2025 අප්‍රේල් මස 04 වන සිකුරාදා
(තිළිණි ද සිල්වා සහ රංජන් කටුගම්පොළ)
රට තුළ ඇති වී තිබෙන ව්‍යවස්ථාදායක අර්බුදයට විසඳුමක් ලබා ගැනීමට අධිකරණයෙන් දිය හැකි හොඳම විසඳුම වන්නේ ජනතාවට සිය ජනතා පරමාධිපත්‍යය අනුව කටයුතු කරන්න අවස්ථාව ලබාදීම යැයි ජනාධිපති නීතීඥ අලි සබ්රි මහතා අද (06) ශ්‍රේෂ්ඨාධිකරණය හමුවේ කීය.
ජනාධිපති මෛත්‍රීපාල සිරිසේන මහතා විසින් පාර්ලිමේන්තුව විසුරුවා හරිමින් නිකුත් කළ ගැසට් නිවේදනයට අදාළව ඉදිරිපත් වූ පෙත්සම් සත් පුද්ගල ශ්‍රේෂ්ඨාධිකරණ විනිසුරු මඩුල්ල හමුවේ අද (6) තෙවැනි දිනටත් විභාගයට ගැනීම ආරම්භ කළ අතර එහිදී මෙම පෙත්සම් වලට එරෙහි අතරමැදි පෙත්සම්කාර මහාචාර්ය ජගත් වැල්ලවත්තගේ මහතා වෙනුවෙන් ජනාධිපති නීතීඥවරයා මේ බව කියා සිටියේය.
එහිදී වැඩිදුරටත් අදහස් දැක්වූ ජනාධිපති නීතීඥවරයා මෙසේ ද කීය.
මෙවැනි ව්‍යවස්ථාදායක අර්බුදයකදී කළ යුත්තේ ජනතාවටම සිය පරමාධිපත්‍යය බලය අනුව කටයුතු කිරීමට අවස්ථාව ලබා දීමයි. ඒ නිසා ඇති වී තිබෙන මේ අර්බුදයට විසඳුමක් ලබා දෙන්නැයි අපි අධිකරණයෙන් ඉල්ලා සිටිනවා.19 වැනි ආණ්ඩුක්‍රම ව්‍යවස්ථා සංශෝධනයේ දී වගඋත්තරකාර පාර්ශ්වය පවා ඡන්දය ලබා දී තිබෙනවා.
මෙවැනි ව්‍යවස්ථාදායක අර්බුද හා සමාන අර්බුද වරෙක ඉන්දියාවෙත් ඇති වූවා. එවිට එරට සියලු පාර්ලිමේන්තු මන්ත්‍රීවරුන් යෝජනාවක් සම්මත කරගෙන ජනාධිපතිවරයා හරහා පාර්ලිමේන්තුව විසුරුවා හැරීමෙන් පසුව මහ මැතිවරණයකට ගියා. ඒ අනුව මේ අර්බුදය නිම කරන්න අධිකරණය විසින්. ජනතාවටම අවස්ථාව ලබා දිය යුතුයි.
මැතිවරණයකට යන්න ඕනේ නැහැ කියන්නේ මැතිවරණයකට යන්න බය අයයි, ඒ වගේම ජනතාව අතරේ විශ්වාසය නැති අය යැයි ද ජනාධිපති නීතීඥ අලි සබ්රි මහතා කීය.
අතරමැදි පෙත්සම්කාර මහාචාර්ය ජී.එල්.පීරිස් වෙනුවෙන් ජනාධිපති නීතීඥ සංජීව ජයවර්ධන මහතාද , උදය ගම්මන්පිල මහතා වෙනුවෙන් ජනාධිපති නීතීඥ මනෝහාර ද සිල්වා මහතා පෙනී සිටියහ.
