සහල්මෝල් හිමියන්ගේ ලාභය දැනගතහොත් පුදුම වෙනවා

(යොහාන් භාසුර)

මහා පරිමාණ සහල්මෝල් හිමියෙක් ලබන ලාභය පිළිබඳව ජනතාව දැනගතහොත් පුදුමයට පත්වන බවත් වී මිල තීරණය කිරීමේදී සහල්මෝල් හිමියන්ගේ සියලු‍ම වියදම් සහ ආදායම් පිළිබඳ අවධානය යොමු කළ බවත් ජාතික පසු අස්වැනු කළමනාකරණ ආයතනයේ අධ්‍යක්ෂ අශෝක රත්නායක පැවසීය.

වී මිල පිළිබඳව දැනුවත් කිරීම සඳහා කෝට්ටේ පිහිටි කෘෂිකර්ම අමාත්‍යාංශයේදී අද (7) පැවති විශේෂ මාධ්‍ය හමුවේදී අශෝක රත්නායක මහතා එසේ පැවසීය.

පෞද්ගලික අංශය මේ වන විට වී කිලෝවක් රුපියල් 125 කට වඩා අධික මුදලකට මිලදී ගනිමින් සිටින්නේ එවැනි මිලකට ගත්තද ඔවුන්ට විශාල ලාභයක් තිබීම නිසා බව කී රත්නායක මහතා ගොවියකු මාස හයක් තිස්සේ මහන්සි වී වී කිලෝ 5000 ක අස්වැන්නක් පමණක් ලබන බව ද සඳහන් කළේය.

එය එසේ වුවද මහා පරිමාණයේ වීමෝල් හිමියෙකු දිනකට වී කිලෝ 25000ක් ලෙස මාස හයක කාලයක් මාසයකට දින 25 බැගින් වීමෝල පවත්වාගෙන ගියහොත් රුපියල් ලක්ෂ 37 කට අධික ලාභයක් ලබන බවත් මෙවර වී මිල තීරණයය කිරීමේදී වීමෝල්හිමියන් වී මිලදීී ගැනීමේදී, තොග පවත්වාගෙන යාමේදී, සේවක වැටුප් ගෙවීමේදී, සහල් විකිණීමේදී ආදී දරන සියලු‍ම වියදම් සහ ඔවුන් අතුරු නිෂ්පාදනවලින් ලබන ලාභයන් පිළිබඳව ද අවධානය යොමු කළ බවත් ජාතික පසු අස්වැනු කළමනාකරණ ආයතනයේ අධ්‍යක්ෂ අශෝක රත්නායක මහතා කීය.

සහල් අලෙවි කිරීමේදී වීමෝල්හිමියාට රුපියල් 5 ක, අතරමැදියාට රුපියල් 3 ක සහ සිල්ලර වෙළෙන්දාට රුපියල් 5 ක ලාභ තීරුවක් වෙන් කර ඇති බව කී රත්නායක මහතා පැවසුවේ මෙම ලාභ තීරුවද සමඟ රජය ප්‍රකාශයට පත්කර ඇති උපරිම සිල්ලර මිලට කිසිදු ගැටළුවකින් තොරව සහල් අලෙවි කළ හැකි බවත්ය.

අදහස් (9)

සහල්මෝල් හිමියන්ගේ ලාභය දැනගතහොත් පුදුම වෙනවා

karolis Saturday, 08 February 2025 08:54 PM

එක පෑන් පාරෙන් කරනවා කියලා කිව්වාම රැවටෙන මී හරක් 68 ලක්ෂය දැන් සරමෙන් මූණ වහගන්න...!

: 8 12

Lalla Sunday, 09 February 2025 01:52 AM

ලොකු ලාභ නැතිව මහ මෝල් පවත්වාගෙන යාමට හැකිද? මෝල්වල නිශ්පාදන ක්‍රියාවලියක් වෙනවා. නඩත්තුව පඩිනඩි බැංකුවල පොලිය ඔක්කොම එකතුව. ඒත් වෙළෙන්දන් තමන් ළඟට එන පාරිභෝගිකයා සූරා කන එක හිතන්න...

: 4 6

පාඨකයෙක් Sunday, 09 February 2025 04:59 AM

ඇයි ඔය මිනිස්සු ආදායම් බදු, කර්මාන්ත බදු, ව්‍යාපාර බදු, ආදියත් ගෙවනවා ඇති නේද? ඒ මිනිස්සු උත්සාහයෙන් උපයන දෙයට ඊර්ෂ්‍යා කිරීම හරිද?

: 5 12

ගුණරත්න Sunday, 09 February 2025 08:07 AM

පුදුමයක්ද එක? හාල් මිල ජනාධිපතිම ඉහළ දැම්මා... වී පාලන මිලක් දාලා හිර කළා, ඒකෙන් වාසිය මෝල් මාෆියාවට තමයි.

