2024 නොවැම්බර් මස 27 වන බදාදා
2024 නොවැම්බර් මස 27 වන බදාදා
(ඩබ්. ඒ. පියතිලක)
වසර 40ක කාලයක් සිට ගම්මාන 20ක පමණ ජනතාව ප්‍රතිකාර ලබා ගත් ඇළහැර දියබෙදුම ප්‍රාථමික රෝහල වෛද්‍යවරුන් නොමැතිකමින් රෝහල වසාදමා ඇතැයි ගම්වාසීහු කියති.
බාහිර රෝගී අංශයට සහ නේවාසික රෝගීන් රෝහලට බාර නොගන්නා අතර සායනය පමණක් අද (11) පැවැත්විණි.
මෙම රෝහලේ වෛද්‍යවරුන් හතරදෙනෙකු සිටිය නමුත් මේවන විට එක් වෛද්‍යවරයෙකුත්, හෙදියන් සිව්දෙනෙකුත් සහිතව කාර්යමණ්ඩලයේ 15දෙනෙකු පමණක් සිටින බවද එහි වෛද්‍යවරයෙක් පැවසීය.
මෙම රෝහලෙන් දිනකට 600ක පමණ ජනතාවක් ප්‍රතිකාර සඳහා පැමිණෙන බවද අසන්නම මහරෝහල වන පොළොන්නරුව මහ රෝහල ඇත්තේ කිලෝමීටර් 30 පමණ දුරකින් බැවින් ඔවුන් පීඩාවට පත්ව ඇති බවද ගම්වාසීහු කියති.
පසුගිය වසර දෙක තුළ රුපියල් ලක්ෂ 110ක මුදලක් වැය කර වෛද්‍යවරුන්ගේ නිල නිවාස ඇතුළු අංග සම්පුර්ණ රෝහලක් බවට මෙය පත් කර තිබේ. නේවාසික රෝගීන්ට ප්‍රතිකාර ලබාගැනීමට අංග සම්පුර්ණ වාට්ටු සංකිර්ණ දෙකක් සහිතව රෝගීන් 40කට ප්‍රතිකාර ලබා ගැනීමට පහසුකම් ඇති බවද ප්‍රදේශවාසීහු කියති.
පොළොන්නරුව ප්‍රදේශීය සෞඛ්‍ය අධක්ෂක වෛද්‍ය ඩී.එස්. ඒ. ජයසිංහ මහතාගෙන් විමසීමේදී ඔහු මෙසේ කීය.
“මෙම රෝහලේ වෛද්‍යවරු තිදෙනෙක් හිටියා. එක් වෛද්‍යවරයෙකු සේවය හැර ගියා. අනික් වෛද්‍යවරයාට ස්ථාන මාරුවීමක් ලැබුණා. එම ස්ථාන මාරුවීම මම අනුමත නොකළත්, සෞඛ්‍ය අමාත්‍යංශයේ ඉහළ නිලධාරීන්ගේ උපදෙස් පරිදි එසේ කිරීමට මට සිදුවුණා. එක් වෛද්‍යවරයෙකුට දිවා රාත්‍රී දෙකම සේවය කරන්න බැරි නිසාත්, ප්‍රාථමික රෝහලක් ලෙස පවත්වාගෙන යන්නට බැරි නිසාත්, වෛද්‍යවරු පැමිණෙන තෙක් බාහිර රෝගී අංශය සහ නේවාසික රෝගීන් ඇතුළත් නොකර ගන්නා ලෙසට මම උපදෙස් දුන්නා. සායනය පමණක් පවත්වාගෙන යන ලෙස පැවසුවා ” යැයි කීය.
ඉදිරි දිනවලදි බාහිර රෝගී අංශය පමණක් පවත්වන බව එම රෝහලේ ප්‍රකාශකයෙක් පැවැසීය.
වහාම මෙම රෝහලට වෛද්‍යවරුන් ලබාදීමට කටයුතු කරන්නැයි ජනතාව බලධාරීන්ගෙන් ඉල්ලා සිටිති.
