(නිමල කොඩිතුවක්කු)

දිවයිනේ බොහෝ ප්‍රදේශවලට පවතින ගිගුරුම් සහිත තද වැසි එළැබෙන 16 සහ 17 යන දින දක්වා පවතින බව කාළගුණ විද්‍යා දෙපාර්තමේන්තවේ ජ්‍යෙෂ්ඨ කාළගුණ විද්‍යාඥ මලිත් ප්‍රනාන්දු  මහතා පැවසිය.

ලබන 17 වනදායින් පසු මෙම තත්වය ක්‍රමයෙන් පහව යනු ඇති බවත් ඔහු සඳහන් කලේය.

පවතින ආපදා තත්වය සහ ආපදා සහන වැඩපිළිවල සම්බන්ධයෙන් දැනුවත් කිරීමේ මාධ්‍ය හමුවකට රජයේ ප්‍රවෘත්ති දෙපාර්තමේන්තු ශ්‍රවණාගාරයේදී  එක්වෙමින් මලිත් ප්‍රනාන්දු මහතා මේ බව කීවේය.

බස්නාහිර, සබරගමුව, වයඹ සහ උතුරු පළාත්වලත් ගාල්ල, මාතර සහ ත්‍රිකුණාමලය දිස්ත්‍රික්කවලත් ඇතැම් ස්ථානවලට හෙට15) දිනයේ  මි.මී. 100 ක පමණ තද වැසි ඇතිවිය හැකි බවත් ඔහු සඳහන් කළේය.

දිවයිනේ සෙසු ප්‍රදේශ වල සවස් කාලයේදී හෝ රාත්‍රී කාලයේදී තැනින් තැන වැසි හෝ ගිගුරුම් සහිත වැසි ඇතිවේ.

ගිගුරුම් සහිත වැසි සමග ඇතිවිය හැකි තාවකාලික තද සුළං වලින් සහ අකුණු මඟින් සිදු වන අනතුරු අවම කර ගැනීමට අවශ්‍ය පියවර ගන්නා ලෙස ජනතාවගෙන් කාරුණිකව ඉල්ලා සිටින බවත් ඔහු තවදුරටත් සඳහන් කළේය.