කොමන්වේල්ත් බැංකු කුසලාන තුන්කොන් ක‍්‍රිකට් තරගාවලියේ ශ්‍රී ලංකාව සහ  ඕස්ටේ‍්‍රලියාව අතර බෙලරිව් ක‍්‍රීඩාංගණයේදී (දිවා/රාත‍්‍රී) අද (24) පැවැති තරගයෙන් කඩුලූ 3 ක විශිෂ්ට ජයක් ලබාගත් ශ්‍රී ලංකා ක‍්‍රීඩකයෝ ප‍්‍රසාද ලකුණු සටහනේ පළමු ස්ථානයට පැමිණීමට සමත්වුහ. ශ්‍රී ලංකා පිලට තරගය ජයග‍්‍රහණය සඳහා අවසන් පන්දු 9 යේදී ලකුණු 14 ක් ලබා ගැනීමට තිබු අතර එහිදී තිසර පෙරේරා 49  ඕවරයේ අවසන් පන්දු තුනට ලකුණු 11 ක් (4, 6, 1,) ලබා ගනිමින් ශ්‍රී ලංකා පිල ජය මාවතට කැඳවාගෙන ගියේය. නායක මහේල ජයවර්ධන (85) සහ දිනේෂ් චන්දිමාල් (80) අර්ධ ශතක ලබා ගනිමින් ශ්‍රී ලංකා ඉනිම ශක්තිමත් කළහ. මහේල ජයවර්ධන තරගයේ වීරයා ලෙස සම්මාන ලැබීය. ඕස්ටේ‍්‍රලියාව  ඕවර 50 යේදී කඩුලූ 6 ට 280 (පීටර් ෆොරොස්ට් 104, මයිකල් ක්ලාක් 72, මයික් හසී 21, ඬේවිඞ් හසී නොදැවී 40, බ්‍රෙට් ලී නොදැවී 20, ඇන්ජලෝ මැතිව්ස් 43/2) ශ්‍රී ලංකාව  ඕවර 49.2 කදී කඩුලූ 7 ට 283 (මහේල ජයවර්ධන 85, කුමාර් සංගක්කාර 22, දිනේෂ් චන්දිමාල් 80, ළහිරු තිරිමාන්න 24, ඇන්ජලෝ මැතිව්ස් 24, තිසර පෙරේරා නොදැවී 21, නුවන් කුලසේකර නොදැවී 4, බෙල් හිල්ෆවුනස් 51/2, ඩැනියල් ක‍්‍රිස්ටීන් 53/3)