වියට්නාම් කෝටිපති ව්‍යාපාරික කතට මරණ දඬුවම්

(විමුක්ති එස් රුද්‍රිගු)

අල්ලස් ගැනීම, බැංකුකරණය පිළිබඳ රෙගුලාසි උල්ලංඝනය කිරීම සහ වංචා කිරීමේ චෝදනාවලට වැරදිකාරිය වූ වියට්නාමයේ දේපල වෙළඳාම් ක්ෂේත්‍රයේ දැවැන්ත ව්‍යාපාරිකාවක වන ට්‍රොන්ග් මි ලාන්ට වියට්නාම අධිකරණය මරණීය දණ්ඩනය නියම කර ඇත.

වියට්නාමයේ හෝ චි මින් සිටි නගරයේ පිහිටි අධිකරණයක මසක් පුරාවට මෙම නඩුව විභාග වූ අතර එහිදී ඉහත චෝදනාවලට මි ලාන් වැරදිකාරිය වූවාය.

වංචා කිරීමේ චෝදනාව සඳහා මි ලාන්ට මරණීය දණ්ඩනය නියම වූ අතර ඇමරිකානු ඩොලර් බිලියන 12.5 ක් වැනි විශාල මුදලක් වංචා කර තිබීම එයට හේතුව විය.

මි ලාන් සභාපති ධූරය දරන වෑන් තින් පැට් සමූහ ව්‍යාපාරය ෂෙල් සමාගම් සහ සගයන්ගේ උදව්වෙන් වියට්නාම එස්.සී.බී බැංකුවෙන් ඇමෙරිරිකානු ඩොලර් බිලියන 12.5 ක් වූ එම මුදල වංචා කර තිබිණි.

මි ලාන් මුදල් වංචා කළ එස්.සී.බී බැංකුවද 2012 වසරේ සිට තින් පැට් සමූහ ව්‍යාපාරය පාලනය කළේය. වසර දහයකට වැඩි කාලයක් මි ලාන් සභාපතිත්වය දැරූ තින් පැට් සමූහ ව්‍යාපාරය ව්‍යාජ ණය අයැදුම්පත් සඳහා අනුමැතිය ලබා ගනිමින් මෙම මුදල් වංචා කර ඇති බවත් වංචා කරමින් එලෙස ලබාගත් මුදල් සමූහ ව්‍යාපාරයේ ප්‍රයෝජනයට ගෙන ඇති බවත් නඩු විභාගයේදී හෙළිවිය. එලෙස වංචා කළ මුදලට පොලියත් එකතු කළහොත් වංචා කළ මුළු මුදල ඇමරිකානු ඩොලර් බිලියන 20කට වඩා වැඩිවන බවත් එය වියට්නාමයේ දළ දේශීය නිෂ්පාදිතයෙන් සියයට 4.69 ක් බවත් අධිකරණයේ කරුණු දක්වමින් රජයේ නීතිඥවරු ප්‍රකාශ කළහ.

අදහස් (15)

වියට්නාම් කෝටිපති ව්‍යාපාරික කතට මරණ දඬුවම්

රාලහාමි Friday, 12 April 2024 04:52 PM

ශ්‍රී ලංකාවේත් හංගලා, යට ගහලා තිබෙන නඩු ළඟදීම එළියට ඇදෙනවා. එදාට රට කාපු හොරු, මිනීමරුවෝ කී දෙනෙක් එල්ලුම් ගස් යයිද කියලා රටේ ජනතාව බලාගෙන ඉන්නවා...!

: 1 2

අරවින්ද මොනරවිල Friday, 12 April 2024 05:40 PM

වියට්නාමයේ වගේ වේගවත් ආර්ථික වර්ධනයක් සහ සංවර්ධන වැඩ සටහනක් මෙන්ම දූෂණයට හා වංචා වලට දැඩි දඬුවම් දෙන නීති පද්ධතියක් ක්‍රියාත්මක කරන ආණ්ඩුවක් ලංකාවටත් අවශ්‍යයි. ඉදිරි ජනාධිපතිවරණයේදී ජනතාව නිවැරැදි තීන්දුවක් ගතහොත් ඒ වාසනාව ලක්වැසියන්ටත් හිමිවනු ඇත.

: 1 3

චන්දන Friday, 12 April 2024 05:41 PM

ලංකාවේ මේ වගේ නඩුත් වියට්නාම විනිසුරු ලවා අහන්න බැරිද..?

: 0 3

Muthu Friday, 12 April 2024 06:04 PM

ලංකාවේ වගේමයි හොර බොරු වංචා කරෝතින් එහෙම ඉවරටේම ඉවරයි... නඩු දැම්මොත් එහෙම ලංකාවේ ඉතුරු වෙන්නේ සුපිරිසිදු පාලිමේන්තුව හා කොටස් වෙළෙඳපොල සුපිරි බිස්නස් කාරයින් ටික විතරයි.

: 0 2

ජගත් ලියනගේ Friday, 12 April 2024 06:41 PM

වියට්නාමය කොච්චර දියුණු රටක්ද? ඒ රට ඔයතරම් දියුණු වෙලා තියෙන්නේ වැරැදි කරන අයට නිසි දඬුවම් කරන නිසයි. ඒ රටේ මිනිස්සු වැරැදි කරන්න බයයි.

: 0 2

Supun Friday, 12 April 2024 07:12 PM

ගෑනු කොහොමත් වංචාවන්ට, අනුන් රවටන්න එහෙම දක්ෂයි. උත්පත්තියෙන් එන දක්ෂකමක් ඒක...

: 0 1

පිටරටවැසියා Friday, 12 April 2024 07:47 PM

වියට්නාමෙ එහෙම වුණත් ලංකාවේ එහෙම වෙන්නෙ නෑ නෑමයි...

