සංජීව පුෂ්පකුමාර අධ්යක්ෂණය කළ "දැවෙන විහඟුන්" (Burning Birds) චිත්රපටය 17 වැනි ටෝකියෝ ෆිල්ම්එක්ස් අන්තර්ජාතික සිනමා උලෙළෙහි (17th Tokyo FILMeX International Film Festival) තරගකාරී අංශය සඳහා තේරී පත්ව තිබේ. පසුගිය 19 වැනිදා සිට එළඹෙන 27 වැනිදා දක්වා ජපානයේ, ටෝකියෝ නගරයේදී එම සිනමා උලෙළ පැවැත්වේ.
සිනමා උලෙළ අතරතුර සංජීව පුෂ්පකුමාර ටෝකියෝ ටැලන්ට් කැම්පස් (Tokyo Talent Campus) ආයතනයේ ආරාධනයකට අනුව ආසියාවේ අනාගත තරුණ සිනමාකරුවන් පුහුණු කිරීමේ වැඩමුළුවේදී ලෝක සිනමාකරණයේ නව ප්රවේශයන් පිළිබඳ විශේෂ දේශනයක්ද පැවැත්වීමට නියමිතය. සංජීවගේ %දැවෙන විහඟුන්^ චිත්රපටය පසුගිය ඔක්තෝබර් මස පැවැති 21 වැනි බුසාන් අන්තර්ජාතික සිනමා උලෙළෙහිද (21st Busan International Film Festival) තරගකාරී අංශය සඳහා තේරුණු අතර, එහිදී එම චිත්රපටය ප්රේක්ෂක සහ විචාරක දෙපිරිසේම දැඩි අවධානය දිනාගැනීමට සමත් විය.
දැවෙන විහඟුන් (Burning Birds) චිත්රපටය සංජීව පුෂ්පකුමාරගේ දෙවැනි වෘත්තාන්ත චිත්රපටයයි. එය ශ්රී ලංකා, ප්රංශ, දෝහා කටාර් සහ නෙදර්ලන්තය යන රටවල සම නිෂ්පාදනයකි. දැවෙන විහඟුන් තිර රචනය කාන් සිනමා උලෙළෙහි 2012-2013 වසරේ සිනේ ෆොන්ඩේෂන් නේවාසික අංශයට (Cinéfondation Résidence, Cannes Film Festival) තේරුණු අතර, පසුව චිත්රපටයේ තිර රචනය වැඩිදුරටත් සංවර්ධනය කිරීම සඳහා 2014 දී ඊශ්රායලයේ, ජෙරුසුලම් තිර රචනා ඇකඩමියට (The Jerusalem International Film Lab) තෝරාගන්නා ලදී. එහිදී සංජීව ප්රංශ ජාතික තිර රචනා උපදේශක ජාක් අක්කොතිගේ උපදෙස් මත දැවෙන විහඟුන් තිර රචනය වැඩිදුරටත් රචනා කළේය.
ප්රංශයේ නියෝන් (Neon Production) ප්රඩක්ෂන් වෙනුවෙන් අන්තොනා දෙදේ (Antonin Dedet) සහ ඩොමිනික් විලෙන්ස්කිත් (Dominique Welinski), ශ්රී ලංකාවේ සපුෂ්ප එක්ස්ප්රෂන්ස් (Sapushpa Expressions) වෙනුවෙන් සංජීව පුෂ්පකුමාරත් දැවෙන විහඟුන් චිත්රපයේ නිෂ්පාදකයෝ ලෙස කටයුතු කරති.
ලන්ඩනයේ පිහිටි ෆිල්ම් රිපබ්ලික් (Film Republic) සිනමා සමාගම දැවෙන විහඟුන් චිත්රපටයේ අලෙවි සමාගම ලෙස කටයුතු කරයි.
මහේන්ද්ර පෙරේරා, සමනලී ෆොන්සේකා, අනෝමා ජනාදරී, චාන්දනී සෙනවිරත්න, ලියෝනි කොතලාවල, ශ්යාම් ප්රනාන්දු, දසුන් පතිරණ, පුබුදු චතුරංග, ධර්මප්රිය ඩයස්, තිස්ස බණ්ඩාරනායක, ප්රියංකා සමරවීර, දර්ශන් ධර්මරාජ්, සංජීව දිසානායක ඇතුළු පිරිසක් රංගනයෙන් දායක වන දැවෙන විහඟුන් චිත්රපටයේ කැමරා අධ්යක්ෂණය කාලිංග දේශප්රියගෙනි. ඇඳුම් නිර්මාණය අජන්ත අලහකෝන්, කලා අධ්යක්ෂණය පියතිස්ස අකුරම්බොඩ, වේශ නිරූපණය ප්රියන්ත දිසානායක, සංස්කරණය අජිත් රාමනායක සහ කැතරිනා වර්තේනා(Katharina Wartena), වර්ණ සංයෝජනය එළි අකෝකා (Elie Akoka), ශබ්ද පරිපාලනය ප්රියන්ත කළුආරච්චි සහ නිකොලා දාහලින් (Nicolas D'halluin) සහ පළමු සහාය අධ්යක්ෂණය අරුණ තිලකරත්නගෙනි. එහි දෙවැනි සහාය අධ්යක්ෂණය නිරෝෂන් එදිරිමාන්න සහ නිෂ්පාදන කළමනාකරණය හැරල්ඩ් කරුණාතිලක විසින් සිදු කර තිබේ.
2024 ඉදිරි මහ මැතිවරණයට ඉදිරිපත්වන සියලු අපේක්ෂකයන්ගේ නම් හෙට (12) ලංකාදීප පුවත්පතේ පළ කෙරේ .
දින කිහිපයක සිට පවතින අධික වර්ෂාව හේතුවෙන් අත්තනගලු ඔයෙහි ජල මට්ටම මහ ගංවතුර මට්ටමකට පත්ව ඇති බව ගම්පහ දිස්ත්රික් ආපදා කළමනාකරණ නියෝජ්ය අධ්යක්ෂ
පුත්තලම දිස්ත්රික්කයෙන් මෙවර පිළිගත් දේශපාලන පක්ෂ 24 ක් හා ස්වාධීන කණ්ඩායම් 15 ක අපේක්ෂකයන් 429 දෙනෙක් තරග බිමට එක්ව සිටිති.
මෙවර මහ මැතිවරණය සදහා මාතලේ දිස්ත්රික්කයෙන් පිළිගත් දේශපාලන පක්ෂ 17ක් සහ ස්වාධීන කණ්ඩායම් 07ක් සමග නාම යෝජනා පත්ර 24ක් ලැබුණූ බවත් ඉන් එක් පිළිගත් දේශප
2024 මහ මැතිවරණය සදහා පිලිගත් දේශපාලන පක්ෂ 20 කින් සහ ස්වාධින කණ්ඩායම් 15 කින් නාම යෝජනා පත්ර ඉදිරිපත් කළ බව නුවරඑලිය දිස්ත්රික් තේරිම්භාර නිලධාරි නන්දන
වන්නි මැතිවරණ කොට්ඨාසය සඳහා පිළිගත් පක්ෂ සහ ස්වාධීන කණ්ඩායම් 47 තරඟ කිරීම සඳහා සුදුසුකම් ලබා අැතැයි වන්නි මැතිවරණ කොට්ඨාස තේරීම්භාර නිළධාරි පි.ඒ.සරත්
ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප්රධාන අංගයකි. වාහනයක් කරදර වලින් තොරව සිත්සේ භාවිත කර
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
සංජීව පුෂ්පකුමාරගේ Burning Birds ටෝකියෝ යයි