සමනලවැවෙන් උඩවලට ජලාශයට අද (8) අලුයම 3.00ට පමණ මුදාහළ ජලය පැය අටකට පමණ පසුව ජලාශයට ළඟා වූ බව උඩවලව වාරි ඉංජිනේරුවෝ පැවසූහ.
එසේ වුවද ජලාශයේ ජල මට්ටම වැඩි වීමක් ඊයේ පෙන්නුම් නොකළ බවත් ජලාශයට ලැබෙන ජල ප්රමාණය දිනකට ජල කියුබික් මීටර් මිලියන තුනයි දශම පහ බැගින් දින තුනක් උඩවලය ජලාශයට මුදා හැරීමට පියවර ගත්තේය.
උඩවලට ජලාශයේ ධාරිතාව අක්කර අඩි 2,17,500ක් වුවත් දැනට ජලය ඇත්තේ අක්කර අඩි 641ක් පමණක් (සියයට 0.33ක්) බව ඔවුහ කීහ.
සමනලවැවෙන් මුදාහැරි එම ජලය වලවේ ගඟ හරහා එයට පහතින් පිහිටි කුඹල්ගම, මුල්ගම, තන්ජැන්තැන්න, කල්තොට, වැලිපතයාය, දම්වැල ඕඩේ, පොකුණුතැන්න උඩවලව ජාතික වනෝද්යානයේ පිහිටි පිලිඇත්දාර පංසදාර, දුනුමඩලයාය ප්රදේශයෙන් උඩවලව ජලාශයට ළඟා වෙයි.
එම ජලය වලව කලාපයේ කුඹුරු හෙක්ටයාර් දොළොස් දහසකට අධික ප්රමාණයක් සඳහා බෙදා හැරීමට නියමිතව ඇති අතර ඒ සම්බන්ධ සාකච්ඡාවක් ඇඹිලිපිටිය මහවැලි අධිකාරි කාර්යාලයේ දී එහි නියෝජ්ය නේවාසික ව්යාපාර කළමනාකරු තිලක් රණසිංහ මහතාගේ ප්රධානත්වයෙන් ඊයේ පැවැත්වේ.
එම අවස්ථාවට මහවැලි නිලධාරී හා වලව ගොවි සමිති නායකයන් සහභාගි වී සිටි අතර එහිදී සියලු ගොවි බිම්වලට ජලය සමසේ බෙදා හැරීමට දෙපාර්ශවය එකඟතාව පළ කළේය.
එහිදී මහැවැලි බලධාරීන් ගොවි නියෝජිතයන්ගෙන් ඉල්ලීම් කළේ කිසිම ගැටුමක් ඇති නොවන ආකාරයෙන් ලැබෙන ජලය අරිපිරිමැස්මෙන් පාවිච්චි කරන ලෙසය.
උඩවලව ජලාශයට ඉහළින් පිහිටි කඳු මුදුන්වලට මාස ගණනාවක සිට නිසි වර්ෂාවක් නොලැබීමෙන් උඩවලව ජලාශය දැඩි ලෙස සිඳී ගොස් ඇති අතර ඇඹිලිපිටිය මහවැලි අධිකාරි බල ප්රදේශයට අයත් කුඹුරු අක්කර හැටපන් දහසක පමණ වී වගා බිම් ජලය නොමැතිව මැරී යාමේ අවදානමකට ලක්වී ඇත.
එම නිසා තම වී වගාවන්ට අවශ්ය කරන ජලය සමනල වැවෙන් මුදා හරින ලෙස ගොවීන් හා ගොවි සංවිධාන දේශපාලන අධිකාරියෙන් ඉල්ලීම් කරමින් ඇඹිලිපිටිය නගරයේ විරෝධතා හා අඛණ්ඩ සත්යග්රහ පවත්වමින් සිටින අතරතුර තවත් ගොවි පිරිසක් සමනලවැව ජලාශ පිවිසුම් මාර්ගය හරහා ජලාශ වේල්ලට කඩා පැනීමේ උත්සහයකද නිරත වූහ. පොලිස් ආරක්ෂාව හේතුවෙන් එය පාලනය කිරීමට පියවර ගනු ලැබීය.
(රෝහණ සමරවීර, ජයන්ත නානායක්කාර, වයි.ඒ.එස්. වීරවංශ, සම්පත් ප්රියනන්දන සහ නාලක ජේ. හෙට්ටිආරච්චි)
පාර්ලිමේන්තුවේ විපක්ෂ නායක ලේකම් තනතුරෙන් ඉල්ලා අස්වීම කැබිනට් මණ්ඩලය විසින් පිළිගෙන තිබෙි.
හාලිඇල රොසට්වත්තේ ත්රීරෝද රථ රියදුරෙකුට මඩොල්සිම දී පහරදී ඝාතනය කර සිරුර මඩොල්සිම පුංචිලෝකාන්තයේ අඩි දහස් ගණනක ප්රපාතයකට විසිකර දැමීමේ සිද්ධිය ස
දිවයින පුරා පවතින අධික වැසි තත්වය හේතුවෙන් පුද්ගලයින් තිදෙනෙකු මිය ගොස් පවුල් 39,522 කට අයත් පුද්ගලයින් 1,54,782 කු පීඩාවට පත්ව ඇති බව ආපදා කළමණකරණ මධ්යස්ථාන
බෝපත්තලාව හරිත කන්දේ කදවුරු බැදිමට ගිය රුහුණු විශ්ව විද්යාලයේ සිසුන් පිරිසකට අද (15) දින එල්ල වු බඹර ප්රහාරයකින් සිසුන් හයදෙනෙකු තුවාල ලබා බගවන්තලාව
හිටපු ජනාධිපති එක්සත් ජාතික පක්ෂ නායක රනිල් වික්රමසිංහ මහතා බ්රහස්පතින්දා (17) විශේෂ ප්රකාශයක් කරනු ලබයි.
දේශීය නිෂ්පාදකයින්ගෙන් වෛද්ය සැපයීම් මිලදී ගැනීමේ ගිවිසුම් වලට එළඹීම සඳහා කැබිනට් අනුමැතිය ලැබී ඇත.
ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප්රධාන අංගයකි. වාහනයක් කරදර වලින් තොරව සිත්සේ භාවිත කර
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
සමනලවැවේ වතුර පැය අටකට පසුව උඩවලවට