2025 ජනවාරි මස 17 වන සිකුරාදා
(යොහාන් භාසුර)
විදුලි ගාස්තුව සමස්ත වශයෙන් සියයට 20 කින් අඩු කිරීමට තීරණය කළ බවත් ඇතැම් පාරිභෝගික කණ්ඩවලට සියයට 30 කට වැඩි විදුලි ගාස්තු අඩු වීමක් වන බවත් ශ්‍රී ලංකා මහජන උපයෝගිතා කොමිෂන් සභාවේ ආයතනික සංනිවේදන අධ්‍යක්‍ෂ ජයනාත් හේරත් මහතා අද (17) පැවසීය.
විදුලි ගාස්තු අඩු කිරීම සම්බන්ධයෙන් දැනුම්දීම සඳහා කොල්ලුපිටියේ පිහිටි මහජන උපයෝගිතා කොමිෂන් සභා ප්‍රධාන කාර්යාලයේ අද (17) පැවැති විශේෂ මාධ්‍ය හමුවේදී ජයනාත් හේරත් මහතා එසේ පැවසීය.
එම කොමිසමේ සභාපති මහාචාර්ය ලලිත් චන්ද්‍රලාල් මහතා ප්‍රමුඛ මණ්ඩලය ගත් එම විදුලි ගාස්තු අඩු කිරීමේ තීරණය අද (17) මාධ්‍යම රාත්‍රියේ සිට බලපැවැත්වෙන බවත් මහජන උපයෝගිතා පනතට අනුව විදුලි ගාස්තු පිළිබඳ තීරණය ගැනීමේ බලය එම කොමිසමට තිබීම නිසා විදුලිබල මණ්ඩලය ගාස්තු අඩු කිරීමට බැදී සිටින බවත් හේරත් මහතා කීය.
ගෘහස්ථ කාණ්ඩයේ සමස්ත ගාස්තු අඩු කිරීම සියයට 20 ක් වුවද එම කාණ්ඩයේ ඒකක 0-30 ත් අතර කාණ්ඩයේ සියයට 20 ක්, ඒකක 31-60 ත් අතර කාණ්ඩයේ සියයට 28 ක්, ඒකක 61-90 ත් අතර කාණ්ඩයේ සියයට 19 ක්, ඒකක 91-180 ත් අතර කාණ්ඩයේ සියයට 18 ක්, ඒකක 180 සහ ඊට වැඩි කාණ්ඩයේ සියයට 31 ක් සහ කාලපාදක කාණ්ඩය සියයට 31 ක් දක්වා විදුලි ගාස්තුව පහත දැමූ බව ද හේරත් මහතා පැවසීය.
සෙසු කාණ්ඩ අතරින් හෝටල් කාණ්ඩයේ සියයට 31 කින් සහ කර්මාන්ත කාණ්ඩයේ සියයට 30 කින් විදුලි ගාස්තුව අඩු කළ බවත් ආගමික සහ පුණ්‍යායතන කාණ්ඩයේ සියයට 21 කින් ද, පොදුකාර්ය කාණ්ඩයේ සියයට 12 කින් ද, රාජ්‍ය ආයතන සහ වීථි ලාම්පු යන කාණ්ඩවල විදුලි ගාස්තු සියයට 11 බැගින් ද, අඩු කළ බවත් ඔහු සඳහන් කළේය.
ඒ අනුව ගෘහස්ථ කාණ්ඩයේ පහළම කාණ්ඩය වන ඒකක 30 දක්වා මෙතෙක් අයකළ රුපියල් 280 ක ගාස්තුව රුපියල් 195 ක් දක්වා ද, දෙවැනි කාණ්ඩය වන ඒකක 60 දක්වා කාණ්ඩයේ මෙතෙක් ගෙවූ රුපියල් 700 ක ගාස්තුව රුපියල් 500 ක් දක්වා ද, අඩු වූ බවත් ඒ ආකාරයට සියලුම කාණ්ඩවල ගාස්තු අඩුවෙද්දී ඒකක 300 සහ ඊට වැඩි කාණ්ඩයේ ගෘහස්ථ පාරිභෝගිකයෙක් මෙතක් ගෙවූ රුපියල් 14,660 ක බිලෙන් රුපියල් 2,760 ක් අඩුවී එය රුපියල් 11,900 ක් බවට පත්වන බවත් ඒ මහතා කීය.
