IMG-LOGO

2024 නොවැම්බර් මස 27 වන බදාදා


වැව් තාවුල්ලේ වළදැමූ රෝහල් අපද්‍රව්‍ය යළි ගොඩගනී

(අජිත්ලාල් ශාන්ත උදය සහ ජයන්ත නානායක්කාර)
 

සෙවනගල ප‍්‍රාදේශීය ලේකම් කොට්ඨාසයේ  කිරිඉබ්බන් වැව් තාවුල්ලේ සමගිපුර ඉඩමක හොර රහසේ වළදැමූ රෝහල් අපද්‍රව්‍ය තොගයක්  නැවත ගොඩගෙන   වෙනත් ස්ථානයකට  රැගෙන යමින් සිටි ටිපර් රථ දෙකක් අත්අඩංගුවට ගෙන ඇතැයි පොලීසිය කියයි.

මෙම  රෝහල්  අප ද්‍රව්‍ය තොගය ගොඩ ගෙන  කියුබ් හතරේ ටිපර්  රථ හතරකින්  මීගහජදුර ප‍්‍රදේශයේ කැලෑවකට  රැගෙන යාමට උත්සාහ කර ඇති අතර  ප්‍රදේශවාසීන්ගේ විරෝධතා මැද ටිපර් රථ දෙකක් එතැනින් පිටත්ව ගොස් අනික්  ටිපර් රථ දෙකක් පමණක් අත්අඩංගුවට ගෙන තිබේ.

මෙම අපද්‍රව්‍ය මාස දෙක තුනකට පෙර මෙම ස්ථානයේ වළ දමා තිබු බවට තොරතුරු අනාවරණය වී ඇතැයි පොලීසිය පවසයි. මේ වන විට එම ටිපර් රථ දෙක  සෙවනගල පොලිස් ස්ථානය ඉදිරිපිට නවතා ඇති අතර ඉන් වහනය වන දුර්ගන්ධය ඉවසිය නොහැකි බව ඒ අවට ජනතාව කියති.

විදුහල්පතිවරයෙකු බව කියන පුද්ගලයෙකුට අයත් සමගිපුර පිහිටි අක්කර තුන වපසරියෙන් යුත් ඉඩමක මෙම  අපද්‍රව්‍ය වළ දමා තිබී ඇත. එම විදුහල්පතිවරයා  යැයි කියන පුද්ගලයා සහ  තණමල්විල ප‍්‍රාදේශීය සභාව නියෝජනය කරන දේශපාලනඥයෙන් පිරිසක් පැමිණ අපද්‍රව්‍ය තොගය ගොඩගන්නා විට  ප්‍රදේශවාසීන් ඊට දැඩි විරෝධය දැක්වීමත් සමඟ  පරිසර අධිකාරියේ නිලමුද්‍රා සහිත වූ ලිපියක්  ප්‍රදේශවාසීන්ට පෙන්වා  අපද්‍රව්‍ය ගොඩගෙන ටිපර් රථවලට පටවා මීගහජදුර ප‍්‍රදේශයට ගෙනගිය යාමට උත්සාහ කර තිබේ.

වළදමා තිබූ රෝහල් අපද්‍රව්‍ය බැකෝ යන්ත‍්‍රයක ආධාරයෙන්  ටිපර් රථ හතරට,  පටවා ඇති අතර ඒ වළ අවට සහ ටිපර් රථය ගමන් ගත් මාර්ගයේ එන්නත් කටු, සිරින්ජර් වැනි ප්ලාස්ටික් ද්‍රව්‍ය වැටී තිබෙනු දැක ගතහැක. වැසි තත්ත්වයක් ඇති වුවහොත් ඒවා කිරිඉබ්බන් වැවට ගසාගෙන යාමේ දැඩි අවදානමක් පවතී. මේ දිනවල ප‍්‍රදේශයේ අහස ද බීරුමෙන් යුතුව පවතී.
 