ඌරගස්මංහන්දිය බෙලිගස්වේල්ල ප්‍රදේශයේදී මීට සුළු වේලාවකට පෙර සිදු කළ වෙඩි තැබීමකින් 56 හැවිරිදි පුද්ගලයකු තුවාල ලබා ඇතැයි පොලිසිය කියයි.
ඉන්දීය අග්‍රාමාත්‍ය නරේන්ද්‍ර මෝදි මහතා මීට සුළු වේලාවකට පෙර ශ්‍රී ලංකාවට පැමිණියේය.
වසර තුනක කාලයකදී විශූද්ධීකරණය කළ මුදලින් රුපියල් කෝටි 08 කට අධික මුදලක් යොදවා රත්මලාන හා දෙහිවල ප්‍රදේශ වලින් ඉඩම් ඇතුළු දේපල මිලදී ගත් බවට වු අධිචෝදනා
මියන්මාරයේ භූ කම්පනයෙන් විපතට පත් ජනතාවට වෛද්‍යාධාර ඇතුළු මානුෂීය ආධාර රැගත් පළමු ගුවන් යානය හෙට (05) මියන්මාරය බලා පිටත්ව යයි
වැඩබලන පොලිස්පතිවරයාට පොලිස් ස්ථානාධිපතිවරු ඉවත් කිරීමට දී තිබූ බලය ඉවත් කළ බව ජාතික පොලිස් කොමිෂන් සභාව සඳහන් කරයි.
ජනපති ඩොනල්ඩ් ට්‍රම්ප්ගේ ’’අන්‍යෝන්‍ය බදු ක්‍රමය’’ ඇමෙරිකාව ආර්ථිකය අවපාතයකට ඇද දමුණු ඇතැයි මතුව තිබෙන බිය තවත් වැඩි කරමින් ලොව විශාලතම සමාගම් වල වට
2025 අප්‍රේල් මස 04
129
0
නව්‍යකරණයෙන් පිරිපුන් හෘද්‍යාංගම මූල්‍ය සේවාවක නියැලෙමින් ශ්‍රී ලාංකිකයන්ගේ විශ්වාසය දිනූ සියපත ෆිනෑන්ස් පීඑල්සී ආයතනික සමාජ සත්කාරක වැඩසටහන් මා
2025 මාර්තු මස 31
378
1
මිනි සීරීස් කන්සෙප්ට් එකෙන් සීරීස් කිහිපයක්ම නිර්මාණය කරපු අධ්‍යක්ෂකවරයෙක් තමයි ජෝ දිසානායක. Hello Dada අධ්‍යකෂණය සිදු කරන්නේද ඔහු විසින්ම. බොහෝ ජනප්‍රිය
2025 මාර්තු මස 21
901
0
ප්‍රයිම් සමූහය ශ්‍රී ලංකාවේ දේපළ වෙළඳාම් ක්ෂේත්‍රයේ පෙරළියක් සිදුකරමින් නව ගෙවීම් ක්‍රමවේදයක් හඳුන්වා දීමට පසුගියදා කටයුතු කළේ ය.
හොඳම විසඳුම ජනතා පරමාධිපත්‍යයට ඉඩදීමයි
ajith Thursday, 06 December 2018 01:47 PM
කරුණාකරලා දැන්වත් ඔය තුන් කට්ටුවේ කඹ ඇදිල්ල නවතලා මහජනතාව වන අපට ඉඩ දෙන්න අපේ ස්වාධීන මතය ඉදිරිපත්කර රටේ ස්වාධිපත්‍ය රැකගැනීමට
රොමේෂ් Thursday, 06 December 2018 03:33 PM
මේක ජනතාවගේ පරමාධිපත්‍යය අවභාවිතය කිරීම සම්බන්ධ නඩුවක්. නැවත ඡන්දෙකට ගිහින්, එතැනදී පත්වෙන පාර්ලිමේන්තුවත් පහුවෙනිදාම මේ විදිහටම විසුරවා හැරියොත් හෝ තමන් කැමති කෙනා ජයග්‍රහණය නොකළ නිසා අගමැතිකෙනෙක් පත් නොකර උන්නොත් එදාටත් ආයේ ඡන්දෙකට යන්නද කියන්නේ. ප්‍රශ්නය විසඳන ආකාරය අහගන්න නොවෙයිනේ අධිකරණයට ගිහින් තියෙන්නේ. ජනාධිපති විසින් ඇතිකර තිබෙන තත්වය නීතියට එකඟද නැතිද කියලා දැනගන්නනේ. මේ අර්බුධය මැතිවරණයකින් විසඳන්න බැහැ. දේශපාලන වාසිබලාගෙන සමහරු ජනාධිපතිවරණත් ඉල්ලනවා.