ලංකා විදුලි බල මණ්ඩලය පසුගිය දෙසැම්බර් 6 වැනිදා 2025 වසf්ර පළමු මාස නවය තුළ ගාස්තු අඩු කළ නොහැකි යැයි යෝජනාවක් ඉදිරිපත් කළ අතර එයට ප්‍රතියෝජනවක් එම කොමිසම විදුලි ගාස්තු සියයට 11 කින් අඩු කළ හැකියැයි පසුගිය දෙසැම්බර් මස 17 වැනිදා යොමු කළ බවත් ඒ අනුව එම කොමිසම පළාත් නවයේම මහජන අදහස් ගැනීමේ සමුළු පවත්වා විදුලි ගාස්තුව සියයට 20 කින් අඩු කිරීමේ අවසන් තීරණය ගත් බවත් ජයනාත් හේරත් මහතා සඳහන් කළේය.
ලංකා විදුලිබල මණ්ඩලය ඉදිරිපත් කළ යෝජනාවේ මාස 9 ක කාලය මාස 6 ක් දක්වා අඩු කර, එම මාස නවය තුළ මණ්ඩලයේ අතිරික්තය ලෙස සඳහන් කර තිබූ රුපියල් බිලියන 2,334 පිළිබඳව අධ්‍යනය කළ බව කී හේරත් මහතා ඒ අනුව මෙම වසරේ පළමු මාස 6 තුළ පමණක් විදුලිබල මණ්ඩලයේ අතිරික්තය රුපියල් බිලියන 44,000 ක් වියයුතු යැයි පුරෝකථනය කළ බව ද සඳහන් කළේය.
ඒ අනුව එම බිලියන 44,000 හරහා මෙරට විදුලි පාරිභෝගිකයන්ට සියයට 20 ක විදුලි ගාස්තු සහනයක් දීමට තීරණය කළ බව ද හේරත් මහතා සඳහන් කළේය.
ලංකා විදුලිබල මණ්ඩලය මෙම විදුලි ගාස්තු සංශෝධනය ක්‍රියාත්මක නොකළ හොත් ඒ සඳහා ක්‍රියාත්මක වන ආකාරය පිළිබඳව මහජන උපයෝගිතා කොමිෂන් සභා පනතේ ප්‍රතිපාදන ඇති බව ද ශ්‍රී ලංකා මහජන උපයෝගිතා කොමිෂන් සභාවේ ආයතනික සංනිවේදන අධ්‍යක්‍ෂ ජයනාත් හේරත් මහතා වැඩි දුරටත් සඳහන් කළේය.
විජය පුවත්පත් සමාගමේ ‘ඩේලි මිරර් ඔන්ලයින්’ සහ ‘ලංකදීප ඔන්ලයින්‘ වෙබ් අඩවි නම් භාවිත කරමින්, විවිධ ව්‍යාපාරිකයන් පිළිබඳ අසත්‍ය තොරතුරු සහ ව්‍යාජ පුවත
වතුකරයේ තෝරාගත් පාසල්වලට ’’ස්මාර්ට් පන්තිකාමර 60’’ ක් ලබාදීම සඳහා වන අවබෝධතා ගිවිසුමකට ශ්‍රී ලංකාවේ ඉන්දීය මහා කොමසාරිස් සන්තෝෂ් ජා සහ වැවිලි හා ප්‍ර
රජයට අයත් වාණිජමය නොවන ආයතන 166 ක් මගින් සිදුකරන මහජන සේවා හා නියාමන කාර්යන් වඩාත් ගුණාත්මකව සිදුකිරීමට ගත යුතු ක්‍රියාමාර්ග පිළිබඳව අමාත්‍ය මණ්ඩලයට න
ලොව ධනවත්ම පුද්ගලයා වන ඊලෝන් මස්ක්ගේ ස්පේස් එක්ස් සමාගමේ නවතම ස්ටාර්ෂිප් රොකට්ටුවේ අත්හදා බැලීම අසාර්ථක වෙමින් අභ්‍යවකාශ ගතකර මිනිත්තු කීපයක් තුළ ප
ජනාධිපති අනුර කුමාර දිසානායක මහතා, චීනයේ සිදු කළ සිව් දින නිල සංචාරය නිමා කර කටුනායක ගුවන් තොටුපොළ වෙත අද (17) රාත්‍රීයේ පැමිණියේය .
