වසර දෙකකට පමණ පෙර වැලිකඩ බන්ධනාගාරයේ සිදුවීයැයි කියන කැරැල්ල කිසිවකුගේ උවමනාවට ඇතිකරගත්තක් බව ද, කැරැල්ල සමතයකට පත් කළ පසු බන්ධනාගාරයට ආ ආරක්ෂක අංශයකට සම්බන්ධ පිරිසක් සිරකරුවන් රැසක් වෙඩි තබා මරා දැමූ බව ද, වත්මන් රජය යටතේ සාධාරණ විමර්ශනයක් පවත්වන්නේ නම් සාක්කි ඉදිරිපත් කළ හැකි බව ද නීතීඥ උදුල් ප්රේමරත්න මහතා අද (20) පැවැති මාධ්ය හමුවක දී කීවේය.
2012 නොවැම්බර 09 වැනි දා එම කැරැල්ල අතරතුර දී 28 දෙනකු මිය ගිය බව ආරක්ෂක අංශ ඒ දිනවල කීවේය.
සිද්ධිය වී දින කිහිපයක් ඇතුළත මේ ගැන සේවීමට කමිටුවක් පත් කළ බව එවකට පැවති රජයෙන් කීවද මෙතෙක් එම කොමිසමෙන් කළ දෙයක් ගැන දැනගන්නට නැතැයි ද නීතීඥ ප්රේමරත්න මහතා පැවසීය.
‘සාමාන්යයෙන් සිර මැදිරි පරීක්ෂා කරන්නේ සිරකරුවන් රඳවා සිටියදී. බන්ධනාගාරය ආයුධ ගෙන යෑම තහනම්. නමුත් මේ සිද්ධිය වූ දිනයේ සිරකරුවන් වැඩවලට ගිය අවස්ථාවේ තමයි ආයුධ අතැතිව විශේෂ කාර්ය බළකාය ආවේ.
ඔවුන් ආවේ මහේස්ත්රාත් අධිකරණයෙන් ලබා ගත් සෝදිසි වරෙන්තුවක් නැතිව. සිරකරුවන් රැසක් එළියේ සිටිය දී සමහර වාට්ටුවල හිටපු සිරකරුවන්ට හිංසා කළා. ඒ ගැන එළියේ සිටි සිරකරුවන් කලබල වුණා.
මේ සිද්ධිය නිමාවට පත් වුණායින් පස්සේ බන්ධනාගාරයේ පාලනය බන්ධනාගාර නිලධාරීන්ට බාර දුන්නේ නෑ. රාත්රී 12ට විතර ආරක්ෂක අංශයකට සම්බන්ධ එක්තරා නිලධාරියකු පැමිණ කොළයක් බලමින් එහි ඇති නම් සෙව්වා. ඉන් පසු ඔවුන්ට වෙඩි තබා මරා දැම්මා.
මේ මරා දැමූවන් අතර ඉන්නවා කෝට්ටේ හිමිනමක් ඝාතනය කළැයි සැකපිට සිටි මංජු ශ්රී කියන පුද්ගලයා. ඔහු කඩුවක් සොයන්න තමයි එම විහාරස්ථානයට ගිහින් තිබුණේ. කටුගෙයි කඩුවත් නැතිවුණා. කඩු කාටද ඕනෑ කර තිබුණේ කියන එක බොහෝ දෙනෙකු දන්නවා.
මේ සැකකරු ඊට දින කිහිපයකට පසු නඩු වාරයේ දී තමන් කඩුව සොයන්න ගියේ කාටද කියා විශේෂ ප්රකාශයක් කරන්න නියමිතව තිබුණා. අන්න ඒ නිසා ඔහු මරා දමන්නට ඇතැයි සැක කරනවා.
