(ඉන්දිකා  රාමනායක)

නදුන් චින්තක හෙවත් හරක් කටා නමැත්තාට උප පොලිස් පරික්ෂවරයකුගේ ගිනි අවිය උදුරාගෙන  අපරාධ පරීක්ෂණ දෙපාර්තමේන්තුවෙන්  පලායාම උත්සහ කිරීම  සදහා  උපකාර කළ බව කියන  සැකකාර කොස්තාපල්වරයා  සිද්ධිය  වීමට පෙර විදේශ ගත වීම සදහා විදේශ ගමන් බලපත්‍ර බව සකස් කර තිබී ඇති බව අපරාධ පරීක්ෂණ දෙපාර්තමේන්තු ආරංචි මාර්ග පවසයි.

රවිදු සංදිප ගුණසේකර (97402) නමැති මෙම කොස්තාපල්වරයා ඉකුත් අගෝස්තු 21 දින මෙම  විදේශ ගමන් බලපත්‍රය සකස් කර ඇති බවත් ඔහු කුමණ රටකට පලා යාමට  සිටියේ ද යන්න මෙතෙක් තහවුරු වී නොමැත.

මෙම සිද්ධියෙන් පසු ඉකුත් 10 දින දහවල් සිට මෙම කොස්තාපල්වරයා අපරාධ පරික්ෂණ දෙපාර්තමේන්තුවෙන් පලා ගොස්   අතුරුදන්ව ඇති බවද  එම ආරංචි මාර්ග පවසයි.

මෙම සැකකරු   පලා යන අවස්ථාවේ ඔහුගේ ජංගම දුරකතන දමා  වෙනත් කොස්තාපල්වරයකුගේ      ජංගම දුරකතනයක් රැගෙන පලා ගොස්  ඇති අතර,  සිද්ධිය   වු දින  පස්වරුවේ අවස්වරට  ඔහු කඩවත ප්‍රදේශයේ  සිට ඇති බවට  දුරකතන කුළුණු මගින් පොලිසිය තහවුරු කරගෙන ඇත.

පලාගිය කොස්තාපල්වරයා පදිංචි ත්‍රිකුණාමලය  නිවසට අපරාධ පරීක්ෂණ දෙපාර්තමේන්තු නිලධාරීන් ගොස් ඔහුගේ  පවුලේ ඥාතීන්ගෙන් හා  ඔහුගේ පෙම්වතිය බව කියන පොලිස් කොස්තාපල්වරියකගෙන්  ද ප්‍රකාශ සටහන් කරගත් බවද අපරාධ පරීක්ෂණ දෙපාර්තමේන්තු ආරංචි මාර්ග පවසයි.

සැකකාර කොස්තාපල්වරයාට අමතරව හරක් කටාට අපරාධ පරික්ෂණ දෙපාර්තමේන්තුවේ තවත්  පිරිසකගේ සහයක් ලැබී ඇති බවට සැකකරන බවත්,  ඔවුන් හදුනා ගැනීම සදහා විමර්ශන කණ්ඩායම් පැති කිහිපයක් ඔස්සේ විමර්ශනය ආරම්භ කර ඇති බද පොලිස් ආරංචි මාර්ග පවසයි.

ප්‍රශ්න කිරීම සදහා හරක් කටා අපරාධ පරීක්ෂණ දෙපාර්තමේන්තුවේ විශේෂ  ඒකකයක් වන   මහජන පැමිණිලි විමර්ශන වෙත ඉකුත් (10) දහවල් 12.30 ට පමණ රැගෙන  විත් තිබියදී  මෙම සිද්ධිය සිදුව ඇත.

සැකකරු වැසිකිලියට යාමට අවශ්‍ය බවට පවසා වැසිකිලි යාමෙන් පසුව එම ස්ථානයට පැමිණ එකවරම  එහි  ආරක්ෂාවට  විශේෂ කාර්ය බලකායේ උප පොලිස් පරීක්ෂකවරයකු සමග පොරබදා  එම උප පොලිස් පරීක්ෂකවරයාට අතට මාංජු දැමීමට උත්සහ කර ඔහු බාරයෙ තිබු  පිස්තෝලයක්   උදුරා ගැනීමට තැත් කිරීමේ   එම උප පොලිස පරීක්ෂකවරයා මහත් පරිශ්‍රමයක් යොද  ඔහුගේ උත්සහ වලක්වා ගෙන ඇත.
 
 මෙම උප පොලිස් පරික්ෂකවරයා    කළුබෝවිල කඳුවරේ රාජකාරි    කරමින් සියි  වයස අවුරුදු 53 පමණ  පුද්ගලයකු බවත්,  ඔහු දිවි පරදුවට තබා හරක් කටා   සමග පොර බදා    සැකකරුගේ උත්සහ  වලක්වා නොගත්තේ තත්ත්වය දරුණු වන්නට ඉඩ තිබු බවද පොලිස් ආරංචි මාර්ග පවසයි.

සිද්ධියෙන් පසුව පලාගිය කොස්තාපල්  පැන ගියේ කෙසේ ද යන්න  මෙතෙක හෙළිව නොමැති අතර,   ඔහු පලා යන්නට අපරාධ පරික්ෂණ දෙපාර්තමේන්තුව ආසන්න කිසියම්  වාහනයක් තිබු බවට   නිලධාරින් සැකකරයි.
 
සැකකරුගෙන් ප්‍රකාශ සටහන් කර ගැනීම සදහා  පැමිණ සිටි   අපරාධ පරීක්ෂණ දෙපාර්තමේන්තුවේ කාන්තා පොලිස් කොස්තාපල්වරියක් ඇතුලු 8  දෙනෙකුගෙන් සමන්විත කණ්ඩායමෙන් ද සිද්ධිය අදාලව ප්‍රකාශ සටහන් කරගෙන ඇත.

 හරක් කටා සමග පොර  බැදීමෙන්  තුවාල ලැබු  ඔහු පොලිස් රෝහලේ ප්‍රතිකාර ලබමින් පසුවේ.