අඩි පනහක දිගින් සහ පළලින් යුතු  වළක මෙම අපද්‍රව්‍ය තිබී ඇති අතර ඒවා ගෙන යාමෙන්  පසු ඒ වළවල් ජලයෙන් පිරී ඇත. කිරිඉබ්බන් වැවේ ජල සීමාවට මීටර් දෙසීයක පමණ දුරින් ඒ වළ පිහිටා තිබේ. කිරි ඉබ්බන් වැවේ ජල මට්ටම ඉහළ ගියහොත් හෝ වැසි ඇදහැලූණොත් ඒ වළේ ඇති රසායනික ද්‍රව්‍ය මිශ‍්‍ර ජලය කිරිඉබ්බන්වැවට මුසුවීමේ දැඩි අවදානමක් පවතී.
 
කිරිඉබ්බන්වැවට ගලාඑන කලූආරට මෙම වළේ සිට මීටර් දෙකතුනකට වඩා දුර නැත. මේ සම්බන්‍ධයෙන් විදිමත් පරික්‍ෂණ තවමත් ක‍්‍රියාත්මක නැති බව පවසන ප‍්‍රදේශවාසීන් කිරි ඉබ්බන්වැවට මේ ජලය මුසුවීමට පෙර වහා මැදිහත් වන්නැයි බලධාරින්ගෙන් ඉල්ලා සිටිති. වැවේ ජලය පරිභෝජනය කරන වැසියන් දහස් ගණනක් වගාකටයුතු කරන ගොවිබිම් විශාල ප‍්‍රමාණයක ඇති බවද කියති.

මෙම ඉඩමේම තවත් ස්ථානය මේ හා සමාන රෝහල් අපද්‍රව්‍ය තොගයක් වළ දමා ඇතැයි ප‍්‍රදේශවාසීහූ සැක පළ කරති.  
 
මීට අමතරව මෙම ස්ථානයට කිලෝ මීටරයක් පමණ දුරින් උඩවළව, තණමල්විල ප‍්‍රධාන පාරේ දාහතර හමාර ප‍්‍රදේශයේ අක්කර 50කින් යුතු විශාල ඉඩමකට ද මේ ආකාරයේ ම රෝහල් අපද්‍රව්‍ය කන්ටේනර් අටක් පමණ වළවල් කපා බැහැරකර ඇතැයි තොතුරු අනාවරණය වී ඇතැයි කියති.
 
 සිද්ධිය සම්බන්ධයෙන්  කිසිදු පුද්ගලයෙක් මේ වන විට අත්අඩංගුවට  ගෙන නොමැත.



අදහස් (10)

වැව් තාවුල්ලේ වළදැමූ රෝහල් අපද්‍රව්‍ය යළි ගොඩගනී

පහන් Thursday, 15 August 2019 06:15 AM

ලංකාවේ හැම කුණු ගොඩක්ම පොළවට යට කරන්නමයි බලන්නේ... නැත්නම් කඳු ගහනවා. ඇයි මේ බලධාරීන්ට බැරි කසල දාහකයක් හදන්න (Incinerator) ඉතා හොඳ තත්වයේ දාහයකින් වාතයට එකතුවන වායූ වර්ග ඉතා අවමයි. විශාල දාහකයක් ලංකාවට අයත් කුඩා දූපතක පවා සවිකළ හැකියි. මෙම ක්‍රමය සිංගප්පූරුවේ ඉතා සාර්ථකව ක්‍රියාත්මක වේ.

:       9       221

අතුල Thursday, 15 August 2019 06:36 AM

මේක ගෝඨාභය එන්නම ඕන කාලයක්.

:       975       802

HafeelThursday, 15 August 2019 08:24 AM

ගෝඨාභය මහතා ආරක්ෂක ලේකම් දූරය දරන කාලයේ තමයි ලංකාවට කුණු ගෙන්න අවසර දෙමින් විශේෂ ගැසට් පත්‍රයක් නිකුත් කළේ. රාජපක්ෂලා නොදැනුවත්ව කිසිම දෙයක් වුනේ නැහැ ඒ කාලේ. මේ පක්ෂ දෙකම රට විනාශ කල මිසක රට ගොඩ නැගුවේ නැහැ.

:       304       386

raviThursday, 15 August 2019 08:59 AM

ඔව් ඔව් එයා ඇවිල්ලා ඇමෙරිකාවේ කුණුත් මෙහෙට ගෙනේවි. අමතක කරන්න එපා කුප්‍රකට අක්සා ගිවිසුම අත්සන් කලේ ඔයාගේ ඔය කියන කෙනා තමයි. අතීතය අමතක කරන්න පුළුවන් අමනුස්සයෝ ඉන්න රටකට ගිය කලක්...

