ශ්‍රී ලංකා බැඞ්මින්ටන් සම්මේලනයේ සහයෝගයෙන් මධ්‍යම පළාත් බැඞ්මින්ටන් සංගමය මෙහෙයවන ‘නුවරඑළිය වසන්ත සමය’ විවෘත ශ්‍රේණිගත කිරීමේ (II වැනි ශ්‍රේණිය) බැඞ්මින්ටන් තරගාවලිය හෙට (25) නුවරඑළිය සිනෙස්ටා ගෘහස්ත ක‍්‍රීඩා සංකීර්ණයේදී ඇරැුඹෙයි. මේ මස 29 වැනිදා දක්වා පැවැත්වෙන මෙම තරගාවලියට ක‍්‍රීඩක ක‍්‍රීඩිකාවෝ 300 කට ආසන්න පිරිසක් ඉදිරිපත්ව සිටිති. ඔලිම්පික් පරිසාධක මට්ටම ඉක්මවා සිටින ජාතික බැඞ්මින්ටන් ශූර නිලූක කරුණාරත්න සහ ජාතික ශූරී අචිනි රත්නසිරි තරගාවලියට සහභාගිනොවන බව වාර්තාවේ. තරගාවලියේ ක‍්‍රීඩකයන් ශ්‍රේණිගත කිරීමේදී විවෘත පිරිමි ඉසව්වෙන් ලසිත මේනක, ආර්. එස්. කසුන් ඉදිරියෙන් සිටිති. තිළිණි ප‍්‍රමෝදිකා, තිළිණි ජයසිංහ, චන්ද්‍රිකා ද සිල්වා සහ කාවින්දි ඉෂාදිකා විවෘත කාන්තා කේවළ ඉසව්වේ ඉදිරියෙන් සිටිති. විවෘත පිරිමි හා කාන්තා කේවළ, යුගල හා මිශ‍්‍ර යුගල ඉසව්වලින් සමන්විත තරගාවලියට වයස 11 න් පහළ, 13 න් පහළ, 15 න් පහළ, 17 න් පහළ සහ 19 න් පහළ (බාලක/බාලිකා) වයස් කාණ්ඩ ද ඇතුළත්ය. 17 න් පහළ සහ 19 න් පහළ වයස් කාණ්ඩ දෙකින් යුගල සහ මිශ‍්‍ර යුගල ඉසව් ද පැවැත්වේ.  විවෘත ඉසව්වේ ශූරයාට සහ ශූරියට නගරාධිපති කුසලාන පිරිනැමේ.