BamunuarachchiFriday, 07 December 2018 12:14 AM
මේ ඉල්ලීම ඉතාමත් කාලොචිත ඉල්ලීමක්. ජනතාව විසින් පත්කළ රජයේ ප්‍රශ්න අතිඋනානම් ජනතාවම නැවත ඡන්දය පාවිච්චි කර තම තීන්දුව දෙනවා මිස ප්‍රශ්නයට අදාළ මිනිසුන් විසදුම් සෙවීමට යාම ප්‍රතිඵල රහිතය.
ගල්කටස් Friday, 07 December 2018 02:38 AM
එක ව්‍යවස්ථා ගැටඵවක් .......දෝෂ සහිත ව්‍යවස්ථාව හැදුවට මක්කරන්නද ..? 225 ම එකට වගකියන්න දියවන්නාවෙ ඉන්න බොහො දෙනෙක් පොතක් පතක් කියවන්නෙ නැති එකෙ ඹය ව්‍යවස්ථාව කොහේ කියවල ඡන්දය දෙන්නද එතනයි ගැටඵව...... ලොක්කා කිවිවා නමි එච්චරයි හරිද දන්නෙත් නැහැ වැරදිද දන්නෙත් නැහැ
RohanaFriday, 07 December 2018 06:29 AM
පොඩ්ඩක් ඉවසන්න........... බත් හැලිය ඉදෙනකම්.
BamunuarachchiFriday, 07 December 2018 10:41 PM
බත් හැලිය දිහාම බලාගෙන ඉන්නවා.... ඉතින් රටකට හරියාවිද?
Rata Perata Thursday, 06 December 2018 04:24 PM
මැතිවරණ තියන්න ඕන කියන්න මෙයා කවුද? මැතිවරණ වලට සල්ලි දෙන්නේ මෙයාද?
BamunuarachchiFriday, 07 December 2018 12:23 AM
මෙයා මැතිවරණයක් තියාන්න ඕනේ කියන්නේ ඔබට කහින්න වත් අවසර නැති සත් පුද්ගල අධිකරණයක් ඉදිරියේ. ඔබේ ප්‍රශ්නයෙන් තේරෙනවා ඔබ කෙතරම් මෝඩද කියලා.
මංගලමුදුFriday, 07 December 2018 02:46 AM
මොහු ජනාධිපති නීතීඥයකු වන අතර, ඔබ මෙන් කඩේ යන හා කී බෝඩ් වීරයකුද නොවේ.
Rata PerataFriday, 07 December 2018 07:12 AM
අපිත් ආචාර්ය උපාධි අරගෙන හිටියට රට ගැන විතරයි හිතන්නේ.
BamunuarachchiSunday, 09 December 2018 08:20 AM
ආචාර්ය උපාධිය තිබුණා කීවට අහපු ප්‍රශ්නයෙන් උපාධිය ගැන සැකයි. ඒ මොනවා වුනත් විනිශ්චයකාරවරුන් 7 දෙනෙකුගේ ශ්‍රේෂ්ඨාධිකරණය ඉදිරියේ රටේ අවුලට හොඳම විසඳුම ජනතා පරමාධිපත්‍යයට ඉඩදීමයි කියන්න ඔබට මේ ආත්මයේ බැරිබව මම දනිමි. විනිශ්චයකාරවරු අසුවාද මෙයා කව්ද? මෙයාද මැතිවරණයට සල්ලි දෙන්නේ කියා? එතුමන්ලා කලේ ප්‍රකාශය සටහන් කරගැනීම පමණයි. ඔන්න ආචාරියාගේ උපාධියේ වෙනස...