:       410       586

udayaSaturday, 17 August 2019 02:23 AM

ඔව්, එතුමා එන්න ඕනෑ. එතුමාගේ සමීපතමයෙකුගේ දෙයක් නම් ඔය විරෝධතාව දක්වපු ගම්වැසියන්ට දෙවිපිහිටයි. රතුපස්වල මතක් වුණා.

:       0       10

පහන් Thursday, 15 August 2019 07:03 AM

දඹුල්ලේ ඉවත් කරන එලවළු වලින් බයෝ ගෑස් හදලා ඒ ගෑස් වලින් නොදිරන කුණු පිලිස්සීමට දඹුල්ලේම කසල දාහකයක් ස්ථාපිත කළ හැකියි. නැත්නම් ඒ එළවළු කාලා වන අලි ලෙඩ වෙනවා. මම මේ විෂය ගැන ඔස්තාර් කෙනෙක් නෙමේ. නමුත් මේ වගේ අදහස් ක්‍රියාවට නගන්න සලකා බැලිය යුතුයි.

:       0       100

lalithm Thursday, 15 August 2019 07:41 AM

ඇයි අපේ බහුශ්‍රැත චම්පික ඇමතිතුමාට ඕකට විසඳුමක් දෙන්න බැරි. ඔහු ඉංජිනේරුවෙක් නේද? රෝහල් අපද්‍රව්‍ය තියෙන්නේ ලංකාවේ විතරද? මේ වගේ ක්‍රියාමාර්ග වලින් රට ජරා කරන්නේ ලංකාව ම්ලේච්ච ගෝත්‍රිකයින්ගේ රටක් කියල හිතලද? කරුණාකර සුදුසුකම්ලත් අයවලුන් ලවා විසඳුමක් ගනිමු.

:       0       2

ධම්ම Thursday, 15 August 2019 08:26 AM

මෙම අපද්‍රව්‍ය තොගය ගොඩ ගැනීමේදී විරෝධතා දැක්වූ ජනතාව ඒවා වල දමන විට විරෝධතා දැක්වුයේ නැද්ද?

:       1       12

SanjuSaturday, 17 August 2019 07:24 PM

ගොඩ ගනිද්දී කියකිය ගොඩ ගත්තට වළදාද්දි කියකිය වළ දැම්මේ නෑනේ...

:       0       0

රජින්ද Thursday, 15 August 2019 10:49 AM

වැව් තාවුල්ලක රෝහල් අපද්‍රව්‍ය වළ දානවයි කියන්නේ මොනතරම් අධම ක්‍රියාවක්ද? ඔය වතුර බොන මිනිස්සු ඉන්නවා, නාන-රෙදි සෝදන මිනිස්සු ඉන්නවා, වගා වලට දානවා ඉස්පිරිතාලවල අපද්‍රව්‍ය වළ පිළිකාකාරක, ඒඩ්ස් රෝගීන්ගේ සාම්පල, වෙනත් බෝවන රෝගීන්ට දීපු සිරින්ජර තියෙන්න පුළුවන්... එතකොට ඔය වැවේ වතුර ඔය පළාත්වල මිනිස්සු ඔය කිසිම දෙයක් නොදැන පරිභෝජනය කරන්න පුළුවන්. මේ කුණු සහ පලිබෝධනාශක නිසා අපේ රටේ මිනිස්සුන්ට ඉදිරියේදී හිතාගන්නවත් බැරි රෝග, ලේ විසවීම් ඇති වෙන්න පුළුවන්... මේකටද දේශපාලනය කියන්නේ. නින්දිතයි.!