: 0 4

nanda Friday, 12 April 2024 08:58 PM

හොරකමට, අල්ලසට එදා නැති රටවල් අද දියුණු වෙලා. අපේ රටේ හරියට මේවගේ දඬුවම් ක්‍රියාත්මක වෙලා තිබුණා නම් රට විනාශ කරන පාලකයෝ බිහිවෙන්නේ නැහැ.

: 0 2

Always break down Friday, 12 April 2024 10:56 PM

මැදමුලන පරම්පරාවටත් මෙය හොඳ ආදර්ශයක්...

: 0 2

Poor Citizen Saturday, 13 April 2024 03:27 AM

දෙවියන්ට පින් සිද්ද වෙන්න ලංකාවේ අපිට ඒ වගේ සාධාරණයක් නැහැ .මොකද අපි එහෙම උනොත්, විශේෂයෙන්ම රාජපක්ෂ පවුලේ කිසිම දේශපාලකයෙක් ලංකාවේ ජීවත් වෙන්නේ නැහැ.

: 0 2

lakee Saturday, 13 April 2024 04:14 AM

අ[පෙ රටේ බැංකු හොරු ජනාධිපතිලා වෙනවා .ජනාධිපතිගේ යාලුවා මහේන්ද්‍රන් සිංගප්පූරු වල සුරසැප විඳිනවා

: 0 2

Bamunuarachchi Saturday, 13 April 2024 06:06 AM

අපේ මහ බැංකුවේ කට්ටිය හිටියානම්? දෙයියෝ සාක්කි.

: 0 2

B Amarasinghe Saturday, 13 April 2024 07:59 AM

නියමයි. අපේ මහ බැංකු කොල්ලකරුවන්ට දුන්න දඬුවම වගේමයි

: 0 2

Perera Saturday, 13 April 2024 09:21 AM

වියට්නාමයේ එහෙම වුණත් ලංකාවේ එහෙම වෙන්නේ නෑ. අපේ තක්කඩි හිරේ යන්නේ නෑ. ඔවුන්ට නඩු දාන්නෙත් නෑ.

: 0 2

Nimal madawala Saturday, 13 April 2024 12:24 PM

මරණ දඬුවම දුන්නම මුදල් කවුද ගෙවන්නේ .පාඩුව රජයට දරාගන්න වේවි .මුදල් අය කර ගැනීමේ ක්‍රමයකට ගියානම් වටිනවා

: 1 1

ඔබේ අදහස් එවන්න

එසැණ පුවත්

මන්ත්‍රී වාහන, විශ්‍රාම වැටුප් නතර කිරීම ගැන හොයන්න කමිටුවක්

2024 සැප්තැම්බර් මස 30 108 0

පාර්ලිමේන්තු මන්ත්‍රීවරුන්ගේ තීරු බදු රහිත වාහන බලපත්‍ර අහෝසි කිරීම සහ මන්ත්‍රී විශ්‍රාම වැටුප අහෝසි කිරීම සම්බන්ධයෙන් සොයා බලා නිර්දේශ ඉදිරිපත් ක

ඉන්ධන මිල පහළට

2024 සැප්තැම්බර් මස 30 990 0

ඔක්ටේන් 92 පෙට්‍රල්, ඩීසල් සහ භූමිතෙල් මිල අද (30) මධ්‍යම රාත්‍රීයේ සිට පහළ දැමූ බව ලංකා ඛනිජ තෙල් සංස්ථාව නිවේදනය කළේය.

සයිබර් අපරාධකවන් මෙරටට ඒම ජාතික ආර්ථිකයට විශාල බලපෑමක්

2024 සැප්තැම්බර් මස 30 262 0

යුක්ක්‍රේන, බල්ගේරියන් හා ඉන්දීය ජාතික සයිබර් අපරාධකවන් විශාල ප්‍රමාණයක් සංචාරකයින් ලෙස මෙරටට ඇතුළු වී සිදු කරන මුදල් වංචා හේතුවෙන් මෙරට බැංකු පද්ධ

ලෙබනන් සහ සිරියා ශ්‍රී ලාංකිකයනට විශේෂ පණිවිඩයක්

2024 සැප්තැම්බර් මස 30 161 0

ලෙබනනයේ සහ සිරියාවේ මතුව ඇති අවිනිශ්චිත තත්වය හේතුවෙන් එම රටවල සංචාරය කිරීමෙන් වළකින්නැයි විදේශ කටයුතු අමාත්‍යාංශය එම රටවල් පිළිබඳ සංචාරක උපදේශනය ය

“පක්‍ෂය පාවාදුන් අයට නාමයෝජනා දෙන්නේ නෑ“

2024 සැප්තැම්බර් මස 30 359 0

ශ්‍රී ලංකා පොදුජන පෙරමුණ පාවාදුන් කිසිවකුට නැවත එම පක්ෂයේ ඉහළ නිලතල හෝ නාම යෝජනා නොදෙන බවත් එම පිරිස සම්බන්ධයෙන් පක්‍ෂය ගත් ස්ථාවරයේ අඛණ්ඩව සිටින බවත

මට ගහන්න කවුරුත් එන්නේ නෑ

2024 සැප්තැම්බර් මස 30 895 0

ප්‍රභූ ආරක්‍ෂාවට තමන් කැමැතක් දක්වන පුද්ගලයෙක් නොවන බවත් ප්‍රභූ ආරක්‍ෂාව ඉවත් කළ ද ප්‍රශ්නයක් නොවන බවත් හිටපු ජනාධිපති මෛත්‍රීපාල සිරිසේන මහතා අද (30)