2024 නොවැම්බර් මස 26 වන අඟහරුවාදා
2024 නොවැම්බර් මස 26 වන අඟහරුවාදා
(එෆ්.අස්ලම්)
පාර්ලිමේන්තුවේ බහුතරය නොමැතිව බලහත්කාරයෙන් බලයේ සිටින රජය පලවා හැරීම සදහා ජාත්‍යන්තර රටවල් මැදිහත් වී කටයුතු කළයුතු යැයි දෙමළ ජාතික සන්ධානය මෙරට විදේශීය තානාපතිවරුන් මාර්ගයෙන් ඉල්ලා සිටිති.
වත්මන් දේශපාලන අර්බුධකාරී තත්වය නිරාකරණය කිරීම සදහා ජාත්‍යන්තර රටවල් වල මැදිහත් වීම ඉතා වැදගත් බවද මෙහිදී අවධාරණය කොට තිබේ.
මෙරට සිටින විදේශීය තානාපතිවරුන් ප්‍රමුඛ රාජ්‍ය තාන්ත්‍රිකයින් හා දෙමළ ජාතික සන්ධානය අතර විශේෂ සාකච්ඡාවක් කොලඹ පිහිටි විපක්ෂනායක කාර්යාලයේ දී ඊයේ(20) පැවති අතර එහිදී දෙමළ ජාතික සන්ධානය මෙම ඉල්ලීම සිදුකොට තිබේ.
මෙම සාකච්ඡාව සම්බන්ධයෙන් මාධ්‍ය හමුවේ අදහස් පලකල දෙමළ ජාතික සන්ධනයේ නායක විපක්ෂනායක ආර්.සම්බන්ධන් මහතා මෙසේද කීය.
ප්‍රජාතන්ත්‍රවාදයට ගරු නොකර, ආණ්ඩුක්‍රම ව්‍යවස්ථාවට පටහැනිව, ජනාධිපති මෛත්‍රිපාල සිරිසේන මහතා කටයුතු කළ නිසා රටේ දේශපාලන වශයෙන් හටගෙන තිබෙන අර්බුදකාරී තත්වය ගැන කොලඹ සිටින විදේශීය රටවල තානාපතිවරුන් හ රාජ්‍ය තාන්ත්‍රිකයින් වෙත අපි පැහැදිලි කර දුන්නා.
අග්‍රාමාත්‍ය ධූරයේ සිටි රනිල් වික්‍රමසිංහ මහතා පසුගිය ඔක්තෝබර් 26 වැනි දා ඉවත් කිරීමත්, නව අගමැතිවරයා ලෙස මහින්ද රාජපක්ෂ මහතා පත් කිරීමත්, පාර්ලිමේන්තුව වාර අවසාන කර කල් තැබීමත්, ඉන් පසුව පාර්ලිමේන්තුව විසුරුවා හැරීමත්, ඊට එරෙහිව ශ්‍රේෂ්ඨාධිකරණය හමුවට යාමත්, අධිකරණය විසින් පාර්ලිමේන්තුව විසුරුවා හැරීමට එරෙහිව අතුරු තහනමක් පැනවීමත්, කෝටි ගණන් දී මන්ත්‍රීවරුන් ගනිමින් බහුතරය පෙන්වීම සදහා මහින්ද රාජපක්ෂ ප්‍රමුඛ පාර්ශවය ගත් උත්සහායත්, මහින්ද රාජපක්ෂ ප්‍රමුඛ රජයට එරෙහිව පාර්ලිමේන්තුව රැස්වූ තෙදිනක කාලය තුල සම්මත කරගත් විශ්වාසභංගත්, එකී විශ්වාසභංග යෝජනා සම්බන්ධයෙන් ජනාධිපතිවරයා කිසිදු ක්‍රියාමාර්ගයක් නොගැනීමත්, ඒ හේතුවෙන් රට තුළ හටගෙන තිබෙන දේශපාලන අර්බුධකාරී තත්වය ගැනත් මෙහිදී සාකච්ඡා කළා.
රටේ දැන් රජයක් නැහැ. අගමැතිවරයෙක් නැහැ. ජාතික ගැටළුවට දේශපාලන විසදුම් ගෙන ඒම සදහා නව ආණ්ඩුක්‍රම ව්‍යවස්ථාවක් ගෙන ඒමේ උත්සහායද මෙම තත්වය මැද නැවතී තිබෙනවා.එමෙන්ම රජය විසින් ඉටුකරන බවට පොරොන්දු වූ කාර්යන්ටද බාධා එල්ල වුනා.
