ශ්රී ලංකා අත්පන්දු (හෑන්ඞ්බෝල්) සංගමය සංවිධානය කළ ‘නියෝ අභියෝග කුසලාන’ සමස්ත ලංකා පාසල් වයස 15 න් පහළ අත්පන්දු තරගාවලියේ බාලක කුසලාන ශූරතාව දිනා ගැනීමට ගලේවෙල වාසලකෝට්ටේ ශාන්ත අන්තෝනි විදුහල් ක්රීඩකයෝ සමත්වුහ. බාලිකා කුසලාන ශූරතාව වාසලකෝට්ටේ මැදබැද්ද මහා විද්යාලය විසින් දිනා ගන්නා ලදී. බත්තරමුල්ල පැලවත්ත බුද්ධදාස ක්රීඩාංගණයේදී පසුගියදා (5) නිමා වු මෙම තරගාවලියට බාලක කණ්ඩායම් 32 ක් සහ බාලිකා කණ්ඩායම් 12 ක් සහභාගිවිය. කුසලාන බාලක අවසන් තරගයේදී මොරටුව වේල්ස් කුමර විදුහල පරදවා ශාන්ත අන්තෝනි විදුහල ගෝල 6/5 ක තියුණු ජයක් ලැබීය. ඉසිපතන විදුහල් ‘ඒ’ පිලට බාලක තෙවැනි ස්ථානය හිමිවිය. කොටහේන යහපත් එඬේරාගේ කන්යාරාමය සහ මැදබැද්ද මහා විද්යාලය අතර පැවැති කුසලාන බාලිකා අවසන් තරගයේදී මැදබැද්ද මහා විද්යාල පිල ගෝල 7/0 ක පහසු ජයක් ලබා ගත්තේය. නුගේගොඩ අනුලා විදුහල එහි බාලිකා තෙවැනි ස්ථානය ලැබීය. ඒ අනුව පසුගිය වසරේ පැවැති මෙම තරගාවලියේ ශූරතා දිනාගත් බාලක හා බාලිකා විදුහල් දෙකම මෙවර අනුශූරතාවයෙන් සෑහීමට සිදුවිය. මෙවර තරගාවලියට පළමුවරට සහභාගිවු යාපනයේ වික්ටෝරියා විදුහල බාලක පළඟ ශුරතාව දිනා ගැනීම කැපී පෙනේ. තරගාවලිය කුසලාන, පළඟ සහ බඳුන ලෙස කොටස් තුනකින් පැවැත්විණ. සමස්ත ලංකා පාසල් අත්පන්දු තරගමාලාවට (2012) අනුග්රහය දක්වන නියෝ හෝම්ස් පුද්ගලික සමාගම මෙම තරගාවලියට ද අනුග්රහය දැක්වීය. නියෝ හෝම්ස් පුද්ගලික සමාගමේ සාමාන්යාධිකාරී නීල් සුරවීර මහතාගේ ප්රධානත්වයෙන් ත්යාග ප්රදානය කෙරිණ. සෙසු අවසන් තරග ප්රතිඵල: ● පළඟ ශූරතාව (බාලක, අවසන් තරගය) යාපනය වික්ටෝරියා විදුහල විසින් කොළඹ ඞී.එස්.සේනානායක විදුහල් ‘බී’ පිල පරාජය කරන ලදී. (ගෝල 2/1) තෙවැනි ස්ථානය: පානදුර රාජකීය විදුහල් ‘ඒ’ පිල ● පළඟ ශූරතාව (බාලිකා, අවසන් තරගය) කොළඹ බෞද්ධ කාන්තා විදුහල විසින් රාහුල බාලිකා විදුහල පරාජය කරන ලදී. (ගෝල 4/1) තෙවැනි ස්ථානය: ධර්මරාජ විදුහල ● බඳුන ශූරතාව (බාලක, අවසන් තරගය) කොළඹ නාලන්දා විදුහල් ‘ඒ’ පිල විසින් හෝමාගම මධ්ය මහා විද්යාලයීය ‘ඒ’ පිල පරාජය කරන ලදී. (ගෝල 2/1) තෙවැනි ස්ථානය: ඉසිපතන විදුහල් ‘බී’ පිල ● බඳුන ශූරතාව (බාලිකා, අවසන් තරගය) දේවි බාලිකා විදුහල විසින් බොරලැස්ගමුව මහා විද්යාලය පරාජය කරන ලදී. (ගෝල 6/1) තෙවැනි ස්ථානය: කිරිවන්තුඩුව විජයවර්ධන විද්යාලය
මෙරට ආන්දෝලනයකට තුඩු දුන් පාස්කු ප්රහාරය, භාණ්ඩාගාර බැදුම්කර ගනුදෙනුව, දිනේෂ් ෂාෆ්ටර්ගේ මියයාම ඇතුළු නොවිසඳුණු අපරාධ 7 ක පොලිස් විමර්ශන කඩිනම් කිරී
රිය පුහුණුව සඳහා යාමට වැලිඔය පරාක්රමපුරම් ප්රදේශයේ මාර්ගයේ සිටි ආයුර්වේද වෛද්යවරියකගේ රන්මාලය කොල්ලකා යතුරු පැදියකින් පලා ගිය යුද හමුදා සෙබලකු
ගෙවත්තට වල් අලි පැමිණිම වැළැක්වීම සඳහා බල්බයක් ටකරන් වහලයට සවිකර විදුලිය ලබා ගැනීමට ගොස් විදුලි සැර වැදී දෙදරු පියෙකු එම ස්ථානයේදීම මිය ගිය බව අග්බෝ
ශ්රී ලංකා පොදුජන පෙරමුණ ජාතික ලැයිස්තුව
ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප්රධාන අංගයකි. වාහනයක් කරදර වලින් තොරව සිත්සේ භාවිත කර
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
වාසලකෝට්ටේ ශා.අන්තෝනි - මැදබැද්ද ම.වි. 15 න් පහළ අත්පන්දු ශූරතා දිනයි