ගිනිකොනදිග ස්පාඤ්ඤයේ මුර්සියා නගරයේ අටලයාස් ප්රදේශයේ රාත්රී සමාජ ශාලාවක ගින්නක් හටගත්තේය. ගින්නට හසුවීමෙන් 13 දෙනකු මියගිය බවත්, 14 දෙනකු අතුරුදන් බවත් ස්පාඤ්ඤ බලධාරීහු පැවැසූහ.
ගින්න හටගනිද්දී ‘ෆොන්ඩා මිලැග්රෝස්’ නමැති මෙම රාත්රී සමාජ ශාලාවේ පෞද්ගලික උපන්දින සාදයක් පැවැත්වෙමින් තිබුණි.
ගින්නට හේතුව තවමත් අනාවරණය වී නැත. ගින්න ඉතා වේගයෙන්, ‘ෆොන්ඩා මිලැග්රෝස්’ සමාජ ශාලාව පුරා ව්යාප්ත විය. එම අවස්ථාවේදී උපන් දින සාදයට පැමිණි පිරිස් කා බී විනෝද වෙමින් නටමින් සිටි බව ද පැවැසෙයි. ගින්න වේලයෙන් ශාලාව පුරා පැතිර යද්දී, එහි සිටි පිරිසට එයින් පිටවීමට නොහැකි විය. ‘ෆොන්ඩා මිලැග්රෝස්’ සමාජ ශාලාවේ වහලය කඩා වැටුණු බව ද පැවැසෙයි.
‘ෆොන්ඩා මිලැග්රෝස්’ සමාජ ශාලාවට යාබදව ඇත්තේ තවත් සමාජ ශාලා තුනකි. ගින්න ඒවාට ද පැතිර ගිය අතර ගින්නෙන් එම සමාජ ශාලාවලට හානි සිදුවිය.
මුර්සියා නගරයේ නගරාධිපති හෝසේ බැලෙස්ටා මාධ්ය හමුවක් පවත්වමින්, ගින්නෙන් ජීවිත අහිමි වීම සම්බන්ධයෙන් කනගාටුව පළ කළේය. ගින්න හටගෙන ඇත්තේ මහල් කීපයකින් සමන්විත ‘ෆොන්ඩා මිලැග්රෝස්’ සමාජ ශාලාවේ පළමු මහලේය.
ගින්න හට ගනිද්දී උපන්දින සාදයට සහභාගී වී, ගින්නට කොටුවුණු 28 හැවිරිදි තරුණියක සිය මවට දුන් අවසන් ඇමතුම ස්පාඤ්ඤ මාධ්ය ප්රසිද්ධියට පත් කර තිබේ. ‘අම්මා. මම ඔයාට ආදරෙයි. අපිව ගින්නට කොටුවුණා. අපිට මැරෙන්න වේවි’ යනුවෙන් එම 28 හැවිරිදි තරුණිය අවසන් වරට ඇගේ මවට දුන් එම ඇමතුමේ අඩංගු වෙයි.
(ඒ.එෆ්.පී.)
2024 ඉදිරි මහ මැතිවරණයට ඉදිරිපත්වන සියලු අපේක්ෂකයන්ගේ නම් හෙට (12) ලංකාදීප පුවත්පතේ පළ කෙරේ .
දින කිහිපයක සිට පවතින අධික වර්ෂාව හේතුවෙන් අත්තනගලු ඔයෙහි ජල මට්ටම මහ ගංවතුර මට්ටමකට පත්ව ඇති බව ගම්පහ දිස්ත්රික් ආපදා කළමනාකරණ නියෝජ්ය අධ්යක්ෂ
පුත්තලම දිස්ත්රික්කයෙන් මෙවර පිළිගත් දේශපාලන පක්ෂ 24 ක් හා ස්වාධීන කණ්ඩායම් 15 ක අපේක්ෂකයන් 429 දෙනෙක් තරග බිමට එක්ව සිටිති.
මෙවර මහ මැතිවරණය සදහා මාතලේ දිස්ත්රික්කයෙන් පිළිගත් දේශපාලන පක්ෂ 17ක් සහ ස්වාධීන කණ්ඩායම් 07ක් සමග නාම යෝජනා පත්ර 24ක් ලැබුණූ බවත් ඉන් එක් පිළිගත් දේශප
2024 මහ මැතිවරණය සදහා පිලිගත් දේශපාලන පක්ෂ 20 කින් සහ ස්වාධින කණ්ඩායම් 15 කින් නාම යෝජනා පත්ර ඉදිරිපත් කළ බව නුවරඑලිය දිස්ත්රික් තේරිම්භාර නිලධාරි නන්දන
වන්නි මැතිවරණ කොට්ඨාසය සඳහා පිළිගත් පක්ෂ සහ ස්වාධීන කණ්ඩායම් 47 තරඟ කිරීම සඳහා සුදුසුකම් ලබා අැතැයි වන්නි මැතිවරණ කොට්ඨාස තේරීම්භාර නිළධාරි පි.ඒ.සරත්
ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප්රධාන අංගයකි. වාහනයක් කරදර වලින් තොරව සිත්සේ භාවිත කර
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ස්පාඤ්ඤ සමාජ ශාලාවක ගින්නක්