ගොඩබිම තුළදී මත්ද්‍රව්‍ය ජාවාරමෙන් උපයා ගත් වැඩිම මුදල ලෙස කෝටි 28ක මුදලක් කුරුණෑගල ප්‍රදේශයේ නිවසක තිබී පොලිස් මත්ද්‍රව්‍ය නාශක කාර්යාංශයෙන් නිලධාර
2025 ජනවාරි මස 08
324
0
NSBM හරිත සරසවියේ 2025 ජනවාරි නව බඳවා ගැනීම සඳහා පැවැත්වූ “NSBM Open Day” ප්‍රදර්ශනය අති සාර්ථක ලෙස ඉකුත් සතිඅන්තයේ විශ්වවිද්‍යාල පරිශ්‍රයේදී පැවැත්විණි.
2024 දෙසැම්බර් මස 24
588
2
අසිරිමත් නත්තල් සිරියෙන් රටම ආලෝකමත් වූ මොහොතේ මෙරට ප්‍රමුඛතම ජංගම දුරකථන සේවා සම්පාදන සමාගමක් වන HUTCH විසින් ශ්‍රී ලංකාවේ උසම නත්තල් කුළුණ නිර්මාණය කළ
2024 දෙසැම්බර් මස 20
323
0
දශක 3කට අධික කාලයක් තිස්සේ ශ්‍රී ලාංකිකයින්ගේ මුඛ සෞඛ්‍යය වෙනුවෙන් කැපවන ප්‍රමුඛතම සන්නාමයක් වන ‘ඩෙන්ටා’ සිය සුවිශේෂී ‘වැඩෙන සිනහවට ඩෙන්ටල් සත්කාරය
විදුලි බිල සියයට 20කින් පහත දමයි
Ajantha Friday, 17 January 2025 02:55 PM
පුරවැසියන්ට සහනයක් ලබාදුන් ඔබ සැමට ස්තුතියි..!
Srinath priyantha karunarathna Friday, 17 January 2025 04:04 PM
ජයවේවා...!
බද්රානි Friday, 17 January 2025 04:09 PM
මහජනතාවගේ බදු මුදලින් විදුලි බිල ගෙව්වා, වලව්වල හැදුණු වැඩුණු, කරුවලට කැමැති, කටු ලෙවකන බලු කුක්කන්ට නම් ලයිට් බිලේ අඩුව ගානක්වත් නැතිව ඇති... දැන් ඉතින්, බල්බ්වල මිලත් අඩුකරන්න කියලා උඩු බුරයිද දන්නේ නැහැ.
ගුණරත්න Friday, 17 January 2025 04:10 PM
හා හා කටවහ වදියි... ඉස්සෙල්ලාම යූනියන් උතුමන්ලාගෙන් අවසර ගත්තාද?
Nishan Friday, 17 January 2025 04:12 PM
ඇමති පරාදයි හූ හූ...!
සිල්වා Friday, 17 January 2025 04:53 PM
ඇමැති බොරු කිව්වේ නෑ. විහිළුවට කිව්වේ...!
රටේ එකාලා Friday, 17 January 2025 04:16 PM
අනේ එහෙම කරන්න එපා... අර කංචනලාට එහෙම වස්තරේ පහ වෙයි.
amila Friday, 17 January 2025 04:16 PM
හොඳ වැඩක්...!
