කුඩා කලදී 'හපන් පැදුරේ' නිවේදිකාවක ලෙස ඔබ හඳුනාගත් ඇය මේ දිනවලදී වැඩි වශයෙන් දායකත්වය ලබාදෙන්නේ හඬ කැවීමටය. Boys over flowers හි 'ගුං ජැන්දි'ගේ චරිතයට හඬ කැවීමෙන්ද දායක වූ ඇය විශාරද ටනාකා තාරකීය.

අපත් සමග අදහස් දැක්වූ ටනාකා තාරකී,

"මේ දිනවල melody of love part 2 හි හඬකැවීමෙන් දායක වෙනවා. එය අප්‍රේල් මස 2 දා සිට විකාශය වෙනවා. ඒ වගේම අධිරජ ධර්මාශෝක නාට්‍යයට හඬකැවීමෙන් දායක වෙනවා. හිරු නාලිකාවේ ඇරෝ ටෙලිනාට්‍යයේ තියා කුවීන් කියන චරිතයට හඬ කැවීමෙන් දායක වෙනවා. ඒ වගේම සිරස එෆ්.එම්. ඔස්සේ විකාශය වන මං ආදරේ ගුවන් විදුලි නාට්‍යයේ මියැසිගේ චරිතයට දායක වෙනවා."

"ඒ වගේම මගේ ගීත නිර්මාණ ගැන කතා කළොත් මෑතකදීම මම 'ඇතුල්වීම තහනම්' නමින් අලුත් ගීතයක් එළිදැක්වුවා. එය රචනා කළේ මාධව හේවාවසම්, එය සංගීතවත් කළෙත් ඔහු විසින්මයි. ඒ වගේම 'වෙන දෑතක් සොයා' නමින් ගීත රූප රචනාවක් කළා. එය ළඟදීම එළිදැක්වෙයි. එහි පද රචනය චතුක මධුකරගෙන් සංගීතය සජිත් රාජපක්ෂගෙන්. Sumeet one music center මත්තේගොඩ හා පන්නිපිටියේ පවත්වන සංගීත පන්තිය මගින් කුඩා ළමයින්ගේ ගීත එකතුවක් ඇතුළත් සංයුක්ත තැටියක් එළිදක්වන්න බලාපොරොත්තු වෙනවා. ඉදිරියේදීත් හොඳ ගුණාත්මක ගී නිර්මාණයක් ඉදිරිපත් කරන්න ලොකු බලාපොරොත්තුවක් තියෙනවා."

නිදුක් මධුෂික