අම්බලන්ගොඩ ව්‍යපාරිකයාගේ මරණය සම්බන්ධයෙන් මහේස්ත්‍රාත් පරීක්ෂණය බලපිටිය වැඩබලන මහේස්ත්‍රාත් ඉසෙඩ්.පී.එම්. රියාකාද් මහතා විසින් සිදුකරනු ලැබීය. 

පැය පහක පමණ කාලයක් වසා දමා තිබූ හීනටිය මාර්ගයද විවෘත කැරිණි.

අම්බලන්ගොඩ හෝටල් හිමියකුට වතුගෙදර පාරේ දී වෙඩි තබා ඇතැයි පොලිසිය කියයි.

වෙඩි තැබීමෙන් මාදූවගේ සරත් නිමල් (49) මහතා මිය ගිය බව පොලිසිය පවසයි. ඔහුගේ සිරුර බලපිටිය රෝහලේ තබා ඇත. 

මාදු ගඟේ දූපතක පිහිටි අරලිය විලා හෝටලයට එළවළු රැගෙන යතුරුපැදියෙන් යද්දී ඔහුට වෙඩි තබන්නට ඇතැයි පොලිසිය සැකකරයි. තුවක්කුකරුද යතුරුපැදියකින් එන්නට ඇතැයි කියති. මියගිය ව්‍යාපාරිකයා දෙදරු පියෙකි.

ව්‍යාපාරිකයා මරා දැමීමෙන් පසු මහේස්ත්‍රාත් පරීක්ෂණය පැවැත්වෙන තුරු එම පාර වාහන ගමනාගමනයට වසා ඇත. විකල්ප මාවත් ඔස්සේ පොලිසිය වාහන යවයි.

ඡායාරූප - දීපාල් ද සිල්වා