කොස්ගම යුද හමුදා කඳවුරේ ගින්නෙන් තුවාල ලැබූ දෙදෙනකු මහනුවර සහ හෝමාගම රෝහලට ඇතුළු කර ඇතැයි පොලිසිය කියයි.
මෙම අනතුරෙන් මිය ගිය බව කියන හමුදා සාමාජිකයකුගේ සිරුරක් හෝමාගම රෝහලේ තැන්පත් කර ඇතැයි සෞඛ්ය සේවා අධ්යක්ෂ ජනරාල් වෛද්ය පාලිත මහීපාල මහතා කියයි.
කොස්ගම සාලාව හමුදා කඳවුරේ සිදු වූ පිපිරීම නිසා අවට ප්රදේශවල ජනතාවට හුස්ම ගැනීමේ අපහසුතා ඇති වීමට ඉඩ ඇති බැවින් එම ප්රදේශවලින් ඉවත් වී සිටින ලෙස සෞඛ්ය අධ්යක්ෂක ජෙනරාල් වෛද්ය පාලිත මහීපාල මහතා අවධාරණය කළේය. ජල මූලාශ්රවලට විස ද්රව්ය එකතුවිය හැකි බැවින් ඒ පිළිබඳ සැලකිලිමත් වන්නැයි ද ඉදිරියේදී විස එකතු වූ ජලය වර්ෂාව සමඟ ලැබිය හැකි බැවින් ජලය පරිහරණය කිරීමේදී සැලකිලිමත් වන්නැයි ද හැකිතාක් පිරිසුදු පානීය ජලය ලබාගැනීමට උත්සාහ කරන ලෙසත් වෛද්ය පාලිත මහීපාල මහතා පවසා සිටියේය. හැකි සෑම විටම සෞඛ්යාරක්ෂිත ක්රම අනුගමනය කරන ලෙස ජනතාවගෙන් ඉල්ලා සිටින බව ද සෞඛ්ය පිළිබඳ තොරතුරක් අවශ්ය නම් 011 3071073 අංකයෙන් ලබාගන්නා ලෙස ඔහු කීවේය.
සාලාව ගින්න නිවීමට ආරක්ෂක අංශවලට එම ස්ථානයට ඇතුළු වීමට ලැබුණේ ගින්නෙන් පැය හතර හමාකරකට පමණ පසුය.
ඒ වන විට ද කඳවුරේ ගින්න පැවැති බවත්, මුළු පෙදෙසද කළු දුමාරයෙන් වැසී තිබු බවත් කියති.
මෙම දුම වැදීමෙන් හුස්ම ගැනීමේ අපහසුව ඇතිවීම සමනය කර ගැනීම සඳහා තෙත රෙද්දකින් මුහුණ ආවරණය කර ගන්නැයි සෞඛ්ය අංශ උපදෙස් දෙයි.
හිටි ගමන් ගෙවල් අතහැර ගිය අයගේ නිවාස ආරක්ෂාවට හමුදා පාමුර සංචාර යොදවා ඇත.
හමුදා කඳවුරේ කොපමණ සෙබළුන් සිටියේද යන්න ගැන කිසිම තොරතුරක් ලබා ගත නොහැකි විය.
මන්නාරම මහාධිකරණ විනිසුරු එම් එම් එම් මිහාල් මහතාගේ ඡායාරූප ඇතුලත් කරමින් එතුමාට අපහාසයක් සිදුවන පරිදි කොළඹ සහ තදාසන්න ප්රදේශවල පෝස්ටර් ඇලවීමට නිර
ශ්රී ලංකා ගමනාගමන මණ්ඩලයේ නව සභාපති ලෙස හිටපු සභාපතිවරයකු වන රමාල් සිරිවර්ධන මහතා පත් කර තිබේ.
නැගෙනහිර සහ ඌව පළාත්වල ස්ථාන ස්වල්පයක සවස් කාලයේදී හෝ රාත්රී කාලයේදී වැසි හෝ ගිගුරුම් සහිත වැසි ඇතිවන බව කාලගුණවිද්යා දෙපාර්තමේන්තුව කියයි.
ඉරානය සම්බන්ධයෙන් කළ ප්රකාශයක් මුල්කොට ගනිමින්, එක්සත් ජාතීන්ගේ මහ ලේකම් ඇන්තෝනියෝ ගුටරේස්ට ඊශ්රායලයට ඇතුළුවීම තහනම් කිරීමට ඊශ්රායල අග්රාමාත්
හිටපු විපක්ෂ නායක සහ දෙමළ ජාතික සන්ධානයේ හිටපු නායක ආර් සම්පන්දන් මහතාට ලබා දී තිබූ කොළඹ 7 මහගමසේකර මාවතේ පිහිටි නිල නිවස ඔහු මිය ගොස් මාස තුනකට ආසන්න ක
ඇඹිලිපිටිය මහගම ප්රදේශයේ තිරිවාන නිධිය කැනීම සම්බන්ධයෙන් කිසිදු ඉදිරි පියවරක් නොගන්නා බව නීතිපතිවරයා අභියාචනාධිකරණයට ඊයේ (02) පොරොන්දු විය.
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
සාලාව ගින්නෙන් හමුදා සාමාජිකයෙක් මරුට
ඉරූෂාන් Monday, 06 June 2016 02:13 AM
වෙනත් කිසිම කෙනෙකුට ජීවිත හානියක් නොවේවායි ප්රාර්ථනා කරනවා. ඒ වගේම තුවාල ලැබූ අයටත් ඉක්මන් සුවය ප්රාර්ථනා කරනවා. (නි)
බන්දුල Monday, 06 June 2016 03:50 AM
වුණේ ලොකු විනාශයක්. එ්ත් අනේ කිසිම අයකුට කරදරයක් සිදුනොවේවා! (නි)
නිශාන්ත Monday, 06 June 2016 04:21 AM
හමුදා නිලධාරීන් හට අසාධාරණකම් සිදුවෙන විට මෙවැනි දේවල් සිදුවිය හැකි යැයි සිතෙනවා (නි)
ශාන සෞදි Monday, 06 June 2016 10:36 AM
වෙනත් කිසිම කෙනෙකුට ජීවිත හානියක් නොවේවායි ප්රාර්ථනා කරනවා. ඒ වගේම තුවාල ලැබූ අයටත් ඉක්මන් සුවය ප්රාර්ථනා කරන අතර මිය ගිය අපේ රණවිරුවන්ට නිවන්සුව ප්රර්ථනා කරනවා. (ර)
ඈන් Monday, 06 June 2016 04:59 AM
දෙවියනේ ඇයි මේ වගේ දේවල් අපේ රටටම වෙන්නෙ? (නි)