2025 අප්‍රේල් මස 05 වන සෙනසුරාදා
අසාර්ථක ඉනිම තුනක් අමතක කර දැමූ ශී‍්‍ර ලංකා පිතිකරුවෝ තමන්ගේ ගෞරවය රැකගැනීමේ අභියෝගය බාර ගනිමින් මහනුවර, පල්ලෙකැළේ කී‍්‍රඩාංගණයේදී පැවැත්වෙන දෙවැනි ටෙස්ට් කි‍්‍රකට් තරගයෙන් පරාජය නොවී සිටීමේ සටනට පිවිස සිටිති. තරගයේ සිවුවැනි දිනය වූ ඊයේ (11 වැනිදා) සවස පැවැති අයහපත් ආලෝකය නිසා කී‍්‍රඩාව නතර කරන විට ශී‍්‍ර ලංකා කණ්ඩායම සිය දෙවැනි ඉනිම වෙනුවෙන් කඩුලූ දෙකකට ලකුණු 223 ක් ලබා සිටියේය. ඕස්ටේ‍්‍රලියානු පිලට වඩා ලකුණු 237 ක් පසුපසින් සිටිමින් දෙවැනි ඉනිම ඇරඹූ ශී‍්‍ර ලංකා කණ්ඩායම තවමත් ඕස්ටේ‍්‍රලියානුවන්ට වඩා ලකුණු 14 ක් පසුපසින් සිටී. පළමු කඩුල්ල වෙනුවෙන් අගනා ලකුණු 81 ක සම්බන්ධතාවක් ගොඩනැංවීමෙන් පසු තිලකරත්න ඩිල්ෂාන් දැවී ගියේ ඉතාමත් අපරීක්‍ෂාකාරී පහරකිනි. ඩිල්ෂාන්ගේ මෙම දැවීයාම ශී‍්‍ර ලංකා කඳවුර සසළ කරන්නක් වුවද අගනා අර්ධ ශතකයක් ලබාගත් තරංග පරණවිතානත්, තුන්වැනි කඩුල්ල වෙනුවෙන් ලකුණු 95 ක අඛණ්ඩ සම්බන්ධතාවක් ගොඩනැංවූ කුමාර් සංගක්කාර (නොදැවී 69) සහ මහේල ජයවර්ධන (38) දෙදෙනාත්, එක්ව ඕස්ටේ‍්‍රලියානු පන්දු යවන්නන්ගේ ඔද තෙද බිඳ දමමින් ශී‍්‍ර ලංකා පිතිකරුවන්ට කලකින් සොයාගත නොහැකිව තිබූ විශ්වාසනීයත්වය නැවතත් කී‍්‍රඩකයන්ගේ කාමරයටම ගෙනැවිත් දුන්හ. කෙසේ වෙතත් ඊයේ සවස කුමාර් සංගක්කාර පවසා සිටියේ අද පෙරවරුවේදී දෙවැනි නව පන්දුව ලබාගැනීමට ඕස්ටේ‍්‍රලියානු නායකයා සූදානමින් සිටින බවත් ‘දෙවැනි නව පන්දුවත් සමග ගනුදෙනුව’ වාසිදායක ආකාරයෙන් බේරා ගැනීමට ලැබුණහොත් පමණක් මෙම ඉනිම්දී පිතිකරුවන් වශයෙන් තමන් සාර්ථක යැයි හැඳින්විය හැකි බවත්ය. ඊයේ තම 35 වැනි ටෙස්ට් අර්ධ ශතකය ලබාගත් සංගක්කාර පන්දු 158 කට මුහුණ දෙමින් ලකුණු 69 ක් ලබාගත්තේ හතරේ පහර 8 කින් එය සරසමිනි. සෙනසුරාදා දිනයේදී ඕස්ටේ‍්‍රලියාව වෙනුවෙන් ඉතාමත් විශිෂ්ට පිතිහරඹයක නිරත වූ මයිකල් හසී (142) සහ ෂෝන් මාෂ් (141) ශී‍්‍ර ලංකාව සහ ඕස්ටේ‍්‍රලියාව අතර පැවැත්වෙන වෝන් - මුරලිදරන් තරගාවලියේ සිවුවැනි කඩුල්ලේ වාර්තාගත සම්බන්ධතාව තමන් සතුකරගත්තා පමණක් නොව, තරගයේ පාලනයද ඕස්ටේ‍්‍රලියානු පිලට හිමිකර දුන්හ. සිය මංගල ටෙස්ට් තරගයේදීම ශතකයක් ලබාගත් 19 වැනි ඕස්ටේ‍්‍රලියානුවා බවට පත්වූ ෂෝන් මාෂ් ස්වීප් පහරකින් ලකුණු දෙකක් කරා දිවයද්දී ඔහුට ටෙස්ට් හිස්වැස්ම පිරිනැමූ ඕස්ටේ‍්‍රලියානු පිලේ හිටපු ආරම්භක පිතිකරු ජෙෆ් මාෂ් (ෂෝන්ගේ පියා) පේ‍්‍රක්‍ෂකාගාරයේ සිට අත්පොළසන් දෙමින් නැගී සිටියේය. ෂෝන්ගේ පෙම්වතිය වන අමන්දා සහ ඔහුගේ හොඳම මිතුරා වන පෝල්ද ජෙෆ් මාෂ් මහතා සමග සිටියේය. කිසිදු පැකිළීමකින් තොරවම සිවුවැනි දිනය ආරම්භ වීමටත් පෙර තම ඉනිම අත්හිටවූ ඕස්ටේ‍්‍රලියානුවෝ පන්දුවට පහර දීමේ අවස්ථාව ශී‍්‍ර ලංකා පිලට බාර කළ අතර ඕස්ටේ‍්‍රලියානු බලාපොරොත්තු බිඳ දමමින් ශී‍්‍ර ලංකා පිල ඊයේ දිනය පුරාම පන්දුවට පහර දුන්නේය. අද තරගයේ අවසන් දිනය වන අතර අද දිනය පුරා ඕවර 98 ක් යැවිය යුතුය.
ජනාධිපති අනුර කුමාර දිසානායක මහතාගේ ආරාධනයකට අනුව මෙරටට පැමිණි ඉන්දියානු අග්‍රාමාත්‍ය ශ්‍රී නරේන්ද්‍ර මෝදි මහතා අද (05) පෙරවරුවේ ජනාධිපති කාර්යාලයට ප
ශ්‍රී ලංකාවේ නිල සංචාරයකට පැමිණි ඉන්දීය අග්‍රාමාත්‍ය නරේන්ද්‍ර මෝදි මහතා මහත් අභිමානවත් හරසර මධ්‍යයේ කොළඹ නිදහස් චතුරස්‍රයේදී ශ්‍රී ලංකාව වෙත පිළි
ශ්‍රී ලංකාවට පැමිණීමෙන් පසු ඉන්දීය අග්‍රාමාත්‍ය නරේන්ද්‍ර මෝදි මහතා සිය එක්ස් ගිණුමේ විශේෂ සටහනක් තබා තිබේ.
ශ්‍රී ලංකාවේ නිල සංචාරයකට පැමිණි ඉන්දීය අග්‍රාමාත්‍ය නරේන්ද්‍ර මෝදි මහතා පිළිගැනීමට මේ වන විට සියලු කටයුතු සූදානම්ව පවතී.
ඌරගස්මංහන්දිය බෙලිගස්වේල්ල ප්‍රදේශයේදී මීට සුළු වේලාවකට පෙර සිදු කළ වෙඩි තැබීමකින් 56 හැවිරිදි පුද්ගලයකු තුවාල ලබා ඇතැයි පොලිසිය කියයි.
ඉන්දීය අග්‍රාමාත්‍ය නරේන්ද්‍ර මෝදි මහතා මීට සුළු වේලාවකට පෙර ශ්‍රී ලංකාවට පැමිණියේය.
2025 අප්‍රේල් මස 04
192
0
නව්‍යකරණයෙන් පිරිපුන් හෘද්‍යාංගම මූල්‍ය සේවාවක නියැලෙමින් ශ්‍රී ලාංකිකයන්ගේ විශ්වාසය දිනූ සියපත ෆිනෑන්ස් පීඑල්සී ආයතනික සමාජ සත්කාරක වැඩසටහන් මා
2025 මාර්තු මස 31
388
1
මිනි සීරීස් කන්සෙප්ට් එකෙන් සීරීස් කිහිපයක්ම නිර්මාණය කරපු අධ්‍යක්ෂකවරයෙක් තමයි ජෝ දිසානායක. Hello Dada අධ්‍යකෂණය සිදු කරන්නේද ඔහු විසින්ම. බොහෝ ජනප්‍රිය
2025 මාර්තු මස 21
913
0
ප්‍රයිම් සමූහය ශ්‍රී ලංකාවේ දේපළ වෙළඳාම් ක්ෂේත්‍රයේ පෙරළියක් සිදුකරමින් නව ගෙවීම් ක්‍රමවේදයක් හඳුන්වා දීමට පසුගියදා කටයුතු කළේ ය.
ශී‍්‍ර ලංකා පිතිකරුවෝ සටනට බසිති