2024 නොවැම්බර් මස 19 වන අඟහරුවාදා
ශ්‍රී ජයවර්ධනපුර විශ්වවිද්‍යාලයේ රසායනික විද්‍යා අධ්‍යනාංශයේ මහාචාර්ය එස්.ඩී.එම්. චින්තක
(ගයාන් සූරියආරච්චි)
ගෑස් ටැංකියක අඩංගු ප්‍රොපේන් සහ බියුටේන් යන සංයෝගවල සංයුතිය වෙනස් වූ පමණින් එය ස්වාභාවිකව පිපිරී යාමට ඇති ඉඩකඩ ඉතා අඩුබව ශ්‍රී ජයවර්ධනපුර විශ්වවිද්‍යාලයේ රසායනික විද්‍යා අධ්‍යනාංශයේ මහාචාර්ය එස්.ඩී.එම්. චින්තක මහතා පවසයි.
යම් හේතුවක් මත ටැංකියකින් ගෑස් කාන්දුවීමක් සිදුවුව හොත් ප්‍රොපේන් වායුව වාතයට වඩා බර බැවින් ටැංකියේ අඩියේ තැන්පත් වන බවත් යම් හෙයකින් ගිනි පුපුරක් ඊට ළං වුවහොත් විශාල තාපයකට ගෑස් ටැංකිය නිරාවරණයවීම නිසා පිපිරීමක් ඇතිවිය හැකි බවත් මහාචාර්යවරයා කීය.
මේ දිනවල හිස් ගෑස් ටැංකිවලට ඉතා ඉහළ ඉල්ලුමක් පවතින බැවින් ප්‍රමිතියක් නොමැති හෝ ඉවත දැමූ ගෑස් ටැංකි නැවත භාවිත කළ හොත් එවැනි පිපිරීම් සිදුවිය හැකි බවත් ගෑස් ටැංකියක ඇති පීඩන තත්ත්ව අනුව පුපුරා ගිනි ගැනීමේ අවස්ථා ඉතා අඩුබවත් හෙතෙම පැවැසීය.
අප කළ විමසුමක පිළිතුරු දෙමින් මහාචාර්යවරයා මෙසේද පැවැසීය.
“ගෘහස්ථ ගෑස් සිලින්ඩරයක ප්රධාන වශයෙන් ප්‍රොපේන් සහ බියුටේන් සංයෝග අඩංගු වන අතර ප්‍රොපේන් සංයෝගයේ තාප අංකය සෙන්ටි්‍රගේ්්‍රඩ් අංශක සෘන 42 ක් සහ බියුටේන් සංයෝගයේ තාප අංකය සෘන 0.4 ක් වශයෙන් ද ඉතා සුළු වශයෙන් බියුටීන් සහ ප්‍රොපීන් යන සංයෝගද පවතිනවා. ගෑස් කාන්දු වූ විට දුඟද හමන ඊතේන් තයෝල් වායු සංගයෝගයද ඉතා කුඩා වශයෙන් ගෑස්වලට එකතු කරනවා.
ප්‍රොපේන්, බියුටේන් යන වායු පීඩනය වැඩිකිරීම මගින් ද්‍රව බවට පත් කර ගෑස් ටැංකි ලෙස භාවිතයට පැමිණෙනවා. මෙහිදී ප්‍රොපේන් ද්‍රව බවට පත් කිරීම සදහා වැඩි පීඩනයක් අවශ්‍ය වෙනවා. එම පීඩනය දරාගත හැකි පරිදි එම පීඩනය මෙන් පස්, හය ගුණයකින් ශක්තිමත් පරිදි ගෑස් ටැංකිය නිපදවෙනවා.
