​

මෙම වසරේ ඉදිරි කාලසීමාවේ හොලිවුඩයේ  එළිදැක්වීමට නියමිත චිත්‍රපට සංඛ්‍යාව 193කි. මෙහි සෑම චිත්‍රපටයක් සඳහාම සරාගී තරුවක් ඒවායෙහි නිර්මාණකරුවන් විසින් උපයෝගී කරගන්නේ එම චිත්‍රපටයේ මුදල්මය පැතිකඩට වඩා ඒ සඳහා ඇති ප්‍රේක්ෂක ආකර්ෂණය වැඩි කර ගැනීමටයි. එමෙන්ම පසුගිය වසරට සාපේක්ෂව මෙම වසරේ එළිදැක්වීමට නියමිත චිත්‍රපට සංඛ්‍යාව අඩු අගයක් ගන්නා බව වාර්තා වෙයි.

කෙසේ නමුත් මැයි මාසය වන තෙක් චිත්‍රපට අතරින් වඩාත් ආකර්ෂණය ගෙන ඇති සුරූපිනිය වන්නේ චෝලේ ග්‍රේස් මොරෙට්ස් (Chloe Grace Moretz) ය.  ඇමෙරිකානු නිරූපණ ශිල්පිනියක වන ඇය ඇය ක්ෂේත්‍රයට පිවිසෙන්නේ ළමා නිළියක වශයෙනි.

මේ වනවිට අවුරුදු 19 වියෙහි පසුවන ඇය ක්ෂේත්‍රය තුළ රංගනයෙන් දායක වී ඇති චිත්‍රපට සංඛ්‍යාව 48කි. මෙම වර්ෂයේදී පමණක් චිත්‍රපට 4ක් සඳහා ඇයට රංගන වරම් හිමිව තිබේ. වැඩිවශයෙන් හාස්‍ය චිත්‍රපට සඳහා රංගනයෙන් දායකත්වය ලබාදී ඇති අතර, මෙම වර්ෂයේදී පමණක් ක්‍රියාදාම චිත්‍රපටක් සඳහා රංගනයෙන් දායක වෙයි. ඇය රංගනයෙන් දායක වූ The 5th Wave චිත්‍රපටය බොක්ස් ඔෆිස් වාර්තා අතරටද පැමිණියේය.

ඩිලාන් ක්‍රිෂාන්ත