2024 නොවැම්බර් මස 06 වන බදාදා
2024 නොවැම්බර් මස 06 වන බදාදා
(තිළිණි ද සිල්වා සහ රංජන් කටුගම්පොළ)
මහියංගනය රඹකැන් ඔය ආශ්‍රිත වනාන්තරයේ ඇති වැදි ජනතාවගේ පාරම්පරික නිජභූමි ආශ්‍රිත හෙක්ටයාර 500ක භූමි ප්‍රමාණයක් මහවැලි සංවර්ධන අධිකාරියට පවරාගෙන, එළිපෙහෙළි කරමින් බඩ ඉරිඟු වගා කිරීම සඳහා පෞද්ගලික වැවිලි සමාගමකට ලබා දීමට එරෙහිව වන්නිලා ඇත්තෝ සහ පරිසර යුක්ති කේන්ද්‍රය ගොනු කළ රිට් පෙත්සම සම්බන්ධයෙන් වන විරෝධතා අප්‍රේල් 23 වැනි දා ගොනු කරන්නැයි අභියාචනාධිකරණය අද (5) නීතිපතිට නියෝග කළේය.
මහියංගනය රඹකැන් ඔය ආශ්‍රිත වනාන්තරයේ ඇති වැදි ජනතාවගේ පාරම්පරික නිජභූමි ආශ්‍රිත හෙක්ටයාර 500ක භූමි ප්‍රමාණයක් මහවැලි සංවර්ධන අධිකාරියට පවරාගෙන, එළිපෙහෙලි කරමින් බඩ ඉරිඟු වගා කිරීම සඳහා පෞද්ගලික වැවිලි සමාගමකට ලබා දීම හේතුවෙන් වැදි ජනතාවගේ සාම්ප්‍රදායික ජීවන රටාවට තර්ජනයක් එල්ල වී ඇතැයි සදහන් කරමින්,එම ව්‍යාපෘතිය ක්‍රියාත්මක කිරීම වළක්වාලන අතුරු නියෝගයක් නිකුත් කරන ලෙසත් , එමගින් පරිසරයට සිදුවූ හානියට වන්දි ලබා දෙන ලෙස ඉල්ලා ආදිවාසී නායක ඌරුවරිගේ වන්නිලා ඇත්තෝ සහ පරිසර යුක්ති කේන්ද්‍රය ගොනු කළ රිට් පෙත්සමක් අද අභියාචනාධිකරණය හමුවේ කැදවූ අවස්ථාවවේදී අභියාචනාධිකරණය මේ නියෝග කළේය.
මෙම පෙත්සම් අභියාචනාධිකරණ සභාපති විනිසුරු අර්ජුන ඔබේසේකර සහ මායාදුන්නේ කොරයා යන මහත්වරුන්ගෙන් යුතු අභියාචනාධිකරණ විනිසුරු මඩුල්ලක් හමුවේ කැඳවිණි.
ලබන මැයි 5 වැනිදා පෙත්සම සම්බන්ධයෙන් කරුණු තහවුරු කිරීමට බැලීමට අභියචනාධිකරණය අද දින නියම කළේය.
පෙත්සම කැඳවූ අවස්ථාවේදී අතිරේක සොලිසිටර් ජනරාල් පාරින්ද රණසිංහ මහතා අධිකරණයට කරුණු දක්වමින් කියා සිටියේ දැනට ලැබී ඇති තොරතුරු අනුව සිද්ධිය අදාළ භූමි ප්‍රදේශය මහවැලි සංවර්ධන අධිකාරියට අයිති එකක් ,මීට අදාළ ඔප්පු සහ වෙනත් ලියකිවිලි අධිකරණය හමුවට ඉදිරිපත් කිරීමට බලාපොරොත්තු වන බවයි.
පෙත්සමේ හයවැනි වගඋත්තරකාර ආර්.ඒ.එන් ප්ලාන්ටේෂන් සමාගම වෙනුවෙන් පෙනී සිටි නීතීඥ පුලස්ති රූපසිංහ මහතා කියා සිටියේ මහවැලි සංවර්ධන අධිකාරියට අයත් අක්කර 50 පමණක් එළි පෙහෙළි කර අදාළ ව්‍යාපෘතිය සදහා ලබා ගෙන ඇතත් පෙත්සම්කරුවන් කියනා පරිදි වන රක්ෂිතයකට හා වන ජීවින්ට හානි කර නොමැති බවයි.
