සිරස මාධ්ය ජාලය මගින් සංවිධානය කරන "සිරස කුමරිය" තරගයේ මෙවර ජයග්රාහිකාව වූ නෙතලි දිසානායක සමගින් මෙවර "සාරවිට" තරු කතාබහ අරඹන්නට අපි සූදානම් වුණෙමු. මේ වනවිට නිරූපිකාවක් සේම ගායිකාවක් ලෙසද කටයුතු කරන ඇය දැනට බාහිර උපාධි අපේක්ෂිකාවක ලෙසද කටයුතු කරන්නීය.
"සිරස කුමරිය" තරගයේ ජයග්රාහිකව ඔබයි?
ඔව්, මගේ ජීවිතේ හැරවුම් ලක්ෂය හැටියට මම දකින්නෙ මේ ජයග්රහණයයි. මොකද, මේ ජයග්රහණයෙන් පස්සෙ මාව ගොඩ දෙනෙක් හඳුන ගත්තා. අද වනවිට මම නිරූපිකාවක් හා ගායිකාවක් විදිහට කටයුතු කරනවා. මේ හැම දෙයක්ම මට ලැබුණේ %සිරස කුමරිය^ තරගයේ ජයග්රාහිකාව වීමත් සමගයි.
මේ තරගයට යොමු වුණේ?
සිරස රූපවාහිනියෙන් මේ පිළිබඳව දැන්වීම් දාන කොට අම්මා තමා උනන්දු වෙලා මේ තරගයට අයදුම් පත්රයක් යොමු කළේ. මාස කිහිපයක් තිස්සෙ මේ තරග වෙනුවෙන් මට වැය කරන්න වුණා. මීට කලින් මම මෙවැනි තරගයකට ඉදිරිපත් වෙලා තිබුණේ නැහැ. ඉතින් මුල ඉඳලාම මේ තරගය ගැන අවබෝධයකින් කටයුතු කරන්න මට සිදුවුණා. නමුත්, අවසන් තරගවලට යොමු වෙන කොට මට මේ තරගය ගැන ගොඩක් අත්දැකීම් ලබාගන්න පුළුවන් වුණා.
මෙවැනි තරගයකින් පස්සේ බොහෝ විට සිදුවන්නේ රංගනය පැත්තට යොමු වෙන්න අවස්ථාව ලැබෙන එක. ඔබටත් එවැනි ආරාධනා ලැබුණාද?
ඔව්, ආරාධනා නම් ගොඩක් ලැබුණා. නමුත්, මම ඒ පැත්තට සම්බන්ධ වීමේදී තෝරාගැනීමක් සිදු කරනවා. ඉතින් ගොඩක් ආරාධනාවල තිබුණේ මට භාර ගන්න බැරි ඒවා. නමුත්, සිරස රූපවාහිනි නාළිකාව කරපු ටෙලි නාට්යයක මම රඟපෑවා. දැනටත් ආරාධනා කිහිපයක් ලැබිලා තියෙනවා. බලමු ඉදිරියේදී හොඳ නිර්මාණයක් ආවොත් මම අනිවාර්යයෙන්ම ඒකට සම්බන්ධ වෙනවා.
එතකොට නෙතලි දැන් නිරූපිකාවක් විදිහට කටයුතු කරනවා?
ඔව්. "සිරස කුමරිය" තරගය ජයග්රහණය කිරීමත් එක්කම මට නිරූපණ ක්ෂේත්රයට යොමු වෙන්න අවස්ථාව ලැබුණා. දැනට මම අවුරුද්දක කාලයක් තිස්සේ නිරූපණ කටයුතුවල නිරත වෙනවා.
වෙළෙඳ දැන්වීම්, ගීත රූප රචනා වගේ නිර්මාණවලටත් දායක වෙන්න අවස්ථාව දැනට ලැබිලා ඇති?
ගොඩක් ආරාධනා නම් ආවා. දැනට නම් ගීත රූප රචනා කිහිපයකට සම්බන්ධ වෙලා වැඩ කරන්න සූදානමින් ඉන්නවා. මගේම කියලා ගීතයක් කළා. එහි ගීත රූප රචනාවට මම දායක වුණා.
ඒ කියන්නේ නෙතලි දැන් ගායිකාවක්?
ඔව්. මගේම කියලා ගීතයක් හා රූප රචනාවක් මම දැනට එළිදක්වලා තියෙනවා. ගීතයේ නම තමයි "දෑසේ සේයා". ලිව්වේ සජිත් උදයංග, සංගීතය හා තනුව නිර්මාණය කළේ රවී විදානආරච්චි. දැනට මේ ගීතයට හොඳ රසික ප්රතිචාර ලැබෙනවා. ඒ නිසා ආයෙත් ගීතයක් කරන්න මගේ බලාපොරොත්තුවක් තියෙනවා.
රංගනය හා අනෙකුත් කලා කටයුතුවල වැඩිපුර දකින්න නැත්තේ ඇයි?
මම දැනට බාහිර උපාධි අපේක්ෂිකාවක්. පසුගිය වසරේ "සිරස කුමරිය" තරගය නිසා මගේ අධ්යාපන කටයුතු යම් තරමක් අඩාළ වුණා. ඒ නිසා මේ අවුරුද්දෙ මම වැඩි තැනක් දීලා තියෙන්නේ මගේ අධ්යාපන කටයුතුවලට. මගේ උපාධිය නිමා වුණාම බොහෝ විට මම කලාව පැත්තටම වැඩිපුර යොමු වේවි.
එක්සත් ජාතීන්ගේ සංවිධානයේ වරලත් ඉංජිනේරුවකු, ලෝක බැංකුවේ ශ්රී ලංකා ශාඛාවේ තාක්ෂණික ඉංජිනේරු ලෙස කටයුතු කළ සමන් විජේසිරි මහතා මීට වසර හයකට පෙර සූක්ෂ
ලෝක ගුරු දිනය වෙනුවෙන් අම්බලන්ගොඩ ධර්මාශෝක විදුහලේ 1990 සාමාන්ය පෙළ හා 1993 උසස් පෙළ ආදි සිසු කණ්ඩායම තමන්ට වෛදයවරුන්,හෙදියන් ඇතුලු සෞඛ්ය කාර්ය මණ්ඩල සා
මහ මැතිවරණයට අදාළ තැපැල් ඡන්ද අයදුම්පත් භාර ගැනීම අද (8) මධ්යම රාත්රී 12 ට අවසන් වීමට නියමිතව තිබූ අතර එය අනිද්දා (10) මධ්යම රාත්රී 12 දක්වා දීර්ඝ කර ඇතැයි
පොළොන්නරුව වැලිකන්ද නගරයේ රාජ්ය බැංකුවක අද(08) වෙනි දා සවස 6.00 ට පමණ ආරක්ෂකයෙකු සතුව තිබූ ගිනි අවිය පත්තු වීමෙන් ඔහු එම ස්ථානයේ දී මියගොස් ඇති බව වැලිකන්
ඇල්පිටිය මහජන ක්රිඩාංගණය අසල ළිඳක තිබී අද (08) සවස මළසිරුරක් හමුවූ බව ඇල්පිටිය පොලිසිය පවසයි.
හිටපු ක්රිකට් ක්රීඩක උපුල් තරංග මහතා අද දින මාතලේ මහාධිකරණයේදී විභාග කිරීමට නියමිතව තිබූ නඩු කටයුත්තට ඉදිරිපත් නොවීම හේතුවෙන් ඔහුට විරුද්ධව විවෘ
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
'සිරස කුමරිය' තරගයේ මෙවර ජයග්රාහිකාව වූ නෙතලි