(නිමල කොඩිතුවක්කු)

තවත් දේශපාලන පක්ෂ සහ කණ්ඩායම් 27ක් විපක්ෂ නායක සජිත් ප්‍රේමදාස මහතා ප්‍රමුඛ සමගි ජන සන්ධානය සමග කොළඹදී අද(13) සන්ධාන ගතවිය.

මානුෂීය ජනතා සන්ධානය නියෝජනය කරන එක්සත් ලංකා පොදු ජන පක්ෂය, ප්‍රජාතන්ත්‍රවාදී ජනතා කොංග්‍රසය, ජාතික කොංග්‍රසය ඇතුළු පක්ෂ සහ සංවිධාන 27ක් මෙහිදී සන්ධාන ගතවිය.

ඉදිරි ජනාධිපතිවරනයේදී සමගි ජනබලවේගයේ ජනාධිපති අපේක්ෂක විපක්ෂ නායක සජිත් ප්‍රේමදාස මහතාට සහයෝගය පළකිරීමේ අරමුණින් ඔවුන් මෙලෙස සන්ධාන ගතවිය.

සමගි ජන බලවේගය ප්‍රමුඛ දේශපාලන පක්ෂ සහ කණ්ඩායම් 10 කට අධික සංඛ්‍යාවකින් යුත් සමගි ජන සන්ධානය විපක්ෂ නායක සජිත් ප්‍රේමදාස මහතාගේ ප්‍රධානත්වයෙන් කොලඹ සුගතදාස ගෘහස්ථ ක්‍රීඩාංගනයේදී පසුගියදා එළි දැක්විණ.

ජාතික නිදහස සභාව, ශ්‍රී ලංකා නිදහස් පක්ශය  සහ එක්සත් ජනතා නිදහස් සන්ධානය, ශ්‍රී ලංකා මුස්ලිම් කොංග්‍රසය, දමිළ ප්‍රගතිශීලී සන්ධානය, ප්‍රජාතන්ත්‍රවාදී ජනතා පෙරමුණ, කම්කරු ජාතික පෙරමුණ, කඳුරට ජනතා පෙරමුණ, පුරවැසි බහුජන ව්‍යාපාරය ඇතුළු පක්ෂ සහ සංවිධානය කිහිපයක් මේ වන විට සමගි ජන සන්ධානය නියෝජනය කරයි.