උතුරේ දෙමළ ජනතාවගේ ඉඩම් මේ දෙසැම්බර් 31 කට පෙර මුළුමනින්ම නිදහස් කරන්න ඕනෑ.දෙමළ දේශපාලන සිරකරුවන් සම්බන්ධයෙන් තීරණයක් ගත යුතුයි. අතුරුදහන් වූවන් සෙවීම සදහා ස්ථාපිත කළ කර්යාලය ඒ ආකාරයෙන්ම ක්‍රියාත්මක කළ යුතුයි. සත්‍ය සෙවීමේ කොමිසමක් පිහිටුවීමට පියවර ගත යුතුයි.
ලබන වසරේ මාර්තු මාසය අවසන් වන්නට පෙර ජිනීවා මානව හිමිකම් සැසිවාරයේදී ශ්‍රීලංකාව සම්බන්ධයෙන් සම්මත කරගත් යෝජනාව මුළුමනින්ම ක්‍රියාත්මක කරන්න ඕන. මේ කාර්යන් ශ්‍රීලංකවේ රජයක් නොමැතිව අගමැතිවරයකු නොමැතිව අඩපණ වී තිබීම අනුමත කළ නොහැකීයී. මේ කාර්යන් ප්‍රමාදයකින් තොරව කඩිනමින් සිදුවිය යුතුයි.
රටේ මේ වනවිට හටගෙන තිබෙන දේශපාලන අස්ථාවරභාවය තවදුරටත් පැවතිය හොත් රටේ නීතිය හා සාමයටද බාධා විය හැකීයි. එමෙන්ම සමාජ විරෝධී ප්‍රචන්ඩ ක්‍රියාවන්ද ඉහළ යනු ඇති. එවන් අවස්ථාවක දී සුළු ජන කොට්ඨාසවලට විශේෂයෙන් දෙමළ ජනතාවට බලපෑම් එල්ල විය හැකීයි.
බහුතරය නොමැති බලයක් නොමැති ආණ්ඩුවක් අහිතකර මෙන්ම අති භයංකරයි.එනිසා මේ පාලනය කඩිනමින් ඉවත් කරලීමට ජාත්‍යන්තරය මුල්වී කටයුතු කළ යුතුයි කියල අපි ජාත්‍යන්තර රටවලින් ඒ රටවල්හි තානාපතිවරුන් මාර්ගයෙන් ඉල්ලා සිටියා. ඔවුන්ගේ රටවල්වල සහාය මේ මොහොතේ ලබා දෙන්න කියල අපි ඉල්ලා සිටියා.
මේ කාරණාවන් සම්බන්ධයෙන් විදේශීය තානාපතිවරුන් අපෙන් ප්‍රශ්න ගණනාවක් ඇසුවා. ඒ ප්‍රශ්නවලට අපි නිසි පිළිතුරු ලබා දුන්නා. දේශපාලන අර්බුධය සමථය කිරීමට් මැදිහත් වන බව ඔවුන් අප වෙත සහතික වුනා. මේ සාකච්ඡාව ගැන අපි තෘප්තිමත් වෙනවා. කියන්න ඕන හැම දෙයක්ම අපි එයාලට කියුවා යැයිද විපක්ෂනායකවරයා අවසන් වශයෙන් සදහන් කළේය.
මෙම සාකච්ඡාව සදහා දෙමළ ජාතික සන්ධානය නියෝජනය කරන පාර්ලිමේන්තු මන්ත්‍රීවරුන් 14 දෙනාම සහභාගී වූ අතර සාකච්ඡාව පැය එකහමාරක පමණ කාලයක් පැවතිනි.