කාර්තිව් පොලිස් වසමට අයත් නින්දවුර් මද්‍රසා පාසලේ සිසුන් 07 දෙනකු ගමන්ගත් ට්‍රැක්ටරයක් අද සවස කාර්තිව් - සම්මන්තුරේ මාර්ගයේ දී ජල පහරට හසුවි ගසාගෙන යා
කටුනායක ගුවන් තොටුපොළ වෙත ගොඩ බැස්සවීමට පැමිණි ගුවන් යානා 06 ක් කටුනායක ගුවන් තොටුපොළ අවට ප්‍රදේශයට මේ වනවිට පවතින අධික වැසි සහිත කාළගුණික තත්වය නිසා ,
නිරිත දිග බෙංගාල බොක්ක මුහුදු ප්‍රදේශය ආශ්‍රිතව පැවති පීඩන අවපාතය ඉදිරි පැය 12 තුළදී වයඹ දෙසට ගමන් කර ගැඹුරු පීඩන අවපාතයක් දක්වා වර්ධනය වෙමින් දිවයිනේ
සියලු ධීවර යාත්‍රා නැවත දැනුම් දෙන තුරු මුහුදු යාම තාවකාලිකව අත්හිටුවන බව ධීවර හා ජලජ සම්පත් දෙපාර්තමේන්තුවේ අධ්‍යක්ෂ ජනරාල් සුසන්ත කහවත්ත මහතා පැවස
ඇද හැලෙන ධාරානිපාත වර්ෂාවත් සමඟ ආපදා තත්වයක් ඇති වුවහොත් ජනතාවයින් මුදවා ගැනීම සඳහා හෙලිකොප්ටර් යානා 6 ක් සූදානමින් පවතින බව ගුවන් හමුදා මාධ්‍ය ප්‍රක
පොළොන්නරුව වැලිකන්ද මාදුරු ඔය ප්‍රදේශයේ කුඹුරු වගාව වන සතුන්ගෙන් බේරා ගැනීමට ගොස් ගංවතුරට දින දෙකක කාලයක් කොටු වී සිටි ගොවීන් හත් දෙනකුගේ ජීවිත බේරා
2024 නොවැම්බර් මස 05
552
0
වසර විසිපහක විශිෂ්ට ඉතිහාසයක් සහිත BMS කැම්පස් ආයතනය නවෝත්පාදනයන් පෝෂණය කරමින් අනාගත නායකයින් නිර්මාණය කරමින් සහ හැඩගස්වමින් විශිෂ්ට ආයතනයක් බවට මේ ව
2024 ඔක්තෝබර් මස 18
751
0
සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 51 වැනි ශාඛාව කලූතර දිස්ත‍්‍රික්කයේ අර්ධ නාගරික ජනාකීර්ණ නගරයක් වූ මතුගම නගරයේදී පසුගියදා විවෘත කෙරිණ.
ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප‍්‍රධාන අංගයකි. වාහනයක් කරදර වලින් තොරව සිත්සේ භාවිත කර
වෛද්‍යවරුන් නොමැතිව දියබෙදුම රෝහල වහයි
චන්න Wednesday, 11 December 2019 05:40 AM
අපේ නව ආණ්ඩුව මහ මැතිවරණයෙන් පසු මෙම ප්‍රශ්නයට ස්ථීර විසදුමක් ගෙන දෙනු ඇත.
samWednesday, 11 December 2019 06:43 AM
එතකං ප්‍රදේශවාසීන්ට ලෙඩ නොවී ඉන්න කියලත් කිව්වානම් හොඳයි.
Binkunndaa. Wednesday, 11 December 2019 06:18 PM
නෑ නෑ, මහා අය යනවා වගේ සිංගප්පූරු රෝහලට ගියානම් ඉවරයිනේ..!!!
KapilaWednesday, 11 December 2019 09:53 AM
ආණ්ඩුව පත් කළ දොස්තරලට කියලාවත් ප්‍රශ්නය විසදන්න බැරිද? දොස්තරලා දැන් සෞඛ්‍යය සේවයේ වැරදි දැක්කම වැඩ වර්ජනය කරන්නෙ නැද්ද?
SaamanthaWednesday, 11 December 2019 11:10 AM
තාම සෞඛ්‍යය අැමති කෙනෙක් පත් කරලා නැතුවද? පත් කරන්නෙ මහා මැතිවරණයෙන් පස්සෙද?
Udaya Wednesday, 11 December 2019 06:02 AM
වෛද්‍යවරුන් දේශපාලනය කරන්න ගියාම තමන්ගේ යුතුකම් අමතක කරනවා. කරුණාකර දැන්වත් දේශපාලනය හෝ වෛද්‍ය වෘත්තිය යන දෙකෙන් එකක් තෝරාගන්න. මෙවැනි ප්‍රශ්ණ ඔබලාටම විසඳාගත හැකියි. මෙහි 'බලධාරීන්' කියන්නේත් ඔබලාම තමයි. රජය අපහසුවට පත් නොකරන්න.