එසේම තම සේවාදායකයා මෙම ආයෝජන ව්‍යාපෘතිය ලෙස කර ගෙන යන්නක් බවද නීතීඥ පුලස්ති රූපසිංහ මහතා කීය.
කොළඹ වරායේ නැගෙනහිර බහාලුම් පර්යන්තයේ ඉදිකිරීම් කටයුතු 2025 ජුනි 30 වැනිදා වන විට අවසන් කිරීමට ප්‍රවාහන මහා මාර්ග වරාය සහ සිවිල් ගුවන් සේවා අමාත්‍ය විජි
අනුර කුමාර දිසානායක ජනාධිපතිවරයාගේ ක්‍රියාකලාප හා ප්‍රකාශ තුළින් රටේ ජනතාව අතරමං වී ඇති මොහොතක තවමත් ජනතාවට ඇති එකම විසදුම සමගි ජන බලවේගය යැයි එහි නා
කොරියා ජාත්‍යන්තර සහයෝගීතා ආයතනයේ තාක්ෂණික හා මුල්‍ය දායකත්වය මත ඌව පළාත සහ උතුරු පළාත කේන්ද්‍ර කර ගනිමින් ක්‍රියාත්මක කිරීමට යෝජිත තිරසාර ඒකාබද්ධ ඝ
’’ආසියාව ශක්තිමත් කිරීමෙහිලා බුද්ධ දර්ශනයෙහි කාර්යභාර්යය’’ යන තේමාව යටතේ ලොව පළමු ආසියානු බෞද්ධ සමුළුව ඊයේ(05) සහ අද(06) ඉන්දියාවේ නවදිල්ලි නුවර අශෝක්‌
පාස්පෝට් ලබාගැනීම සඳහා ඔන්ලයින් ක්‍රමවේදය යටතේ දිනයක් ලබාගැනීමේ ක්‍රමවේදය මේ වනවිට ක්‍රියාත්මක වන බව කැබිනට් ප්‍රකාශක අමාත්‍ය විජිත හේරත් මහතා පැව
පාසල් ළමුන් බසයට නංවාගැනීම ප්‍රතික්ෂේප කල රියදුරු සහ කොන්දොස්තර වරයෙකු වැඩ තහනමකට ලක්කල බව කළුතර දිස්ත්‍රික් ප්රධාන ප්‍රාදේශීය කළමණාකාර කාර්යාලය
2024 නොවැම්බර් මස 05
26
0
වසර විසිපහක විශිෂ්ට ඉතිහාසයක් සහිත BMS කැම්පස් ආයතනය නවෝත්පාදනයන් පෝෂණය කරමින් අනාගත නායකයින් නිර්මාණය කරමින් සහ හැඩගස්වමින් විශිෂ්ට ආයතනයක් බවට මේ ව
2024 ඔක්තෝබර් මස 18
432
0
සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 51 වැනි ශාඛාව කලූතර දිස්ත‍්‍රික්කයේ අර්ධ නාගරික ජනාකීර්ණ නගරයක් වූ මතුගම නගරයේදී පසුගියදා විවෘත කෙරිණ.
ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප්රධාන අංගයකි. වාහනයක් කරදර වලින් තොරව සිත්සේ භාවිත කර
වැදි ජනතාවගේ නිජභූමි බඩඉරිඟු වගාවට දීමට කරුණු 23දා කියන්න
sharm warn Friday, 05 March 2021 09:31 AM
මහවැලියට, වන රක්ෂිතයට අයිතිය දුන්නේ අප්පොච්චිද? කියත් මගෙන් මීට වඩා දෙයක් බලාපොරොත්තු වෙන්න පුළුවන්ද? බඩ ඉරිඟු වගාව කොහොම වෙතත් වටිනා කියන ගස්කොළන් ටික පටවලා ඇති. කාගේ සාක්කුවටද දන්නේ නැහැ වැවිලි සමාගමේ කොමිස් කුට්ටිය යන්නේ? අර උද්දික කියන නළුවා පාර්ලිමේන්තුවට කිව්වනේ පරිප්පු වෙනුවට බඩඉරිඟු හොදි කන්න පුළුවන් කියලා... පෝෂණ ගුණයක් ගැන සත 05ක අවබෝධයක් නැතිව. එයාගේ යෝජනාව ස්ථිර කරන්න ද මේ බඩ ඉරිඟු වවන්නේ?
