලියාවට එරෙහිව පැවැත්වෙන තුන්වැනි සහ අවසාන ටෙස්ට් තරගය ජයගනිමින් තරගාවලිය සම කරගන්නේ කෙසේද යන්න පිළිඳව ශි‍්‍ර ලංකා නායකයා ඇතුළු කණ්ඩායම සිතමින් පසුවෙයි. ශී‍්‍ර ලංකාව සහ  ඕස්ටේ‍්‍රලියාව අතර පැවැත්වීමට නියමිත තුන්වැනි සහ අවසාන ටෙස්ට් තරගය අද (16 වැනිදා) කොළඹ එස්. එස්. සී. පිටියේදී ආරම්භ වේ. වෝන් - මුරලිදරන් කුසලාන වෙනුවෙන් පැවැත්වෙන මෙම තරගාවලියේදී පළමු තරගය ජයගත්  ඕස්ටේ‍්‍රලියානු කණ්ඩායම මේ වන විටත් 1-0 ක් ලෙසින් ඉදිරියෙන් සිටී. මෙම තත්ත්වය නිසා අද තරගයේදී ශී‍්‍ර ලංකා පිල වැඩි පීඩනයකට නතුවී තිබේ. අද ඇරඹෙන තරගය ජය පරාජයකින් තොරව අවසන් කිරීම  ඕස්ටේ‍්‍රලියාවට තරගාවලියේ ජයග‍්‍රහණය හිමිවන්නක් වන හෙයින් ශී‍්‍ර ලංකා කණ්ඩායම තවදුරටත් ලෝක ටෙස්ට් ශ්‍රේණිගත කිරීම් අතරේ සිවුවැනි ස්ථානයේම රැඳී සිටීමට නම් අද තරගය ජයගත යුතුව ඇත. කෙසේ වෙතත් පන්දු යවන්නන් සිවු දෙනකු සමගින් පිටියට පිවිසීමට සැරසෙන ශී‍්‍ර ලංකා කණ්ඩායම අද තරගයේදී කඩුලූ 20 ක් දවාගැනීමට යන්නේ කෙසේද යන්නත් උනන්දුවෙන් බලා සිටිය හැකි නාටකයකි. ශී‍්‍ර ලංකා පිලේ ජ්‍යෙෂ්ඨ පිතිකරුවන්ගේ අසාර්ථකභාවය නිසාම පිතිකරුවන් හත් දෙනකු සමගින් පිටියට පිවිසෙන ශී‍්‍ර ලංකා පිලට අද ඇත්තේ පන්දු යවන්නන් සිවු දෙනා තෝරා ගැනීම පමණි. එයද එතරම් අසීරු නොවන්නේ අජන්ත මෙන්ඩිස් මෙම තරගය සඳහා සලකා නොබැලීමට තේරීම් කමිටුව මේ වන විටත් තීරණය කර ඇති බැවිනි. වමතින් දඟ පන්දු යවන කී‍්‍රඩක රංගන හේරත් සුවය ලැබීමෙන් පසුව ඊයේ (15 වැනිදා) නැවතත් පන්දු යවමින් සිටියේය. පළමු ටෙස්ට් තරග දෙකේදීම හොඳින් පන්දු යැවූ සුරාජ් රන්දිව් කිසියම් ආබාධයකට ලක්වී සිටින බවක් දැනගන්නටත් නැත. එහෙත් තුන්වැනි වේග පන්දු යවන්නකු පිළිබඳව ශී‍්‍ර ලංකා පිල කරුණු සලකා බලමින් සිටී. අද පිටියට පිවිසීමත් සමගම ටෙස්ට් තරග 100 කඩයිම පසුකළ පස්වැනි ශී‍්‍ර ලාංකිකයා ලෙස හිටපු නායක කුමාර් සංගක්කාර ටෙස්ට් ඉතිහාසයට එක්වෙයි. මුත්තයියා මුරලිදරන් (132), මහේල ජයවර්ධන (121), චමින්ද වාස් (111) සහ සනත් ජයසූරිය (110) ටෙස්ට් තරග ශතකයක් සම්පූර්ණ කළ සෙසු ශී‍්‍ර ලංකා කී‍්‍රඩකයෝ වෙති. එස්. එස්. සී. කී‍්‍රඩාංගණයේදී සංගක්කාර මෙතෙක් කී‍්‍රඩා කළ ටෙස්ට් තරග 18 දී රැුස්කර ඇති