2024 නොවැම්බර් මස 28 වන බ්‍රහස්පතින්දා
සුගතදාස ක‍්‍රීඩාංගනයේ නව කෘති‍්‍රම ධාවන පථය එළීමේ කටයුතු ලබන මාසයේදී ආරම්භ කරන බව අදාළ ව්‍යාපෘතිය බාරව කටයුතු කරන දේශීය සමාගම පවසයි.
මීටර් 400 ක දුරකින් යුත් කෘති‍්‍රම ධාවන පථය නැවත ඇතිරීමේ කටයුතු ජර්මනියේ ඉදිකිරීම් සමාගමක අධීක්ෂණයෙන් එහි ආසියානු කලාපීය නියෝජිත ආයතනය විසින් කරනු ලැබීමට නියමිතය. ධාවන පථය ඉදිකිරීම සඳහා යොදා ගන්නා අමුද්‍රව්‍ය යන්ත‍්‍ර සූත‍්‍ර හා උපකරණ රැගත් නැව් කීපයක් මේ වන විටත් ශ්‍රී ලංකාව බලා පිටත්වී ඇතැයි දේශීය නියෝජිත ආයතනය පවසයි.
ස්විට්සර්ලන්තයේ රොටර්ඩෑම්, ජර්මනියේ හැම්බර්ග් හා හොංකොං යන වරාය තුනකින් අවශ්‍ය ද්‍රව්‍ය නැව් ගත කර තිබේ. ඒවායින් පළමුවැන්න ලබන සති අන්තයේදී පමණ කොළඹ වරායට ළඟාවීමට නියමිතය.
සුගතදාස කෘති‍්‍රම ධාවන පථය යළි ඇතිරීම රුපියල් මිලියන 113 ක ව්‍යාපෘතියකි. මෙම ව්‍යාපෘතිය සඳහා දේශීය නියෝජිත සමාගම තෝරා ගැනීමේ ටෙන්ඩරය විවාදයට තුඩුදුන් අතර ක්රීඩා ඇමති මහින්දානන්ද අලූත්ගමගේ මහතා පැවසුවේ අඩුම ලංසුව ඉදිරිපත් කළ දේශීය සමාගමට ව්‍යාපෘතිය ප‍්‍රදානය කළ බවයි.
ලබන ජූනි මාසයේ කොළඹදී පැවැත්වෙන ආසියානු කනිෂ්ඨ මලල ක්රීඩා ශූරතාවලිය සඳහා මෙම ධාවන පථයේ ඇතිරීම් නිම කළ යුතුය.
ධාවන පථය ඉදිකිරීම සඳහා යොදාගන්නා අමුද්‍රව්‍ය සපයන සමාගම අන්තර් ජාතික මලල ක්රීඩා සංගමයේ අනුමැතිය ලත් වරලත් සමාගමක් බව ද අවධාරණය කෙරේ.
මේ අතර සුගතදාස ක‍්‍රීඩාංගනයේ නව ඉදිකිරීම්වලට සමගාමීව ආරම්භ කළ පාපන්දු පිටියේ නවීකරණ කටයුතු මේ වන විට 90% කින් පමණ නිමාවට පත්ව තිබේ. එහි අලූතින් තණකොළ සිටුවීමේ කටයුතු අවසන් අදියරට පැමිණ ඇතැයි ද වාර්තාවේ.
පාපන්දු පිටියේ නවීකරණ කටයුතු ව්‍යාපෘතියට වැය කෙරෙන මුදල රුපියල් මිලියන 32 කි. පාපන්දු පිටිය සකස් කිරීමේදී අඩි දෙකේ පමණ ගැඹුරට හාරා පස් අලූතින් පිරවීමට සිදුවූ බවත් ඊට හේතුවූයේ දීර්ඝ කාලයක් තිස්සේ නිසි ලෙස නඩත්තු නොකිරීමෙන් ක‍්‍රීඩාංගණය ගිලා බැසීම බවත් ඉදිකිරීම් සමාගම පවසයි.
එහිදී පාපන්දු පිටියට ස්යංක‍්‍රීයව ජලය ඉසින ක‍්‍රමයක් මෙන්ම මුලූ ක‍්‍රීඩාංගණයට එකවර ආවරණය කළ හැකි කෘමීන් පාලනය කරන කෘමි ආරක්ෂක පද්ධතියකින්ද සමන්විත වනු ඇත. එවැනි කෘමි ආරක්ෂක පද්ධතියක් ශ්‍රී ලංකාවේ ක‍්‍රීඩාංගණයක් සඳහා යොදාගන්නා පළමු අවස්ථාව එයවේ.
