(සුජිත් හේවාජූලිගේ)

පවතින අයහපත් කාලගුණ තත්ත්වය හේතුවෙන් උසස් පෙළ විභාගය තවත් දින තුනක් නොපැවැත්වීමට තීරණය කළ බව විභාග කොමසාරිස් ජනරාල් අමිත් ජයසුන්දර මහතා පවසයි,

ඒ අනුව  උසස් පෙළ විභාගය දෙසැම්බර් 4 වැනි  දා යළි ආරම්භ වේ.

නොවැම්බර් 30, දෙසැම්බර් 2, සහ දෙසැම්බර් 3  යන දිනයන්හි විභාගය නොපැවැත්වීමට ඒ අනු  විභාග දෙපාර්තමේන්තුව තීරණය කර ඇත.

දෙසැම්බර් මස 4 වන දිනට කාලසටහනේ නියමිත විෂයන් ඒ අයුරින්ම පවත්වන බව  විභාග කොමසාරිස්වරයා පැවැසීය.

ඒ අනුව කල්දැමූ උසස් විෂයන් නැවත පවත්වනු ලබන අයුරු විභාග කොමසාරිස්වරයා දැනුම් දී සිටියේ මෙසේය

* නොවැම්බර් 27 වන බදාදා නොපැවැත්වූ විෂයන් දෙසැම්බර් 21 සෙනසුරාදා

* නොවැම්බර් 28 වන බ්‍රහස්පතින්දා නොපැවැත්වූ විෂයන් දෙසැම්බර් 23 සඳුදා

* නොවැම්බර් 29 වන සිකුරාදා නොපැවැත්වූ විෂයන් දෙසැම්බර් 27 සිකුරාදා

* නොවැම්බර් 30 වන සෙනසුරාදා නොපැවැත්වූ විෂයන් දෙසැම්බර් 28 සෙනසුරාදා

* දෙසැම්බර් 2 වන සඳුදා නොපැවැත්වූ විෂයන් දෙසැම්බර් 30 සඳුදා

* දෙසැම්බර් 3 වන අඟහරුවාදා නොපැවැත්වූ විෂයන් දෙසැම්බර් 31 අඟහරුවාදා