Mahee Wednesday, 11 December 2019 06:20 AM
ඉස්සර ඕවට මාරු කරන වෛද්‍යවරු ඒ මාරුව අවලංගු කර ගන්න ලොකු ලොක්කෝ පස්සේ ගියා. වෛද්‍ය පාදෙනිය සමිතියේ සභාපති හැටියට සාමාජිකයන්ගේ පැත්ත ගත්තා. දැන් ඉතින් පාදෙනිය මහත්තයා සෞඛ්‍ය ලේකම් වශයෙන් "Catch 22" තත්වේ ඉඳගෙන මොකද කරන්නේ කියලා අපි බලන් ඉන්නවා.
jessWednesday, 11 December 2019 08:16 AM
එහෙම කියන්න එපා. මගෙ නෝන කිලිනොච්චිය පැත්තෙ මහ දුෂ්කර එකකට තමයි මුලින්ම ගියේ. අපි දෙන්නම කලුතර සහ ගාල්ලේ. ඉතින් කොහෙත්ම අපි දන්න කියන පැත්තක් නෙවෙයි. අවුරුදු දෙකෙන් මාරුවීම් දෙනව කියල පොරොන්දු වුනා. එහෙ ගිහින් අවුරුදු 2 ක් හෙන කට්ටක් කාලා අවුරුද්දක් වත් නැති පොඩි එකාව මාසෙකට සැරයක් විතර දැකලා වැඩ කරලා අවුරුදු දෙකක් ගියහම මාරුවීම ආවහම ඒක දෙන්න බැහැලු. අන්තිමට තවත් අවුරුද්දක් කට්ට කාලා යුනියන්, අමාත්‍යාංශ ගානෙ මාස ගණන් රස්තියාදු වෙල යන්තන් ආවේ. එහෙම ආවම මෙහෙම කියන එක වැරදියි. එක්කෝ ඒ පැත්තෙ දොස්තරලව ඒවට දාන්න ඕනේ. නැත්තන් හරිහමන් විදිහට මාරුවීම් දෙන්න ඕන.
ManojWednesday, 11 December 2019 10:11 AM
හිතන්නකෝ රට ගිහින් වැඩ කරලා අපමණ දුක් විදලා අවුරුදු 2 ක් ලංකාවට නිවාඩුව හම්බෙන අයට කොහොම දුකක් ඇත්ද?
hesha Wednesday, 11 December 2019 06:29 AM
කමක් නෑ තාප්ප වල චිත්‍ර අදිනවනේ....
athuraThursday, 12 December 2019 05:01 AM
ඇත්ත ඇත්ත ඕකත් මහින්ද පැරදුණු ගමන් ආපු සිංහලේ රැල්ල වගේ තමයි. දැන් කෝ ඒ ඇඳුම් ස්ටිකර්...?
Nilmini Wednesday, 11 December 2019 06:59 AM
අවශ්‍යම දේ කරනවනේ. තාප්ප ජරා කරන එක. ලෙඩ්ඩු මැරුණට කමක් නැහැ
Uditha - London Wednesday, 11 December 2019 07:06 AM
වෛද්‍යය විද්‍යාලෙන් පිටවෙන අය අනිවාර්යෙන්ම දුෂ්කර සේවයට යොමු කරන්න ඕන.
ගොට්ටා Wednesday, 11 December 2019 08:15 AM
ඕක වැහුවට කමක් නෑ. සිංගප්පුරුවේ රෝහල් වැහුවොත් මරාගෙන මැරෙයි.
රවින් Wednesday, 11 December 2019 08:49 AM
තාවකාලික විසදුමක් ලෙස පැරණි සහකාර වෛද්‍ය සේවය ඇති කළානම්............ ආපු ආපු ඇමතිලා පම්පෝරි දෙඩුවා මිස මෙවැනි ප්‍රයෝගික ප්‍රශ්න කෙරෙහි තම අවධානය යොමු කළානම් අද මේ ප්‍රශ්නය නැහැ. කොහොම උනත් දැන්වත් වැඩිපුර සිසුන් ප්‍රමාණයක් වෛද්‍ය විද්‍යාලවලට ඇතුලත් කරගන්න කටයුතු යෙදුවානම් ?