Chanak Los Angeles Thursday, 06 December 2018 08:58 PM
මැතිවරණයකට යන්න බයද කියා අහනවා? සත්තකින්ම බය වෙන්න ඕනේ අධිකරණ තීන්දුවලටත් අභියෝග කරමින් බලහත්කාරකමින් කටයුතු කරනවා නම්... මොවුන් බලය අතේ තියාගෙන විනාඩියෙන් විනාඩිය කියන කියන දෙය වෙනස්කරන නායකයාගේ සහයෝගයත් ගෙන ඡන්දයක් තැබුවොත් කොහොම කරයිද?
jaya Friday, 07 December 2018 12:14 AM
පාර්ලිමේන්තුව විසුරුවන්න ඕන හරි ක්‍රමයට. ඔක්කොම පටලාගෙන පිළිතුරු දෙන්නේ.
චමින්ද Friday, 07 December 2018 01:38 AM
2015 පාර්ලිමේන්තු මැතිවරණයෙන් ජනතාව බලය දුන්නේ අවුරුදු පහකට මහත්තයෝ.... එය අතරමගින් කඩාගෙන හොඳම විසඳුම ජනතා පරමාධිපත්‍යයට ඉඩදීමයි කියන්නේ මොකක්ද? ඔබ කියන විදියට වැඩ සිද්ධවුනොත් අනාගතයේ කිසිදා විසඳීමට නොහැකි ප්‍රශ්ණ ඇතිවෙිවි. ඔබේ රැකියාවට ඔහොම කිව්වත් ඔය කියන ලෙසට කටයුතු කිරීම රටට සුදුසුනැහැ
BamunuarachchiSunday, 09 December 2018 03:59 PM
ඔබ ඔය කියන හෑල්ලට වඩා දේවල් අලි සබ්රි මහතා සහ විනිශ්චයකාරවරුන් 7 දෙනා දන්නවා. ඒ බව සිතේ තබාගෙන උගතුන් කතාකරන විට තම මෝඩකම නොපෙන්වා අසාගෙන සිටින්න. යමක් ඉගෙනගන්න බලන්න.
Rohana fonseka Friday, 07 December 2018 03:07 AM
උගත් උනත් මෝඩ තර්ක ගේන්නේ..... ඡන්දේ තියලැ යූඇන් පී එක ජය ගත්තොත් එදාට මොකද? කරන්නේ............... මෙයා කතා කරන්නේ ජනතා පරමාධිපත්‍ය නොවෙයි.....
kamal Friday, 07 December 2018 03:24 AM
ගැටලුව කරපු වැඞේ හරිද වැරදි කියල බලන එක බව මේ පුද්ගලයට තේරෙන්නේ නැති නිසා අදාල නැති දේවල් දොඞෝනව.
gamaathi Friday, 07 December 2018 05:19 AM
ජනතාව පාර්ලිමේන්තු ඡන්දයක් ඉල්ලා සිටියේ කවදාද? ඡන්දයක් ලබාගන්න ව්‍යාජ පරමාධිපත්වයක් ගැන හැමෝම කතාකරනවා.
justin Tuesday, 11 December 2018 08:27 AM
මේක ජනතාවට විසදන්න බැහැ. ජනතාව කවද්ද හරි තීරණයක් ගත්තේ. හැමදාම රැවටුනා මිසක්. ජනතාව බිල්ලට අරගෙන් එයාල බලයට ආපු එක විතරයි වුනේ.