ලකුණු සංඛ්‍යාව 1864 ක් වන අතර ඊට ද්විත්ව ශතක තුනක්ද ඇතුළුව, ශතක හතක් ඇතුළත් වෙයි. එස්. එස්. සී. පිටියේදී ඔහුගේ ඉනිමක සාමාන්‍යය 74.56 කි. එස්. එස්. සී. පිටියේදී ටෙස්ට් ලකුණු රැස්කිරීම අතින් සංගක්කාර දෙවැනිව සිටින්නේ මහේල ජයවර්ධනට (2646) පමණි. සිය 100 වැනි ටෙස්ට් තරගයට සහභාගි වීම සම්බන්ධයෙන්  ඇතිවන හැගීම පිළිබඳව කළ විමසීමකට පිළිතුරු දුන් සංගක්කාර ඊයේ පෙරවරුවේදී ශී‍්‍ර ලංකා කි‍්‍රකට් මූලස්ථානයේදී පැවැති පුවත් පත් සාකච්ඡුාවකදී පවසා සිටියේ ටෙස්ට් තරග 100 ක් වෙනුවෙන් රට නියෝජනය කිරීමට ලැබීම භාග්‍යයක් ලෙද සලකන බවයි. සියවැනි තරගය වුවත්, පළමු වැනි තරගය වුවත් මෙය ටෙස්ට් තරගයක්. ටෙස්ට් තරගයකට ගිහිල්ලා එම තරගය ජයගන්න ලැබෙනවා නම් ඒ තරම් සතුටක් තවත් නෑ” -එය මගේ සියවැනි තරගයේදී කරගන්න ලැබෙනවා නම් එය අති විශේෂ සතුටක්” යයිද සංගක්කාර පැවසීය. ඕස්ටේ‍්‍රලියාවට එරෙහිව මෙතෙක් පැවැති ටෙස්ට් තරග දෙකේදිම ශී‍්‍ර ලංකා පිතිකරුවන්ට වැඩිම හානියක් කළ වේග පන්දු යවන්නා වන රයාන් හැරිස් කලවයේ ආබාධයක් නිසා අද තරගයට සහභාගි නොවෙයි. ටෙස්ට් තරග දෙකකදී කඩුලූ 11 ක් දවාගත් හැරිස්ගේ ආබාධය බරපතළ නැතත් ඉදිරියේ එන දකුණු අපි‍්‍රකානු, නවසීලන්ත සහ ඉන්දීය සංචාර නිසා හැරිස් සමගින් අවදානමකට මුහුණ දීමට සූදානම් නොවන  ඕස්ටේ‍්‍රලියානු කණ්ඩායම තවත් ඉදිරි පෙළ වේග පන්දු යවන්නකු වන පීටර් සිඞ්ල් ඒ සඳහා ආදේශ කර තිබේ. සිය දෙවැනි දරුවාගේ උපත සිදුවන අවස්ථාවේදී තම බිරිඳ අසළින් සිටීමට සියරට බලා ගිය රිකී පොන්ටිං නැවතත් කණ්ඩායමට පැමිණ සිටින හෙයින්  ඕස්ටේ‍්‍රලියානු කණ්ඩායමේද වෙනසක් අපේක්‍ෂා කළ හැකි වුවත් එය මේ වන විටත් තීරණය වී තිබේ. පසුගිය තරගයේදී පොන්ටිංගේ ස්ථානයට කී‍්‍රඩා කළ ෂෝන් මාෂ් එම තරගයේදී ශතකයක් ලබාගත් හෙයින් ඔහුට අද ඇරඹෙන තරගයේදී පිතිකරු ලයිස්තුවේ පහළින් කී‍්‍රඩා කිරීමට සිදුවෙයි. මාෂ්ට අවස්ථාව සැලසීම සඳහා උස්මන් කවාජා කණ්ඩායමෙන් ඉවත් කර තිබේ. මේ සම්බන්ධයෙන්  ඕස්ටේ‍්‍රලියානු නායකයා පවසන්නේ -රිකී කොහොමටත් කණ්ඩායමේ තේරීමක්. ඔහු පැමිණෙන එක ඉතාමත් හොඳයි. ඒත් පළමු තරගයේදී ශතකයක් ලබාගත් නිසා ෂෝන් මාෂ් ඉවත දමන්නත් බෑ” -කොහොමටත් මේක උස්මන් කවාජාට අසීරු අවස්ථාවක්” යනුවෙනි.