සුගතදාස ක‍්‍රීඩාංගනයේ මෙවර නව ධාවන පථය ඉදිකිරීමේ විශේෂත්වය වන්නේ එය නිල් පැහැයෙන් සකස් කිරීමය. නිල් පැහැති ධාවන පථ ලොව වඩාත් අධිවේගී ධාවන පථ ලෙස සලකන බැවින් හා මෙතෙක් වැඩිම මලල ක්රීඩා ධාවන ඉසව් ලෝක වාර්තා පිහිටුවා ඇත්තේ නිල් පැහැ ධාවන පථ වලදී බැවින් ද ශ්‍රී ලංකාව සිය එකම අන්තර් ජාතික (ජවන හා පිටිය) ක‍්‍රීඩාංගනයේ කෘති‍්‍රම ධාවන පථය සඳහා රතු වර්ණය වෙනුවට නිල් වර්ණය තෝරාගෙන තිබේ.
ජර්මනියේ ස්ටොක්මියර් උරේතනස් ආයතනයේ මෙහෙයවීමෙන් ඇක්ෂන් ස්පෝර්ට්ස් ඉන්ටර්නැෂනල් ලිමිටඞ් ආයතනය ධාවන පථය ඉදිකරයි. ව්‍යාපෘතිය බාරව දේශීය සම්බන්ධීකරණ ආයතනය ලෙස ගහකොළ ලෑන්ඞ්ස්කේපින් ආයතනය කටයුතු කරයි.
ඒ සඳහා රාජ්‍ය ඉංජිනේරු සංස්ථාව ඇතුළුව ආයතන නවයක් ටෙන්ඩරය ලබා ගැනීම සඳහා තරග වැදුණි.
ක්රීඩා අමාත්‍යංශය සහ ඊට අනුබද්ධ ආයතනය තුළ වන වංචා සහ දූෂණ කෙළින්ම අමාත්‍යවරයා වන තමන්ට පැමිණිළි කළ හැකි බවත් මෙතෙක් කර ඇති හොරකම්, වංචා සහ දූෂණ අමතක කළ
ජාවාරම් කිරීම සඳහා ශ්‍රී ලංකාවට හෙරොයින් කිලෝ ග්‍රෑම් 425කට අධික ප්‍රමාණයක් රැගෙන එමින් සිටියදී මට්ටක්කුලිය මුහුදු තීරයේදී පොලිස් මත්ද්‍රව්‍ය නාශක ක
ශ්‍රී ලංකාවට අලුතින් පත්ව පැමිණි තානාපතිවරු නව දෙනෙක් සහ මහ කොමසාරිස්වරයෙක් අද (28) ජනාධිපති කාර්යාලයේ දී ජනාධිපති අනුර කුමාර දිසානායක මහතා වෙත නිල වශය
ඇසුරුමේ කල්ඉකුත්වන දිනය සහ නිෂ්පාදිත දිනය වෙනස් කළ කුරක්කන් මෙටි්‍රක්ටොන් 22ක් සහ කූනිස්සන් කිලෝග්‍රෑම් 975 ක් වෙළඳපලට නිකුත් කිරීමට සූදානම් කර තිබියද
අග්‍රාමාත්‍ය ආචාර්ය හරිනි අමරසූරිය මෙනෙවිය ‘යුනිසෙෆ්’ ශ්‍රී ලංකා ආයතනයේ නියෝජ්‍ය විධායක අධ්‍යක්ෂිකා හනාන්න් සුලෙයිමන් මහත්මිය අග්‍රාමාත්‍ය කාර්ය
පොළොන්නරුවට ඇදහැලෙන අධික වර්ෂාවත් සමග දිවුලාන විල්ලුව පිටාර ගැලීම හේතුවෙන් රැළෙන් අතරමංව වූ අලි පැටවකු මී හරක් රංචුවක් සමග දිවුලාන ගම්මානයයේ පිහිට
2024 නොවැම්බර් මස 05
572
0
වසර විසිපහක විශිෂ්ට ඉතිහාසයක් සහිත BMS කැම්පස් ආයතනය නවෝත්පාදනයන් පෝෂණය කරමින් අනාගත නායකයින් නිර්මාණය කරමින් සහ හැඩගස්වමින් විශිෂ්ට ආයතනයක් බවට මේ ව
2024 ඔක්තෝබර් මස 18
774
0
සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 51 වැනි ශාඛාව කලූතර දිස්ත‍්‍රික්කයේ අර්ධ නාගරික ජනාකීර්ණ නගරයක් වූ මතුගම නගරයේදී පසුගියදා විවෘත කෙරිණ.
ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප‍්‍රධාන අංගයකි. වාහනයක් කරදර වලින් තොරව සිත්සේ භාවිත කර
සුගතදාස කී‍්‍රඩාංගණයේ කෘත‍්‍රිම ධාවන පථය යළි ඇතිරීම ලබන මස ඇරඹෙයි