:       0       52

ඔබේ අදහස් එවන්න

එසැණ පුවත්

කාර්තිව් පාසලක සිසුන් පහක් ඇතුළු හතක් ගසාන ගිහින්
2024 නොවැම්බර් මස 26 1047 0

කාර්තිව් පොලිස් වසමට අයත් නින්දවුර් මද්‍රසා පාසලේ සිසුන් 07 දෙනකු ගමන්ගත් ට්‍රැක්ටරයක් අද සවස කාර්තිව් - සම්මන්තුරේ මාර්ගයේ දී ජල පහරට හසුවි ගසාගෙන යා


කටුනායකට ආ ගුවන් යානා හයක් මත්තලට සහ ඉන්දියාවට යවයි
2024 නොවැම්බර් මස 26 1232 0

කටුනායක ගුවන් තොටුපොළ වෙත ගොඩ බැස්සවීමට පැමිණි ගුවන් යානා 06 ක් කටුනායක ගුවන් තොටුපොළ අවට ප්‍රදේශයට මේ වනවිට පවතින අධික වැසි සහිත කාළගුණික තත්වය නිසා ,


ඉදිරි පැය 12 ගැන කාලගුණය අනතුරු අඟවයි
2024 නොවැම්බර් මස 26 982 0

නිරිත දිග බෙංගාල බොක්ක මුහුදු ප්‍රදේශය ආශ්‍රිතව පැවති පීඩන අවපාතය ඉදිරි පැය 12 තුළදී වයඹ දෙසට ගමන් කර ගැඹුරු පීඩන අවපාතයක් දක්වා වර්ධනය වෙමින් දිවයිනේ


ධීවර යාත්‍රා මුහුදු යාම නතර කරයි
2024 නොවැම්බර් මස 26 220 0

සියලු ධීවර යාත්‍රා නැවත දැනුම් දෙන තුරු මුහුදු යාම තාවකාලිකව අත්හිටුවන බව ධීවර හා ජලජ සම්පත් දෙපාර්තමේන්තුවේ අධ්‍යක්ෂ ජනරාල් සුසන්ත කහවත්ත මහතා පැවස


ආපදාවට ලක් වූවන් බේරගන්න හෙලිකොප්ටර් හයක්
2024 නොවැම්බර් මස 26 587 0

ඇද හැලෙන ධාරානිපාත වර්ෂාවත් සමඟ ආපදා තත්වයක් ඇති වුවහොත් ජනතාවයින් මුදවා ගැනීම සඳහා හෙලිකොප්ටර් යානා 6 ක් සූදානමින් පවතින බව ගුවන් හමුදා මාධ්‍ය ප්‍රක


ගංවතුරට කොටු වූ ගොවීන් හතකගේ දිවි බේරා ගැනෙති
2024 නොවැම්බර් මස 26 425 0

පොළොන්නරුව වැලිකන්ද මාදුරු ඔය ප්‍රදේශයේ කුඹුරු වගාව වන සතුන්ගෙන් බේරා ගැනීමට ගොස් ගංවතුරට දින දෙකක කාලයක් කොටු වී සිටි ගොවීන් හත් දෙනකුගේ ජීවිත බේරා


මේවාටත් කැමතිවනු ඇති

BMS Campus උසස් අධ්‍යාපනයේ 25 වසරක උරුමයේ රිදී ජුබිලිය සමරයි 2024 නොවැම්බර් මස 05 551 0
BMS Campus උසස් අධ්‍යාපනයේ 25 වසරක උරුමයේ රිදී ජුබිලිය සමරයි

වසර විසිපහක විශිෂ්ට ඉතිහාසයක් සහිත BMS කැම්පස් ආයතනය නවෝත්පාදනයන් පෝෂණය කරමින් අනාගත නායකයින් නිර්මාණය කරමින් සහ හැඩගස්වමින් විශිෂ්ට ආයතනයක් බවට මේ ව

සියපත ෆිනෑන්ස් පීඑල්සී මතුගම ශාඛාව දැන් විවෘතයි 2024 ඔක්තෝබර් මස 18 751 0
සියපත ෆිනෑන්ස් පීඑල්සී මතුගම ශාඛාව දැන් විවෘතයි

සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 51 වැනි ශාඛාව කලූතර දිස්ත‍්‍රික්කයේ අර්ධ නාගරික ජනාකීර්ණ නගරයක් වූ මතුගම නගරයේදී පසුගියදා විවෘත කෙරිණ.

දැරිය හැකි මිලක e-Bike මිලදී ගන්න බැරි වෙයිද? 2024 ඔක්තෝබර් මස 10 2107 0
දැරිය හැකි මිලක e-Bike මිලදී ගන්න බැරි වෙයිද?

ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප‍්‍රධාන අංගයකි. වාහනයක් කරදර වලින් තොරව සිත්සේ භාවිත කර

Our Group Site