තවත් රැඳවියන් බොහෝ දෙනකු අඩුයි. ඔවුන්ට කුමක් සිදුවීද කියා තවම දන්නේ නැහැ. මේ සම්බන්ධයෙන් ඕනෑතරම් සාක්කි තිබෙනවා. සාධාරණ විමර්ශනයක් පවත්වන්නේ නම් ඒවා ඉදිරිපත් කළ හැකියි.‘
රාවය පුවත්පතේ මාධ්යවේදියකු ලෙස කටයුතු කළ කසුන් පුස්සවෙල -
‘මා රාවය පුවත්පතේ මාධ්යවේදියකු ලෙස කටයුතු කරද්දී මේ සිද්ධිය දිගින් දිගටම වාර්තා කළා. සිරකරුවන් ලැයිස්තු ගත කර මරා දැමූ බව පළ කළා. ඒවා වැරදි නම් නිවැරදි කිරීමක් එවන්න ඕනෑ. අද වෙනතුරු පැහැදිලි කිරීමක්වත් එව්වේ නැත්තේ මේවා සත්ය තොරතුරු නිසයි.‘
ශ්රී ලංකාවේ බ්රිතාන්ය මහ කොමසාරිස් ඇන්ඩෲ පැට්රික් මහතා (Andrew Patrick) අද (02) ජනාධිපති කාර්යාලයේ දී ජනාධිපති අනුර කුමාර දිසානායක මහතා හමු විය.
ඉදිරි මහ මැතිවරණයට ගෑස් සිලින්ඩරය හෝ අලියා ලකුණු දෙකෙන් එකක් තෝරා ගෙන තරඟ කිරීම සඳහා එක්සත් ජාතික පක්ෂ කෘත්යාධිකාරී මණ්ඩලයේදී එකඟතාවයකට පැමිණි බව එ
බීමතින් පැමිණ පොලිස් කොස්තාපල් බිරියට පහරදී මාමණ්ඩියගේ නිවෙසට ගොස් දේපොළවලට හානි කළ බව කියන උඩමළුව පොලිසියට අනුයුක්ත කොස්තාපල්වරයකු අත්අඩංගුවට ගත්
ශ්රී ලංකා පොදුජන පෙරමුණේ හිටපු පාර්ලිමේන්තු මන්ත්රීවරු වන ප්රබල අමාත්ය ධූර දැරූ මහාචාර්ය චන්න ජයසුමන, රොෂාන් රණසිංහ සහ මිලාන් ජයතිලක යන මහත්වරු
තම මිතුරාගේ පෙම්වතිය හමුවීමට මිතුරා සමඟ ඇයගේ ගමට ගිය පාසල් සිසුවෙකුට කිසියම් පිරිසක් පහරදීමෙන් එම සිසුවා මරණයට පත්ව ඇතැයි මාතලේ මහවෙල පොලිසිය පවසය
මෙවර මහකන්නය සඳහා ජලය නිකුත් කිරීම ලබන15වැනිදා සිට සිදු කරන බව කෘෂිකාර්ම අමාත්යංශය පවසයි
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
හිරේ ඝාතනය ගැන පරීක්ෂණයක් ඉල්ලයි
ඇසළ Tuesday, 20 January 2015 01:43 PM
මේක හොයන්නම ඕනෑ... (නි)
රොෂාන් Wednesday, 21 January 2015 04:40 AM
හිරකාරයින් යනුද මිනිසුන්ය. ඇත්ත ඇති සැටියෙන් දකින්න (නි)
යහපාල Wednesday, 21 January 2015 05:41 AM
මොවුන් බිහිසුණු අමානුෂික අපරාද වලට වරද කරුවන් වෙලා මරණ දඩුවම නියම වුණු අය...ක්රියාත්මක නොවන මරණ දඬුවමකට පින් සිද්ධ වෙන්න ඔවුන් අපේ බදුමුදල් වලින් කාල බිල තර වෙලා තෙල්මන්ද මෝරල බන්ධනාගාරේ පාලනෙත් ගන්න හදන කොට ආයුධ ගබඩා කඩල අවි ආයුධ අතට අරන් යකා නටන කොට දෝතට අරන් නලවන්නද එතකොට ඉදුල් මහත්තය කියන්නේ.මොන අකාරයකින් හරි ඔවුන් මරණ දඩුවමට යටත් වීම අපිට සතුටක්..මුන් අතින් මරුම්කාපු අහිංසකයින්ගේ, දුෂණය වෙලා මැරුම් කාපු අහිංසක යුවතියන්ගේ මානව හිමිකම් ගැනත් ටිකක් හොයන්නකො මහත්තයෝ අපේ ලේ පුච්චන්නේ නැතුව.(අ)
හේමන්ත Tuesday, 20 January 2015 07:14 PM
මොනවා උනත් කාටවත් කරදර නොකර හිරේට වෙලා හිටිය අසරණ අහිංසකයෝ ටික මරපු එක මහා අපරාදයක්. මේ ගැන හොයන්න ඉදිරිපත් උන මහත්වරුන්ට ගොඩක් පින්. (නදී)