Neel Friday, 17 January 2025 04:26 PM
බොහෝම අමාරුවෙන් ජීවත්වන වේලාවක මේ සහනය ලබාදීම පිළිබඳව NPP ආණ්ඩුවට ගොඩාක්ම ස්තුතියි. කරුණාකර මේ ආණ්ඩුව විවේචනය කිරීම සාධාරණව කරන්න උත්සාහ කරන්න.
බණ්ඩාරFriday, 17 January 2025 06:00 PM
කඩේ ගිහින් වළං හෝදන්න තිබ්බ හදිස්සියට නිව්ස් එක හරියට කියවලත් නැහැ. මේ අඩු කරලා තියෙන්නේ ආණ්ඩුවෙන් නෙමෙයි.. මහජන උපයෝගිතා කොමිසමෙන්. ආණ්ඩුව අඩු කරන්න බැහැ කියද්දීත් කොමිසම අඩු කලේ මහජනයාගේ සහ නොයෙක් සංසංවිධානවල ඉල්ලීම අනුවයි. ආණ්ඩුව මොනවත් කරලා නෙමෙයි..!
Saman Friday, 17 January 2025 06:57 PM
@Neel, ඔය අඩු කිරීම ගිය අවුරුදු දෙකේදී මහජන උපයෝගිතා කොමිෂන් සභාවේ හිටපු සභාපති ජනක රත්නායක මහතා දෙන්න යෝජනා කළා. එය ඉවරවුනේ ඔහුව තනතුරෙන් නෙරපලා. එවරත් මෙවරත් දෙපාරම ඇමැතිවරු දෙන්න බෑ කියද්දී තමයි මෙවර අන්තිමට ලැබුණේ.
Piyal weerasinghe Friday, 17 January 2025 06:58 PM
කොච්චර හොඳ කළත් ලංකාවේ මිනිසුන්ගේ විවේචන අඩුවක් නැහැ.
බද්රානි Friday, 17 January 2025 09:16 PM
ඇත්තමයි පියල් වීරසිංහ මහත්තයෝ, "කොතරම් හොඳ කලත් දුදනෝ නොවෙති යහපත්" කියලා කතාවක් තියනවනේ... ලංකාවේ ඉන්නවා, ජානගත නිවට වන්දි භට්ටයින් රැලක්... ඔවුන්ට වුවමනා කරන්නේ, රජාට බැල මෙහෙවරකම් කරගෙන රජාගේ පරම්පරාව පමණක් සතුටු වෙනවා දැක, ජොලියෙන් ජීවත් වීමටයි. රජාගේ බිල අතින් ගෙවලා තමන් කළුවරේ වුණත් ඉන්න මේ නිවට නින්දිතයින් පසුබට වෙන්නේ නැහැ. මම දැක්කා, මෙතැන කමෙන්ට් කාරයෙක් පහරා තිබුණා. මේ සහනය රජයෙන් නොව, මහජන උපයෝගිතා කොමිෂන් සභාවෙන් දුන් සහනයක් බව. මේ රටේ ආයතන හා කොමිෂන් සභා රටේ ජනතාව වෙනුවෙන් විනා, පාලකයින්ට පමණක් සහන සැලසිය යුතුයි කියන තරමේ මන්ද මානසිකත්වයක් තමයි මේ පුද්ගලයින්ට තියෙන්නේ... මට නම් හිතෙන්නේ මේ වගේ නීච යටත් වැසියන්ට පහුහිය කාලේ රජාලා රථ පෙරහැරවල් වලින් යද්දී, බයටම මුත්‍රාත් පිටවෙන්න ඇති... දැන් නුඹලා, අනුන්ගේ බිලුත් ගෙවාගෙන, මුත්‍රා කරගෙන පාලකයින්ට ඉදිරියේ දණින් වැටෙන්න ඕනෑ නැහැ... මේ රජය පත්කරගෙන තියෙන්නේ ජනතාවට සේවය කිරීම සඳහා පමණයි.