Praba Friday, 05 March 2021 11:13 AM
වනාන්තරයට හෝ වන සතුන්ට හානි නොවන ලෙස වනය එළි කිරීම සෞභාග්‍යයේ දැක්ම නම් වේ..
විජිත් Friday, 05 March 2021 03:25 PM
කාටවත් කරදරයක් නැතිව තමන්ගේ හයියෙන් ජීවත්වන අපේ ආදිවාසීන් රැකබලා ගැනීම ශ්‍රී ලාංකික අපි හැමෝගේම යුතුකමක්... රට පාලනය කරන නූගත්, මෝඩ, හොර, දූෂිත, මිනීමරුවන් දුරදිග නොබලා කරන මේ සෙල්ලම.. " රටට ඉතාමත්ම අවාසිදායක ලෙස " අවසන් විය හැක. දැන් ලෝකයේ හැම රටක්ම, හැම ජාතියක්ම තමන්ගේ ආදිවාසින් හට ගෞරව කරන තත්වයකට ඇවිල්ලා. ඒ කාලයේ තමන් අතින් ආදීවාසීන් හට සිදුවූ සියලුම වැරදිවලට සමාව ඉල්ලනවා. ඕස්ට්‍රේලියාව තම ජාතික ගියේ සමහර කොටස් වෙනස් කළා.... ආදිවාසින් වෙනුවෙන්. නමුත් අපේ ගෝත්‍රික පාලකයින් අපේ ආදිවාසීන්ගේ ජීවිතය ගැට ගසාගන්නා " කැලෑ පොජ්ජ " හොර තක්කඩි මුදලාලිලාට දීලා. ඒ ඡන්දෙදි තමන්ගේ පක්ෂයට කළු සල්ලිවලින් උපකාරකරලා.. මෝඩ බයියන්ට කුඩ, සිල් රෙදි, වැසිකිලි පෝච්චි, ටකරම්, අරක්කු ආදිය බෙදන්න කරපු උදව්වට ප්‍රති උපකාරයක් වශයෙන්. මහපොළව නුහුලන මේ අපරාධය අනිවාර්යයෙන්ම ජිනීවා මානව හිමිකම් මේසය මතත් දිග හැරේවි... ශ්‍රී ලංකාවේ පාලකයිනේ, මේ රටේ මිනිස්සු ඔබලාට බලය දුන්නේ තාවකාලිකවයි. මේ කරන අපරාධවලට කවදා හෝ ඔබලාට ගෙවන්න වෙනවාමයි. සොබා දහම් නීතිය ඒ තරම් බලගතුයි.
Nuwan Saturday, 06 March 2021 06:41 AM
වැද්දන්ටත් කෙළවපු සක්කිලි ආණ්ඩුවක්... මොන ලැජ්ජා නැති වැඩක්ද මේ..?
wasantha Saturday, 06 March 2021 02:12 PM
පුරාණයේ සිට එන ඉඩම් අයිතිය මෑතදී පටන්ගත් රජයේ ආයතන මගින් ගැසට් පත්‍රිකාවක් වගේ ලේසි ක්‍රමයකට පවරාගෙන තමන්ගේ හිතවත් කොම්පැනියකට දීම කලක සිටන් කරගන ආපු දෙයක්. මුතුරාජවෙල කරන්න හැදුවේත් එකයි. ආයෝජනය කියන්නේ හොරය වහගන්න. මේක නවත්තන්න මේ රජයට බැරි නම් මොකද්ද මේ රජයෙන් ඇති වැඩේ?