: 9 11

Lakmal Sunday, 09 February 2025 09:01 AM

රජය කළයුත්තේ වෙළෙඳ පලක් ඇති කිරීමයි. වෙළෙඳ ඒකාධිකාරය හාල් වලට විතරක් නෙමෙයි ලංකාවේ ව්‍යාපාර බොහෝමයකට පොදුයි. ලංකාවේ ඉන්ටර්වෙට් මිල අතින් ලෝකෙ වැඩිම රටවල් වලින් එකක්.. ටෙලිකොම් සමාගමේ ඒකාධිකාරය නිසා. හිඟන බස් සේවයක් තියනකන්නේ ඔවුන්ගේ ඒකාධිකාරය නිසා. ලෝක බැංකුවෙන් මේවා විසඳන්න හොඳ නිර්දේශ (SMP) දීලා තියනවා. ක්‍රියාත්මක කරන්න ලංකාවේ මිනිස්සුන්ට මොලයක් නෑ. සදා දුක් විඳිනවා.

: 1 9

Lasandu Sunday, 09 February 2025 09:18 AM

වෙලෙන්ඳා රුපියල් 8 නිශ්පාදකයා රුපියල් 5 සියලුම ආයොජන එක්ක නිකන්ම කන අය පඬි ටෝක්...!

: 1 8

සිල්වා Sunday, 09 February 2025 11:32 AM

අශෝක රත්නායක මහත්තයෝ ඔබතුමාට සිල්ලර කඩයකට වැස්සකටවත් ගොඩවුණු අවස්ථාවක මතකයන් තිබෙනවද? සිල්ලර කඩයකට ඇති දෛනික වියදම් ගැන අවබෝධයක් ලබාගෙන නැවත ගණන් හදා කියන්න.

: 7 13

Banda Sunday, 09 February 2025 01:34 PM

අතරමැදියාට කිලෝවට රුපියල් 3යි නම් කිලෝ 25000 න් හොයන්න පුළුවන් රුපියල් 75000යි. ප්‍රවාහනයට, පටවන්න බාන්න මිනිස්සුන්ට පඩි ගෙවන්න සල්ලි දෙන්නේ ඔබ තුමාගේ අප්පාද? කිලෝ 25000 (ටොන් 25) කට ලොරි වාර කීයක් යන්න ඕනෑ ද? ආණ්ඩුවේ ඉන්නේ ගණනුත් බැරි ඇත්ත ලෝකේ ජීවත් වෙන්නේත් නැති ගොබ්බයින්..

: 3 11

Saman Monday, 10 February 2025 06:51 AM

මහා පරිමාණ සහල් මෝල් ගිනි තිබ්බා නම් ප්‍රශ්නය ඉවරයි. ජෙප්පන්ට මේක සුලු දෙයක්.

: 0 2

ඔබේ අදහස් එවන්න

එසැණ පුවත්

ඉඩම් කොමිසමේ දූෂණ: කෝප් විමර්ශනයක්

2025 අප්‍රේල් මස 25 31 0

ඉඩම් ප්‍රතිසංස්කරණ කොමිෂන් සභාවේ සිදුවී ඇතැයි පැවසෙන දූෂණ වංචා සහ අක්‍රමිකතා සම්බන්ධයෙන් විමර්ශන පැවැත්වීමට පොදු ව්‍යාපාර පිළිබඳ පාර්ලිමේන්තු කාර

දේශබන්දුගේ පැටිකිරිය හොයන කමිටුවට ඇමැති කාමරයක්

2025 අප්‍රේල් මස 25 221 1

පොලිස්පති දේශබන්දු තෙන්නකෝන් මහතාට එරෙහි චෝදනා විමර්ශන කෙරෙන ත්‍රිපුද්ගල කමිටුවේ කටයුතු සඳහා පාර්ලිමේන්තු සංකීර්ණයේ ඇමතිවරුන්ට වෙන් කෙරෙන කාමරයක

විජිත වතිකානයට

2025 අප්‍රේල් මස 25 409 3

ස්වර්ගස්ථ වූ ශුද්ධෝත්තම ෆ්‍රැන්සිස් පාප්වහන්සේගේ දේහය පිළිබඳ අවමංගල පූජෝත්සවයට සහභාගීවීමට ශ්‍රී ලංකා රජය නියෝජනය කරමින් විදේශ කටයුතු අමාත්‍ය විජි

රනිල් ලබන සඳුදා අල්ලස් කොමිසමට එන බව කියයි

2025 අප්‍රේල් මස 25 370 3

චාමර සම්පත් දසනායක මහතා ඌව පළාත් මහ ඇමති ධුරයේ සිටියදී ජාතික ඉතිරි කිරීමේ බැංකුවේ පැවති ස්ථාවර තැන්පතු ඉවත් කිරීමේ සිද්ධිය සම්බන්ධයෙන් ප්‍රකාශයක් ලබ

පාප් වහන්සේට ශෝකය පළ කරන්න රනිල් යයි

2025 අප්‍රේල් මස 25 538 5

හිටපු ජනාධිපති රනිල් වික්‍රමසිංහ මහතා ශ්‍රී ලංකාවේ වතිකාන තානාපති කාර්යාලය වෙත ගොස් අති උතුම් ශුද්ධෝත්තම ෆ්‍රැන්සිස් පාප්වහන්සේගේ ස්වර්ගස්ථ වීම ප

බලය ගත යුතු ක්‍රමය ගැන ජනපතිගෙන් විපක්ෂයට පාඩමක්

2025 අප්‍රේල් මස 25 608 5