ව්‍යාජ ටෙලර් කාඩ් මගින්  ඉන්දියා රුපියල් කෝටි ගණනක් වංචා කළැයි සැක පිට තමිල්නාඩුවේ පල්ලුරුති පොලීසියෙන් සරණාගත ශ්‍රී ලාංකිකයෝ සිව් දෙනෙක්  දින 14 ක් දක්වා රිමාන්ඩ් කරනු ලැබුහ.

සුරේෂ් (31),සෙන්දුරන් (31),ශිවාසුදන් හා ආනන්ද රාජ්  එම සිව් දෙනාය.

ලැප්ටොප් පරිගණකයක්,ව්‍යාජ ඒ ටී එම් කාඩ් 372 ක්,කාඩ් රීඩරයක්, මුදල් ගැනීමට යොදාගත් යන්ත්‍රයක්,හුන්ඩායි කාරයක් ,ඉන්දියා රුපියල් ලක්ෂ 14 ක් සොයා ගත් බව එරට පොලීසිය කියයි.

මෙම පිරිස  අන්තර් ජාතික මාෆියා කණ්ඩායමක හොර නඩයක් බවත් ලන්ඩනයේ හා ජමනීයේ හෝටල හා සාප්පුවලට සම්බන්ධ යුරෝපා කල්ලියකට සම්බන්ධ බවත් පොලීසිය සැක කරයි.

මෙම සිව් දෙනා 1996 සිට ට්‍රිචි නුවර සිටින බව කියන පොලීසිය කොමිස් වශයෙන් ඔවුන්ට 20% ක් ලැබෙන බවත් සෙසු මුදල් හොර ජාලයේ සෙසු සාමාජිකයින් අතර බෙදී යන බවත් පොලීසිය කියයි.