පසුගිය වසරක කාලය තුළ දේශීය වෙළෙඳපොළේ එළවළු සහ පළතුරු මිල ගණන් පිළිවෙළින් සියයට 12 කින් සහ 4 කින් පහළ බැස තිබේ.

අප්‍රේල් මාසයට සාපේක්ෂව මැයි මාසයේදී එළවළු මිලේ වෙනසක් සිදුව නැති අතර පළතුරු මිල සියයට 1 කින් ඉහළගොස් ඇති බව ආර්ථික සහ වාණිජ අමාත්‍යාංශය විසින් නිකුත් කළ වාර්තාවක දැක්වේ.

මැයි මාසයේදී එළවළු ටොන් 11,047 ක් සහ පළතුරු ටොන් 4,248 ක් මධ්‍යම එළවළු වෙළෙඳපොළට ලැබී තිබේ.

මධ්‍යම වෙළෙඳපොළට පළතුරු ලැබෙන ප්‍රධාන මූලාශ්‍රය ඊජිප්තුව වන අතර ඉන් පසුව ඉන්දියාව, ප්‍රංශය, පිලිපීනය සහ සවුදි අරාබිය සිටින බව ඉහත වාර්තාවේ දැක්වේ. එළවළු ප්‍රධාන වශයෙන්ම ඉන්දියාව, ජෝර්දානය, පාකිස්ථානය, සවුදි අරාබිය, ඊජිප්තුව, චීනය සහ දේශීය වෙළෙඳපොළෙන් ලැබෙන බව පැවැසේ.

මැයි සහ අප්‍රේල් මාසයේදී එළවළු සහ පළතුරු මිල ගණන් ගැන විස්තර සපයන ඉහත වාර්තාවට අනුව පසුගිය වසරට සාපේක්ෂව බොහෝ එළවළු වර්ගවල මිල පහළ බැස ඇති අතර සැපයුම් අඩු වීම නිසා සමහර පළතුරු වර්ගවල මිල ගණන් වෙනස් වී නැත.

පසුගිය වසරේ මැයි මාසයට සාපේක්ෂව මේ වසරේ මැයි මාසයේදී දේශීය වෙළෙඳපොලේ මාලු මිළ ගණන් සියයට එකකිනුත්, මේ වසරේ අප්‍රේල් මාසයට සාපේක්ෂව සියයට 6 කිනුත් පහළ බැස ඇති බවද එම වාර්තාවේ වැඩි දුරටත් දැක්වේ.