ඉන්දීය ප්‍රිමියර් ලීග් (අයි.පී.එල්) ඉතිහාසයේ කණ්ඩායමක් සමග ගිවිසුමක් අත්සන් කළ ළාබාලතම ක්‍රීඩකයා වීමට බිහාර් ප්‍රාන්තයේ 13 හැවිරිදි වෛභව් සූර්යවංශි සම
මහ ඉලුප්පල්ලම නගරය හා ඒ අවට ප්‍රෙද්ශයට කාලාන්තරයක් තිස්සේ එල්ලව ඇති වන අලි තර්ජනය වඩාත් තීව්‍ර කරමින් මහඉලුප්පල්ලම නගරයට අද (25) රාත්‍රී 7.00ට පමණ කඩා වැදු
හිටපු ජනාධිපති රනිල් වික්‍රමසිංහ මහතා ඉන්දියාවේ මධ්‍ය ප්‍රදේශ් හි ඉන්දෝර් (Indore) හි ශ්‍රී සත්‍යා ශ්‍රී විද්‍යා විහාර් උසස් අධ්‍යාපන ආයතනයේ විශේෂිත දෙස
කුවේට් රාජ්‍යය සහ ශ්‍රී ලංකාව අතර 2007 වසරේ අත්සන් තබා ඇති සිරකරුවන් හුවමාරු කිරීමේ ගිවිසුම යටතේ , එරට මධ්‍යම බන්ධනාගාරයේ (Central Jail of Kuwait) මත්ද්‍රව්‍ය චෝදනාවලට
චීන කොමියුනිස්ට් පක්ෂයේ මධ්‍යම කාරක සභාවේ ජාත්‍යන්තර දෙපාර්තමේන්තුවේ (IDCPC) උප ඇමති සුන් හයියැන් (Sun Haiyan) මහත්මිය ප්‍රමුඛ චින දූත පිරිස අද (25) ජනාධිපති කාර්ය
බදු ගෙවීම පැහැර හැරීම සම්බන්ධයෙන් මාස හයක සිර දඬුවම් විඳින මෙන්ඩිස් සමාගමේ අධ්‍යක්ෂ අර්ජුන ඇලෝසියස් සැකකරු ප්‍රවෘත්ති පත්‍රයක් මුද්‍රණය කිරීම සඳහා
2024 නොවැම්බර් මස 05
532
0
වසර විසිපහක විශිෂ්ට ඉතිහාසයක් සහිත BMS කැම්පස් ආයතනය නවෝත්පාදනයන් පෝෂණය කරමින් අනාගත නායකයින් නිර්මාණය කරමින් සහ හැඩගස්වමින් විශිෂ්ට ආයතනයක් බවට මේ ව
2024 ඔක්තෝබර් මස 18
743
0
සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 51 වැනි ශාඛාව කලූතර දිස්ත‍්‍රික්කයේ අර්ධ නාගරික ජනාකීර්ණ නගරයක් වූ මතුගම නගරයේදී පසුගියදා විවෘත කෙරිණ.
ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප‍්‍රධාන අංගයකි. වාහනයක් කරදර වලින් තොරව සිත්සේ භාවිත කර
සම්බන්ධන් ජාත්‍යන්තර මැදිහත් වීමක් ඉල්ලයි
chris Wednesday, 21 November 2018 10:46 AM
මේ ජාත්‍යන්තරය තමයි ලංකාව විනාශ කරන්නේ. ආත්ම විස්වාශයක් නැති මේ දේශපාලුවන් රටේ ජනතාවට වඩා ජාත්‍යන්තරය විස්වාස කරනු පෙනේ. මේ දේශපාලකයින් අපේ රටේ ජනතාව ජාත්‍යන්තරයට බිලි දී ඇත
සේනක Wednesday, 21 November 2018 12:05 PM
ඇයි සම්බන්ධන් මහත්තයෝ තවත් දෙමළ ජාතියට ඊලමක් හදන්නද? තමුන්නාන්සේලා පර සුද්දන්ට කඩේ ගිහිල්ලා රට අස්ථාවර කරන්න එපා. අපි දන්නවා ඔබතුමාලගේ පැවැත්ම තියෙන්නේ රනිල් අගමැති වුනොත් විතරයි කියලා...
naradhaWednesday, 21 November 2018 12:31 PM
අවාසනාවකට, අපි මේ පාර සුද්දන්ගෙන් ණය ගත්ත නිසා, ඒ අයට ඉබේම අපේ රටේ කටයුතුවලට ඇඟිලි ගහන්නට පුළුවන් වෙලා තියෙනවා.
Nuwan Wednesday, 21 November 2018 12:25 PM
මේක මහපුදුම වැඩක්නේ! ආක්‍රමණ විදිහට ඇවිත් ලංකාවේ බින්න බැහැපු අයයි, තොරම්බල් වෙළඳාමේ ඇවිත් බින්න බැහැපු අයටයි ඕනෑ විදිහටද සිංහල රටේ වැඩ වෙන්න ඕනේ? මොන දේශපාලන පෙරළි තිබුණත් පර සුද්දන්ගේ අත පෙවීම් ඕනේ නැහැ අපිට. ඔහේට ඕනේ නම් තමිල්නාඩුවේ නැත්නම් අරාබියේ ගිහින් කර ගන්න.
SiranWednesday, 21 November 2018 03:15 PM
පර සුද්දෝ කියකියා ඒ අයගේ ඇඳුම්, කොම්පියුටර් හැම දෙයක්ම පිටරටින්, කොයි වෙලේද ඕස්ට්‍රේලියාවට, එංගලන්තයට, කැනඩාවට පනින්නේ කියා බලාගෙන ඉන්න කට්ටිය, ඒ අයගේ ණය ආධාර නැත්නම් පාන් පෝලිම් යුගය, ගැහැණු ටික අරාබියේ එවන ඩොලර් ටිකෙන් යන්තම් ගොඩ, රජයේ සේවකයිනට මාස්පඩිය පෙන්ෂන් එක ගෙවන්නත් IMF ලෝන්... තව කියන්න ගොඩයි මහත්තයෝ....
chandrasena gamage Wednesday, 21 November 2018 12:43 PM
රට තුළ ප්‍රජාතන්ත්‍රවාදය නැති වූ විට ඊට ජාත්‍යන්තර ප්‍රජාව මැදිහත් විය යුතුයි. නැතිනම් මේ රට අමු සොහොනක් වේවි...
