"ටයිටැනික්" චිත්‍රපටය හරහා අතිශයින් ජනප්‍රිය වූ කේට් වින්ස්ලෙට් මේ වනවිට තමන්ගෙ සුපුරුදු නිවහන වන වේදිකා නාට්‍ය කලාවට අවතීර්ණ වීමට කාලය නොමැතිව ළතැවෙන බවක් හොලිවුඩයෙන් වාර්තා වෙනවා. තමන්ට වේදිකා නාට්‍යයක වැඩ කරන්න ලොකු ආසාවක් තිබ්බත්, මාස 23ක බෙයාර්, අවුරුදු 14ක් වයස මියා සහ අවුරුදු 11ක් වයස ජෝයි තනිකර නාට්‍ය කලාව වෙනුවෙන් ඒ හැන්දෑව කැප කරන්න තමන්ට තාම බැහැ කියලා ඇය කියනවා. අනික ඇයට තමන්ගෙ කලා කටයුතු සහ ළමයින්ගෙ කටයුතු සමබර කරගන්න තාමත් අමාරුයිලු. මේක ඒ තරම් ලෙහෙසි පහසු කටයුත්තක් විදිහට තමන් දකින්නෙ නැහැ කියලයි වින්ස්ලෙට් කියන්නෙ. ඒත් තමන් වාසනාවන්ත ගැහැනියක් බවත් ඇය කියනවා. හැබැයි ඇය ගෞරවනීය ලෙස ලෝකය පුරා උදේ නවයේ සිට සවස පහ දක්වා සේවය කරන කාන්තාවන්ට තමන්ගෙ උත්තමාචාරය පුද කරනවා කියලත් පවසනවා. මොකද ඔවුන් තමයිලු නියම ගැහැනු. අවුරුද්දට සති 48ක් වැඩ කරන ඔවුන් තමයිලු ඇගයීමට පාත්‍ර විය යුත්තේ.