Kamal Wednesday, 11 December 2019 08:56 AM
ලංකාවේ දේශපාලනය කරන හුගක් දෙනෙකුට වෙස් මූණු දාලා තියෙන්නේ. කොයි වෙලාවේ ෆියුස් එක යයිද දන්නේ නෑ.
godfrey Wednesday, 11 December 2019 09:07 AM
සජිත්ට ගමේ මිනිස්සු ඡන්දේ දීලා තිබුනොත් මේ කපේදී ඔය රෝහල ගොඩ ගැනීම සිහිනයක් වන්නට බැරිත් නැහැ.
Nandalal DE SILVA - France Wednesday, 11 December 2019 09:15 AM
පහුගිය යහපාලන රජය සමයේ හැම දේකටම උගුර ලේ රහවනතුරු, ගිරිය කඩාගෙන බෙරිහන් දීපු, රජයේ වෛද්‍යය සංගමයේ "ඩොක්ටර් පාදෙනිය" මේ දරුණු ප්‍රශ්නයට විසදුමක් ලබාදෙන්න ඉදිරිපත් නොවුනේ මොකද කියා රටවැසියා අසනවා.
ජයරත්න Wednesday, 11 December 2019 10:40 AM
පසුගිය වසර 5ක කාලයක් රටේ රජතුමාත් ඔය පැත්තේ කෙනෙක් නේද?
Aris Wednesday, 11 December 2019 11:16 AM
සයිටම් වැහුවේ නැත්නම් ඔහොම වෙන්නේ නැහැ.
Praba Wednesday, 11 December 2019 11:29 AM
වෛද්‍ය විද්‍යාලවලින් පිටවන වෛද්‍යවරුන් සැළකිය යුතු ප්‍රමාණයක් රට හැර යනවා. විශේෂඥ වෛද්‍යවරු බහුතරයක් විදේශ පුහුණුවෙන් පසු ලංකාවට එන්නේ නෑ. සොච්චම් පඩියකට බැනුම් අහගෙන වැඩ කරන්නේ මොන මෝඩකමකටද? පිටරටකට ගිහිල්ලා සුපිරි වැටුපක් සමග දෙයියනේ කියලා ඉන්න පුළුවන්කම තියෙද්දී... ඔය ගමේ මිනිසුන්ට බැරියැ සිංගප්පූරුවට ගිහින් බෙහෙත් ගන්න.
Dasa P Wednesday, 11 December 2019 01:04 PM
බයවෙන්න එපා වෛද්‍ය සංගමය සංවිධානය වෙලා එක්කෙනෙක් මාසෙකට දවස ගානේ ඇලහැර ගිහින් ලෙඩ්ඩු බලයි.
කපුරුහාමි Wednesday, 11 December 2019 01:30 PM
අලුත් සෞඛ්‍ය ඇමතිනිවත් මෙයට විසඳුමක් දෙනකම් බලන් ඉන්නවා.
lalithmThursday, 12 December 2019 02:54 AM
හි හි.. බලාගෙන ඉන්න. එතකොට ඊළඟ ඡන්දෙට ඒ පළාතේ අයට මොනවා කරනව කියලද කියන්න පොරොන්දු වෙන්නේ...?
Piyathilaka Wednesday, 11 December 2019 07:29 PM
රෝහලකට පත් වීම් දෙන්නෙ සෞඛ්‍යය අමාත්‍යංශයෙන් මිසක් වෛද්‍යවරුන්ගේ හිතුමනාපෙට ඉස්පිරිතාල වලට යන්න බැරි බව අදහස් දාන අය අය දැන ගත යුතුය.
GuneSaturday, 14 December 2019 01:39 PM
ඒකනෙ කියන්නේ. පියතිලක මහත්තයට තියෙන මොලේ මේ මිනිස්සුන්ට නැති හැටි අම්මප. දැන් බලන්න මේ පින්තුරවල ඉන්න ළමයි වඩාගත්ත අම්මල ඕකවත් දන්නේ නැතුව සෞඛ්‍ය අමාත්‍යංශයට කරදර කරන්න එන හැටි. හරිනම් රජය අප්‍රසාදයට පත්කරනවාට විරුද්ධව නඩු දාන්න ඕන මේ ලෙඩ්ඩුන්ට විරුද්ධව.
ranjith Wednesday, 11 December 2019 10:48 PM
පර්යන්තයේ තියෙන රෝහල්වල නේද දොස්තරලා අනිවාර්යයෙන් සිටිය යුතු...? අද වෙලා තියෙන්නේ මහ රෝහල් වල පිරිලා පොඩි රෝහල් වල පුරප්පාඩු පුරවන එක නේද හොඳ? මහරෝහල්වල තදබදය අඩු කරන්න.