සේනක Wednesday, 21 November 2018 01:14 PM
හරි ඔබතුමා කියන්න බලන්න රටේ ප්‍රජාතන්ත්‍රවාදය නැති වුන තැන.එතකොට ඒ රටේ ප්‍රජාතන්ත්‍රවාදය ස්ථාපිත කරන්න පිටරට සුද්දෝම අවශ්‍යයිද? අනේ ඉන්න මහත්තයො සුද්දන්ට කඩේ යන්නැතුව. ඔය කියන ජාත්‍යන්තර ප්‍රජාව අපේ රටේ ප්‍රජාතන්ත්‍රවාදය නැති කරන්න මිසක් ඇති කරන්න මැදිහත් වුණේ නැහැ. එතකොට අවුරුදු තිහක් යුද්ධයක් තියෙන කොට අපේ රටේ ප්‍රජාතන්ත්‍රවාදය කොහොමද කියලා හොයලා බැලුවද?.
NuwanWednesday, 21 November 2018 01:33 PM
පෘතුගීසි, ලන්දෙසි, ඉංග්‍රීසි ඇවිත් මේක ඇවිත් සුරපුරයක් කරලනේ ගියේ නේද?
tommyWednesday, 21 November 2018 02:10 PM
මේක අද සුරපුරයක් නොවුනට, ඔය කියන ඇත්තෝ ලංකාවට ආවේ නැත්නම්, අපි තවමත් කුල බේධ වලින් පිරි, පයින් ගමන් කරන, රජෙකුට ආවඩන ජාතියක්. අද සිදුවෙලා තියෙන්නේ අපි ඒ අයගෙන් දරන්නට බැරි විදියට ණය අරගෙන නිකම්ම යටත් වෙච්ච එකයි. එමනිසා, වැරැද්ද ඔවුන්ගේ නොවේ, අපේමයි.
BamunuarachchiWednesday, 21 November 2018 11:56 PM
ජාත්‍යන්තරය මැදිහත් වෙන්නේ ඔවුන්ගේ වාසියට. රුසියාවයි ඇමරිකාවයි මැදිහත් වෙලා සිරියාවට වෙලා තිබෙන දේ පෙනෙන්නේ නැද්ද. ඔය දෙගොල්ලෝ මෙරටට ආවොත් මොකද වෙන්නේ.
Nuwan Wednesday, 21 November 2018 02:38 PM
ටොමි මහත්තයෝ! ඔය කියන සුද්දෝ ඇවිල්ලද කුල බෙදේ නැති කලේ? අයියෝ ඉතිහාසය!
rasika Wednesday, 21 November 2018 03:41 PM
දැන් ජාත්‍යන්තරය එකතුවෙලා ප්‍රජාතන්ත්‍රවාදය අරන් දීපු රටවල් ටිකක් මෑතකදී, 1. ලිබියාව, 2. ඉරාකය 3. ඇෆ්ගනිස්ථානය 4. සිරියාව 5. ඉරානෙට ලගදීම ලැබෙයි. මේ ඔවුන්ට අනුව ප්‍රජාතන්ත්‍රවාදය ලබාදුන් රටවල්ය.. සම්බන්දන්ටත් ඕනේ මේවගේ දෙයක් වෙන්න ඕනේ..
Chanak Los angeles Wednesday, 21 November 2018 04:07 PM
ඔව් ඒ සඳහා ඔවුන්ට අයිතියක් ඇත.
BamunuarachchiWednesday, 21 November 2018 11:39 PM
මෙන්න තවත් කත් අදින්නෙක්
BamunuarachchiThursday, 22 November 2018 12:05 AM
ජාත්‍යන්තරයට ආරාධනා කොරන්න රටේ සුලු ජාතියක් වන ඔවුනට කිසිම අයිතියක් නැත
Bamunuarachchi Thursday, 22 November 2018 12:01 AM
සම්බන්දන් මහින්දට රටේ ජනතාවගේ බහුතර බලය තිබෙනවා. ඒ බලය ඔබලා යවන්න තරම් තිබෙනවා නේද කියා ඡන්දෙකට ගිහිල්ලා බලන්න.