ඇමෙරිකාවේ ගෑස්වල සියයට 100 ක් ප්‍රොපේන් සංයෝගය අඩංගු වන අතර නවසීලන්තයේ ගෑස්වල ප්‍රොපේන් සියයට 60 ක්, බියුටේන් සියයට 40 ක් වශයෙන් පවතිනවා. ඉතාලියේ බියුටේන් සියයට 80 ක් සහ ප්‍රොපේන් සියයට 20 ක් වශයෙන් පවතිනවා. මෙහි ඇති අනුපාතය උෂ්ණ සහ සීත රටවල් අනුව වෙනස් කිරීම සිදුකරනවා.
සාමාන්‍යයෙන් ගෑස් ටැංකියක් ස්වාභාවිකක පිපිරීමට නම් කිලෝ පැස්කල් 6000 කට වඩා පීඩනය වැඩි විය යුතුයි. සියයට 100 ක් ප්‍රොපේන් සංයෝගය අඩංගු ගෑස් සිලින්ඩරයක් නම් සෙල්සියස් අංශක 20 දී එය ද්‍රව බවට පත්කිරීමට කිලෝ පැස්කල් 1000 ක පමණ පීඩනයක් අවශ්‍යවෙනවා.
ගෑස් ටැංකිය තුළ ආරක්ෂිත වෑලයක් පවතින අතර පීඩනය කිලෝ පැස්කල් 2500 දී පමණ එම වෑලය විවෘතවීම සිදුවෙනවා. ප්‍රොපේන් සහ බියුටේන් සංයුති සහිත ගෑස් ටැංකියක පීඩනය කිලෝ පැස්කල් 1000 ට වඩා ඉහළ යන්නේ නෑ. ” යැයි මහචාර්යවරයා පැවැසීය
සමගි ජන බලවේගයේ මහ ලේකම් හිටපු පාර්ලිමේන්තු මන්ත්‍රී රංජිත් මද්දුම බණ්ඩාර මහතා එම පක්ෂයේ ජාතික ලැයිස්තු මන්ත්‍රීවරයකු ලෙස පත්කරමින් මැතිවරණ කොමිෂන
රත්නපුර කරවිට මධ්‍ය විද්‍යාලය, කටුගස්තොට ශාන්ත අන්තෝනි බාලිකා විද්‍යාලය සහ රුවන්වැල්ල රාජසිංහ මධ්‍ය විද්‍යාලයේ සිසු සිසුවියෝ ජනාධිපති කාර්යාලය න
පොහොර සහනාධාරය සම්බන්ධයෙන් බිය විය යුතු නැති බවත් ගොවීන්ගේ කුඹුරු වැඩ ආරම්භ වූ වහාම පොහොර සහනාධාරය ලබා දීමට සියලු කටයුතු සැළසුම් කර ඇති බවත් ගොවිජන සං
දේශපාලනය හා රාජ්‍ය සේවය පිළිබඳව ජනතාව තුළ ඇති අප්‍රසාදය ඉවත් වන අයුරින් වැඩ කරන බව කෘෂිකර්ම, පශු සම්පත් සංවර්ධන, ඉඩම් හා වාරිමාර්ග අමාත්‍ය කේ.ඩී ලාල් කා
මහනුවර කෙංගල්ල ප්‍රදේශයේ වාහන උගසට ගන්නා ආයතනයක වාහන අංගනයේ තිබී අනන්‍යතාවය සහ නීත්‍යානුකූල ලියකියවිලි ඉදිරිපත් කිරීමට නොහැකි වූ සැක කටයුතු කැබ්රි
ප්රධාන බැංකුවකට මුදල් රැගෙන යාම සදහා ආයතන වෙතින් මුදල් ලබාගැනීම සිදුකරමින් යමින් සිටියදී එකතු කරගත් මුදල් රුපියල් කෝටි හතකට අධික මුදලක් රැගෙන පළාය
2024 නොවැම්බර් මස 05
395
0
වසර විසිපහක විශිෂ්ට ඉතිහාසයක් සහිත BMS කැම්පස් ආයතනය නවෝත්පාදනයන් පෝෂණය කරමින් අනාගත නායකයින් නිර්මාණය කරමින් සහ හැඩගස්වමින් විශිෂ්ට ආයතනයක් බවට මේ ව
2024 ඔක්තෝබර් මස 18
664
0
සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 51 වැනි ශාඛාව කලූතර දිස්ත‍්‍රික්කයේ අර්ධ නාගරික ජනාකීර්ණ නගරයක් වූ මතුගම නගරයේදී පසුගියදා විවෘත කෙරිණ.
ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප්රධාන අංගයකි. වාහනයක් කරදර වලින් තොරව සිත්සේ භාවිත කර
සංයුතිය වෙනස් වුණත් හිටි අඩියේ ගෑස් ටැංකි පිපිරීම ඉතා අල්පයි
ජන හඩ Wednesday, 01 December 2021 12:11 PM
කිහිප දෙනෙකුට මරණය සහ තුවාලද සිදුවුනා. වෙනත් රටවල නම් එක්කෙනෙක් මැරුණත් මෙය බරපතල ලෙස ගණන් ගන්නවා. මොන උගතා කථා කලත් මේ සත්‍යය වෙනස් කරන්න බෑ. උගතුන් වැඩිවෙලා දැන් රටට වෙලා තියන හරිය මදෑ. ඇත්ත කථා කරන අය ගෙදර යවලා බොරු කාරයින්ට උසස් වීම ලැබෙන ක්‍රමයක් අපේ තියන වග අපි නොදන්නවැයි.
pathiranaWednesday, 01 December 2021 12:40 PM
කතාව ඇත්ත.. මට හරිම පිළිකුලක් ඇතිවුණා. මේ මහත්තයා වචන හරඹයකින් අපේ රටේ මෝඩ ජනතාව නොමග යවන්න ගන්න උත්සාහය දැක්කාම... මේවගේ මිනිස්සුන්ට හිතෙන්නේ නැහැ තමන් ඉගෙනගත්තේ මේ නොමග යවන්න උත්සාහ කරන මෝඩ මිනිස්සුන්ගේ සල්ලිවලින් කියන එක...
samanWednesday, 01 December 2021 12:50 PM
ඔහු කියන දේ නිවැරැදියි.
sena Wednesday, 01 December 2021 12:36 PM
මෙයාගේ කතාවේ යම් ඇත්තක් තියනවා වෙන්න පුළුවන් .පිපිරී යන්නේ ගෑස් ටැංකි නෙවෙයි ගෑස් ටැංකියේ ඇතිවන පීඩනය නිසා ටැංකියට අනුබද්ද උපකරණ .මොකෙන් හරි මැරෙන්නේ මිනිස්සු ඒක ගැන නොසිතා කම්පැනිවලට හුණු ගාන්න යන මෙයාගේ කුස්සියේ තියන මොකක් හරි උපකරණයක් පිපිරුනොත් මෙයාට මොකද වෙන්නේ ?
විමල් Wednesday, 01 December 2021 12:56 PM
ගෑස් ටැංකියට ඔය කියන තාක්ෂණික කරුණු හරි ඇති. ඔය ගෑස් බටයට හා රෙගියුලේටරයට ඔය පීඩනය දරාගන්න හැකිද කියලා සඳහන් කරලා නෑ නේද? කම්පැනි එකෙන්ම කියලා තියනවා නේද අත්හදා බැලීමක් කරන්න ගෑස් සංයුතිය වෙනස් කරලා කියලා. කොහොම වුනත් ගෘහස්ත ගෑස් භාවිතයේදී පිපිරීම් වැඩි වෙලා තියනවා නේද? ලාභ වැඩිකර ගන්න හොර වැඩ කරනවා! ජීවිත එක්ක සෙල්ලම් කරනවා!!