ඕස්ටේ‍්‍රලියානු කණ්ඩායම

ෂේන් වොට්සන්, පිලිප් හියුස්, රිකී පොන්ටිං, මයිකල් ක්ලාක් (නායක), මයිකල් හසී, ෂෝන් මාෂ්, බ‍්‍රැඞ් හැඩින්, මිචෙල් ජොන්සන්, පීටර් සිඞ්ල්, ටෙ‍්‍රන්ට් කෝප්ලන්ඞ් සහ නේදන් ලයන්.

ශී‍්‍ර ලංකා සංචිතය

තිලකරත්න ඩිල්ෂාන් (නායක), තරංග පරණවිතාන, කුමාර් සංගක්කාර, මහේල ජයවර්ධන, තිලාන් සමරවීර, ප‍්‍රසන්න ජයවර්ධන, ඇන්ජලෝ මැතිව්ස්, සුරාජ් රන්දිව්, සුරංග ලක්මාල්, චානක වෙළගෙදර, ළහිරු තිරිමාන්න, රංගන හේරත්, සමින්ද එරංග, ධම්මික ප‍්‍රසාද්, සීක්කුගේ ප‍්‍රසන්න.



අදහස් (0)

වැඩි පීඩනය ශී‍්‍ර ලංකා පිලට

ඔබේ අදහස් එවන්න

 

 
 

එසැණ පුවත්

දේශබන්දු යෝජනාවට පක්ෂ රැසකින් රතු එළියක්
2025 අප්‍රේල් මස 05 3274 5

පොලිස්පති දේශබන්දු තෙන්නකෝන් මහතා ධූරයෙන් නෙරපීමේ යෝජනාව ගෙන එන ආකාරය ස්ථාවර නියෝගවලට පටහැනි බව සඳහන් කරමින් විපක්ෂයේ දේශපාලන පක්ෂවල නායකයින් පාර


මෝදි- අනුර එක්ව ලංකාවේ දැවැන්ත වැඩ තුනක් අරඹයි
2025 අප්‍රේල් මස 05 1622 5

ඉන්දියානු රජයේ සහාය ඇතිව මෙරට ක්‍රියාත්මක සංවර්ධන ව්‍යාපෘති 3ක වැඩ ආරම්භ කිරීම සහ විවෘත කිරීම ඉන්දියානු අග්‍රාමාත්‍ය ශ්‍රී නරේන්ද්‍ර මෝදි මහතාගේ සහභ


සහන කණ්ඩායම මියන්මාරයට පිටත් වෙයි
2025 අප්‍රේල් මස 05 523 0

භූමි කම්පාවෙන් විපතට පත් මියන්මාරයේ ජනතාවට සහන සැලසීම සඳහා ත්‍රිවිධ හමුදා සාමාජිකයන් විසි හය දෙනෙකුගෙන් සමන්විත වෛද්‍ය සහ සහන සේවා කණ්ඩායම විශේෂ ගු


