ලන්ඩන් නුවර මුල් වතාවට සිංහල සහ ශ්රී ලාංකික දෙමළ සංවිධාන දෙකක් එකමුතුව අවුරුදු උත්සවයක් පැවැත්වීමට යයි.
මීට පෙර බෞද්ධ විහාරස්ථාන සහ සිංහල සංස්කෘතික සහ කලා සංවිධාන මඟින් පැවැත්වූ අවුරුදු උත්සව "සිංහල සහ හින්දු අවුරුදු උත්සව" වශයෙන් ප්රචාරය කළද ඒවායේ සියලුම වැඩකටයුතු සංවිධානය කරන ලද්දේත් එම උත්සව සඳහා සහභාගී වුයේත් සිංහල පිරිස් පමණකි.
පසුගිය වසර 20ක පමණ සිංහලයින් විසින් සංවිධානය කරන ලද " බක් මහ උළෙල" යනුවෙන් ප්රචාරය කළ සිංහල අවුරුදු උත්සව වලදී "සිංහල සහ හින්දු අවුරුදු උළෙල" කියා උප ශීර්ෂයක් යෙදීමටද බොහෝ දෙනා කටයුතු කර තිබු අවස්ථා නිබඳව දක්නට ලැබිණි.
මෙම උත්සවවලදී දෙමළ සංස්කෘතික අංගයන් වශයෙන් "භරත නාට්යම්" අංග ඇතුළත් කළද බොහෝ විට ඒවා ඉදිරිපත් කරන ලද්දේ සිංහල දැරි දැරියන් විසිනි.
ලන්ඩන් නුවර ශ්රී ලංකික ද්රවිඩ සංවිධාන හැම වසරකම පැවැත්වූ අවුරුදු උත්සවයන් හැම විටම ප්රචාරය කරන ලද්දේ දෙමළ අවුරුදු උත්සවය වශයෙන් පමණකි.
ඒවායේදී සම්ප්රදායික සිංහල අවුරුදු අංග ඉදිරිපත් කිරීමේ වුවමනාවක් දෙමළ සංවිධායිකයින්හට තිබුණේ නැත.
කෙසේවුවද මේ අවුරුද්දේදී එම සම්ප්රදායෙන් බැහැරවී සිංහල සහ දෙමළ සංවිධාන දෙකක් එකමුතුවී අවුරුදු උත්සවයක් පැවැත්වීමට යයි. 12 වැනි සෙනසුරාදා දහවල් 2 සිට රාත්රී 11 දක්වා ලන්ඩන් නුවර ක්රන්ෆර්ඩ් ප්රජා පාසලේදී පැවැත්වෙන මෙම අවුරුදු උත්සවය සංවිධානය කෙරෙන්නේ හවුන්ස්ලෝ ශ්රී ලංකා ජනහඬ පදනම සහ පොටර්ස් පැලස් දේව සභාව විසිනි.
සම්ප්රදායික සිංහල සහ දෙමල නව අවුරුදු අංග සහ සංස්කෘතික අංගය ඇතුළත් කෙරෙන බව ජන හඬ පදනමේ සභාපති ශ්රී ලාල් ඩයස් පැවසිය.
නර්තන අංගයන් ජන හඬ පදනම සහ මිඩ්ලන්ඩ් සරසි නර්තන කණ්ඩායම මඟින් ඉදිරිපත් කරනු ඇත.
ගීත සංදර්ශනය සඳහා ලන්ඩනයේ සුප්රසිද්ධ ශ්රී ලාංකික ගායක ගායිකාවන් රැසක්ම සහභාගිවීමට නියමිතය, සංගීතය සපයනු ලබන්නේ ශාන්ත ප්රමුක සී 7 කණ්ඩායමයි.
මෙවර උත්සවයේ ආරාධිත අමුත්තන් වශයෙන් ලන්ඩන් බෞද්ධ විහාරාධිපති මහා බ්රිතාන්යයේ ප්රධාන සංඝ නායක බෝගොඩ සීලවිමල නාහිමි, ශ්රී ලංකා මහා කොමසාරිස් දොස්තර ක්රිස් නෝනිස්,හවුන්ස්ලෝ නගර සභා මන්ත්රී ජග්දීෂ් ශර්මා සහ ශීම මල්හෝත්රා ඇතුළු පාර්ලිමේන්තු මන්ත්රී වරුන් නගර සභා මන්ත්රී වරුන් සහ නගරාධිපති වරුන් කිහිප දෙනකුම සහභාගී වන බවද නිවේදනය කර ඇත.
මෙම උත්සවයේ වැඩකටයුතු සාර්ථක කරගැනීමට උදව්කල ජන හඬ පදනමේ කාරක සභාවට සහ සියලුම සාමාජිකයින් හටත් හිත මිත්ර සියලුම දෙනාටත් ස්තුතිය පුදකරන බව ශ්රී ලාල් ඩයස් පවසයි.
රුසියාව සමඟ යුද්ධය අවසන් කිරීමට ඔන්න මෙන්න යැයි යුක්රේන ජනාධිපති ව්ලොදිමීර් සෙලෙන්ස්කී පවසයි.
ලෝකය යහපත් තැනක් කළ හැක්කේ, සාමය පවතින්නේ නම් පමණක් බවත්, යුද ගැටුම්වලින් එය කළ නොහැකි බවත්, ඉන්දීය අග්රාමාත්ය නරේන්ද්ර මෝදි පෙන්වා දෙයි.
උතුරු පළාත් අාණ්ඩුකාර පි. එස්. එම් චාර්ල්ස් මහත්මිය සිය ධූරයෙන් අද (23) ඉල්ලා අස්විය.
ඉදිරි දේශපාලන කටයුතු වෙනුවෙන් විපක්ෂයේ පොදු සන්ධානයක් පිහිටුවීම සඳහා සමගි ජන බලවේගය සමඟ සාකච්ඡා අරඹන්නැයි එක්සත් ජාතික පක්ෂ නායක හිටපු ජනාධිපති රනි
සමගි ජන සන්ධානයේ ප්රතිපත්ති පිළිගත හැකි සියලු දෙනාට ඉදිරි මැතිවරණ වෙනුවෙන් දොරටු විවෘත කරන බව විපක්ෂයේ ප්රධාන සංවිධායක පාර්ලිමේන්තු මන්ත්රී ලක්
කුඩාවැල්ල ධීවර වරායෙන් තනි දවසේ ධීවර රැකියාව කිරීමට ධීවරයින් තිදෙනකු සමග ඉකුත් 21 දා දහවල් 1.30 ට පමණ මුහුදු ගිය ධීවර යාත්රාවක් මේ දක්වා ගොඩබිමට නොපැමිණ
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
හැබෑම සිංහල දෙමළ අවුරුද්දක් ලන්ඩනයේ