සනා Thursday, 12 December 2019 12:40 AM
වෛද්‍යවරුන් සේවය හැරයාමට හේතුව ඉහත කමෙන්ට් වලින්ම වටහාගත හැකියි.
lalithm Thursday, 12 December 2019 02:49 AM
අර වෙදකමේ ගුණාත්මකභාවය පතා වර්ජන කරන දොස්තර අලුත්ගේ මහත්තයලාට බැරිද හුදීජනයාගේ ප්‍රයෝජනයට මේවා විවෘත කරන්න සහාය වෙන්න. එහෙම කළොත් අපි පිළිගන්නවා. ඒ ගොල්ලන් ටිකක් හරි මිනිස්සු ගැන හිතනවා කියලා...
sas Thursday, 12 December 2019 03:07 AM
දියබෙදුම ඉන්නේ ලාංකිකයන් නොවේද?
jayath Thursday, 12 December 2019 03:38 AM
මේ අහිංසක දුප්පත් මිනිස්සුන්ගේ ප්‍රශ්නෙට ඔවුන්ගේ ජීවිතවලට ඊනියා සංගම් වගකියන්න ඕනේ. මොකද රජයේ එම්.බී.බී.එස් යන්න අකමැතියි. ගියත් එක පයක් මෙහෙ තියාගෙන ඉන්නේ. ඔය පළාත්වල මිනිස්සුනට අමිල සේවයක් කරා ඉස්සර හිටිය සහකාර වෛද්‍ය වරු. ඒ අයට නිග්‍රහ කරා "බාගෙට ඉගෙනගත් දොස්තරලා " කියලා. එහෙම කරලා ඒ අයව නැතිකරලම දැම්මා. ( මේ ප්‍රශ්නෙදි මියගිය කාලෝ පොන්සේකා මහත්තය සහකාර වෛද්‍යවරු වෙනුවෙන් පෙනී හිටිය වග එතුමාට ගෞරවයක් වශයෙන් සටහන් කරන්න ඕන )දැන් ඊනියා උපාධිධාරීන් එහාට යන්නේ නැහැ. මේ ප්‍රශ්නෙට ටිකක් තද විසඳුම ඕන. මොකද අනිත් රාජ්‍ය සේවකයෝ ඔක්කොටම දුෂ්කර සේවයේ ඉන්න පුලුවන්නම් දොස්තරලට විතරක් බැරිවෙන්න හේතුවක් නැහැ. මේ ලියන මමත් තරුණ කාලේ ඔය දුෂ්කර සේවයේ වසර 3ක් විතර හිටිය කෙනෙක්. දුෂ්කර උනත් ඕව හරිම සුන්දර පැති.
සනාThursday, 12 December 2019 04:26 AM
මෙතන වී ඇත්තේ දොස්තර සේවයෙන් ඉල්ලා අස්වීම... ඉල්ලා අස්වුණාම කොහොමද බලෙන් දාන්නේ?
Perera Thursday, 12 December 2019 08:20 PM
"එම ස්ථාන මාරුවීම මම අනුමත නොකළත්, සෞඛ්‍ය අමාත්‍යංශයේ ඉහළ නිලධාරීන්ගේ උපදෙස් පරිදි එසේ කිරීමට මට සිදුවුණා". ඔන්න ඕක තමයි රටේ බොහෝ තැන්වල සිදුවෙන්නේ. රටේ පරිපාලනයට පුද්ගලික උවමනාවන් මත එක එකා තම තමන්ගේ වාසියට තමන්ගේ දේශපාලන බලය පාවිච්චි කරලා තමන්ගේ පුද්ගලික උවමනාවන් ඉටු කරගන්නවා. අන්තිමේට ජනතාව තමයි පීඩා විඳින්නේ. මේ ක්‍රමවේදය නව ජනාධිපතිටවත් නව රජයටවත් නවත්වන්න පුළුවන් වුනොත් හොඳයි
sharm warn Friday, 13 December 2019 01:08 PM
කෝ අර පාදෙණිය ලොක්කා? උඩ පැනපැන මැරෙන්න හැදුවනේ සයිටම් එකේ ඉන්න වෛද්‍ය ශිෂ්‍යයන් ලෙඩ්ඩු මරනවෝ කියලා... දැන් මොකද කියන්නේ? එයාගේ මාෆියාව මොකද්ද කියලා ඒ කාලේ පාරට බැහැපු අම්මලා තාත්තලාට තේරෙනවද දන්නේ නැහැ දැන්වත්...