බද්ද ගැන රජය ඇමරිකාව එක්ක සාකච්ඡා කරන්න යයි
2025 අප්‍රේල් මස 05 353 3

එක්සත් ජනපද නව තීරු බදු ක්‍රමය පිළිබඳව ගතයුතු ක්‍රියාමාර්ග සොයා බලා රජයට නිර්දේශ ඉදිරිපත් කිරීම සඳහා පත් කළ කමිටුව සහ ජනාධිපති අනුර කුමාර දිසානායක මහ


ඉන්දු-ලංකා අවබෝධතා ගිවිසුම් හතක්
2025 අප්‍රේල් මස 05 378 1

ඉන්දියාව සහ ශ්‍රී ලංකාව අතර ක්ෂේත්‍ර කිහිපයකට අදාලව අත්සන් තැබුණු අවබෝධතා ගිවිසුම් 7ක් හුවමාරු කර ගැනීම ජනාධිපති අනුර කුමාර දිසානායක සහ ඉන්දීයානු අග


පෙරටුගාමී සමාජවාදී පක්ෂය කොටුවේ විරෝධතාවක
2025 අප්‍රේල් මස 05 777 4

ඉන්දියානු අගමැති නරේන්ද්‍ර මෝදි සමග ලංකාවේ ආණ්ඩුව අත්සන් කිරීමට නියමිත ගිවිසුම් හා ඒවා අත්සන් කරන අත්තනෝමතික ආකාරයට විරෝධය දැක්වමින් පෙරටුගාමී සමා


මේවාටත් කැමතිවනු ඇති

ශ්‍රී පාද අඩවිය පිරිසිදුව තබාගැනීමට සියපත ෆිනෑන්ස් වෙතින් නිර්මාණශීලී විසඳුමක් 2025 අප්‍රේල් මස 04 254 0
ශ්‍රී පාද අඩවිය පිරිසිදුව තබාගැනීමට සියපත ෆිනෑන්ස් වෙතින් නිර්මාණශීලී විසඳුමක්

නව්‍යකරණයෙන් පිරිපුන් හෘද්‍යාංගම මූල්‍ය සේවාවක නියැලෙමින් ශ්‍රී ලාංකිකයන්ගේ විශ්වාසය දිනූ සියපත ෆිනෑන්ස් පීඑල්සී ආයතනික සමාජ සත්කාරක වැඩසටහන් මා

Hello Dada කියලා කියන්නේ Say Prime චැනල් එකෙන් නිෂ්පාදනය වුන පළවෙනි මිනි සීරීස් එක. 2025 මාර්තු මස 31 419 1
Hello Dada කියලා කියන්නේ Say Prime චැනල් එකෙන් නිෂ්පාදනය වුන පළවෙනි මිනි සීරීස් එක.

මිනි සීරීස් කන්සෙප්ට් එකෙන් සීරීස් කිහිපයක්ම නිර්මාණය කරපු අධ්‍යක්ෂකවරයෙක් තමයි ජෝ දිසානායක. Hello Dada අධ්‍යකෂණය සිදු කරන්නේද ඔහු විසින්ම. බොහෝ ජනප්‍රිය

ප්‍රයිම් සමූහය වෙතින් PrimeMax: අවම මූලික ගෙවීමක් සහ ඇදහිය නොහැකි මාසික වාරිකයක් සමගින් දේපළ සඳහා ආයෝජනය කිරීමට අනගි අවස්ථාවක් 2025 මාර්තු මස 21 933 0
ප්‍රයිම් සමූහය වෙතින් PrimeMax: අවම මූලික ගෙවීමක් සහ ඇදහිය නොහැකි මාසික වාරිකයක් සමගින් දේපළ සඳහා ආයෝජනය කිරීමට අනගි අවස්ථාවක්

ප්‍රයිම් සමූහය ශ්‍රී ලංකාවේ දේපළ වෙළඳාම් ක්ෂේත්‍රයේ පෙරළියක් සිදුකරමින් නව ගෙවීම් ක්‍රමවේදයක් හඳුන්වා දීමට පසුගියදා කටයුතු කළේ ය.

Our Group Site