Bunny Preena Wednesday, 01 December 2021 02:35 PM
අත්හදා බැලීම් කරන්න ඕනේ සංයුතිය වෙනස් කරපු අයගේ ගෙවල්වල සහ කම්පැණියේ අධ්‍යක්ෂක මණ්ඩලයේ අයගේ ගෙවල්වලයි. නැතිව කම්පැණිකාරයින්ගේ සාක්කු පුරවන අහිංසක පාරිභෝගිකයාගේ ගෙවල්වල නෙමෙයි.
kumara Wednesday, 01 December 2021 02:51 PM
කාටවත් කඩේ ගිහිල්ලා තමන්ගේ තත්වය හෝ ආත්මය පාවා දෙන්න එපා. පුපුරන්නේ ගෑස් ටැංකිය නොව ගෑස් ලිප, බටය හෝ රෙගියුලේටරයයි. මේක මහාචාර්ය වරයාට තේරුනේ නැති වුණාට සාමාන්‍ය මනුස්සයෙකුට තේරෙනවා (කඩේ යන්නවුන් හැර). මේ වාගේ අයට ඔබේ වටිනා පත්තරයේ ඉඩ දෙන්න එපා.
dhamneth Wednesday, 01 December 2021 04:15 PM
අපේ රටේ උගතුන් බොහෝ දෙනෙකුට පොතේ දැනුම පමණයි.
Inoka fernando Wednesday, 01 December 2021 04:21 PM
මේ සම්බන්ධ මහචාර්ය කෙනෙක් කරුණු ඉදිරිපත් කළාම එ්ක පිළිගන්න ඕනේ... මේ කතාව ඇත්ත.. මේ වගේ ප්‍රශ්නත් දේශපාලනීකරණය කරන්න දඟලනවා.. අපට ආරංචි විදියට එක්තරා මාධ්‍ය ආයතනයක ලොක්කේක් ගෑස් ආයනයක් පිහිටුවන්න මේ දවස්වල ඉහළපෙලේ හෝටල් වල සාකච්ඡා පවත්වනවා. එ්කට ප්‍රසිද්ධ යූටියුබ් නාලිකා කරන මහතතුරු ටිකකුයි පාරිභෝගික අධිකාරියේ මහත්තුරු ටිකකුයි සහභාගි වෙනවා. අනික් එක වැඩියට ටෙන්ඩර් ගත්ත ලොකු පුටු මාරු කරපු එකත් මේකට සම්බන්ධ ද කියලා අපට සැකයක් තියෙනවා..
Inoka fernando Wednesday, 01 December 2021 04:33 PM
අපේ රටේ මිනිස්සු එ් විෂයයන් සම්බන්ධ විශේෂඥවරුන්ට වඩා දන්නවා වගේ කතාව.. මේ රටේ නිතරම ගෑස් කාන්දුවීම් වෙලා අනතුරු සිද්ධ වෙනවා. හැබැයි මෙ සතිය දෙක තුන තුළ එ් සිද්ධි වැඩිවෙලා මාධ්‍යත් හොයලා ගිහින් එවා වාර්තා කරනවා.. හැම දෙයක්ම දේශපාලනීයකරණය කරන මේ රටේ මේ කුමන්ත්‍රණයක්ද කියලත් වෙලාවකට හිතෙනවා. මාරවිල රාත්‍රි තුනට ගෑස් ලිප ගිනිගත්තලු. අදාල නිවැසියන්ට ශබ්දයක් ඇහුනට බැලුවේ නැහැලු... හරි ගෑස් ලීක් එකක්ම කියමු. එතකොට කොහොමද මහ රෑ එතැනට ගින්දර ආවේ..? අනේ මන්දා ඉතින් උභතෝකෝටික ප්‍රශ්න...
Lalith M Wednesday, 01 December 2021 07:30 PM
මොන ආචාරියා වුනත් මහජනතාව පීඩාවට පත්වීම නොසලකා තම මඩිය වෙනුවෙන් කතා කල පොත් පාඩම විතරක් කල කෙනෙක් ලෙස අපි සලකනවා.