මේ දිනවල පැතිරෙමින් පවතින උණ රෝගයක් හේතුවෙන් සබරගමුව සරසවිය ලබන 20 වැනි දා තෙක් වසා දැමීමට පියවර ගත් බව විශ්වවිද්‍යාල ආරංචි මාර්ග සඳහන්  කරයි. 

පසුගියදා කෘෂි විද්‍යා පීඨයේ පළමු හා දෙවැනි වසරට නිවාඩු ලබාදී තිබූ අතර ඉකුත් බදාදා වන විට කෘෂි විද්‍යා පීඨයේ සියලුම සිසුන් සඳහා විශ්වවිද්‍යාලය වසා  දැමිණි. කෘෂි පීඨයට නැවත අධ්‍යනය කටයුතු 11 වැනි දා ආරම්භ වීමට නියමිතව තිබුණත් සියලුම පීඨයන්ට 08 වැනි දා සිට විවේක නිවාඩු ලබාදී ඇත.  

නේවාසිකාගාරවල සිසුන් අතර උණ රෝගය පාලනය කිරීම, නේවාසිකාගාර පිරිසිදු කිරීම, ජලය පරීක්ෂා කිරිම , රෝගය  පැතිරයාම වැළැක්වීමට ආරක්ෂිත පියවරයන් යෙදීම සඳහා සිසුන්ට විවේක කාලයක් ලබාදීමට තීරණය කර තිබෙන බව ශ්‍රි ලංකා සබරගමුව විශ්ව විද්‍යාලයේ වැඩබලන උපකුලපති කෘෂි විද්‍යා පීඨයේ පීඨාධිපති එච්.එස්.ආර්. රොසයිරෝ මහතා පැවසුවේය.

ඒ අනුව විශ්වවිද්‍යාලයේ සිසුන් 08 වැනිදා සිට ලබන 20 වැනිදා දක්වා අධ්‍යනය කටයුතු සිදු නොකෙරෙන බවත්  සියලුම  සිසුන්  09 වැනි දා පස්වරු 06 ට පෙර විශ්ව විද්‍යාලයෙන් ඉවත් විය යුතු බවට නිවේදනය කර සිටියි.