හීලෑ අලින්ගෙන් වැඩ ගැනීමේ දී කොටන් ඇදීම ඇතුළු බර වැඩවලට යෙදවීම වළක්වාලමින් දැඩි නීති ගෙන ඒමට කැබනට් අනුමැතිය ලැබී ඇතැයි වනජීවී අමාත්ය ගාමිණී ජයවික්රම පෙරේරා මහතා පවසයි.
හීලෑ අලිනට සිදුවන හානි වැළැක්වීම එහි අරමුණවී තිබේ. බුදු දහමට අනුකූලව එසේ අලි හිමිකරුවන්ට නව නීති රෙගුලාසි සහ දැඩි කොන්දේසි පැනවීමට පියවරගෙන ඇත.
මේ සතුන් නීතියෙන් ආරක්ෂා කළද ඇතැම් සත්ත්ව හිමිකරුවන්ගෙන් උනුනට හිංසා සිදුවන බව කියති.
එම නව නීති අනුව වයස අවුරුදු 10ට අඩු අලින් වැඩට යොදා ගැනීමත් අවුරුදු 5ට අඩු අලි පැටවුන් හා මවු ඇතින්නියන් පෙරහරවල් සඳහා යොදා ගැනීම සපුරා තහනම් වේ.
ඔවුන් රැක බලා ගැනීමේ දී ද අනුගමනය කළ යුතු නව කොන්දේසි 41ක් යෝජනා කැර ඇති අතර දිනපතා ආහාරයට සතුන්ට නැවුම් පළතුරු, කොළ හා එළවළු ලබාදීම ද ඊට අයත්වේ.
හිමිකරුවන් විසින් දිනපතා අලින් කිලෝ මීටර් 5කට නොඅඩු දුර ප්රමාණයක් ඇවිද්දවීම ද සතුන්ට දෛනිකව පැය දෙක හමාරක් නෑමේ අවස්ථාව ද ලබා දිය යුතුය. අලි ඇතුන් චිත්රපට නිෂ්පාදන කටයුතුවලදී යොදාගැනීම සම්බන්ධයෙන් ද කොන්දේසි පැනවීමට බලාපොරොත්තුවන බව වනජීවී ඇමැතිවරයා කීය.
කැමරා ඉදිරියේ අලි ඇතුන් ගැටුමට යොමු කිරීම, ප්රබල ආලෝක ධාරා යොමු කිරීම ඔවුන් අසල ගිනිකෙළි දැල්වීම ආදිය තහනම්වේ.
මෙම නීති කඩකරන අලි හිමිකරුවන්ගේ හිමිකම් බලපත් අහෝසි කිරීමටත් තුන් අවුරුදු සිර දඬුවමකට යටත් කිරීමටත් කටයුතු යොදා ඇත. පසුගිය සමයේ 40කට වැඩි අලි ඇතුන් ප්රමාණයක් ජාතික වනෝද්යානවලින් සොරකම් කරගෙන ගොස් සුරතලයට ඇති කරන බවට තොරතුරු වාර්තා විය. ආසියාවේ අලි ඇතුන් සම්බන්ධ විශේෂඥයකු වන ජයන්ත ජයවර්ධන මහතා කියා සිටියේ නව නීති රෙගුලාසි කැමැත්තෙන් බාරගන්නා බවයි.
‘මෙම නීති රෙගුලාසි නිවැරදි තීරණයක්. නමුත් එක් එක් සතුන්ට ලබාදෙන ආහාරවල තත්ත්වය හා ප්රමාණය ආදී දේ සම්බන්ධයෙන් ඒක ගැටලුවක් විය හැකියි.‘ යැයි ඔහු පැවසීය.
2024 ඉදිරි මහ මැතිවරණයට ඉදිරිපත්වන සියලු අපේක්ෂකයන්ගේ නම් හෙට (12) ලංකාදීප පුවත්පතේ පළ කෙරේ .
දින කිහිපයක සිට පවතින අධික වර්ෂාව හේතුවෙන් අත්තනගලු ඔයෙහි ජල මට්ටම මහ ගංවතුර මට්ටමකට පත්ව ඇති බව ගම්පහ දිස්ත්රික් ආපදා කළමනාකරණ නියෝජ්ය අධ්යක්ෂ
පුත්තලම දිස්ත්රික්කයෙන් මෙවර පිළිගත් දේශපාලන පක්ෂ 24 ක් හා ස්වාධීන කණ්ඩායම් 15 ක අපේක්ෂකයන් 429 දෙනෙක් තරග බිමට එක්ව සිටිති.
මෙවර මහ මැතිවරණය සදහා මාතලේ දිස්ත්රික්කයෙන් පිළිගත් දේශපාලන පක්ෂ 17ක් සහ ස්වාධීන කණ්ඩායම් 07ක් සමග නාම යෝජනා පත්ර 24ක් ලැබුණූ බවත් ඉන් එක් පිළිගත් දේශප
2024 මහ මැතිවරණය සදහා පිලිගත් දේශපාලන පක්ෂ 20 කින් සහ ස්වාධින කණ්ඩායම් 15 කින් නාම යෝජනා පත්ර ඉදිරිපත් කළ බව නුවරඑලිය දිස්ත්රික් තේරිම්භාර නිලධාරි නන්දන
වන්නි මැතිවරණ කොට්ඨාසය සඳහා පිළිගත් පක්ෂ සහ ස්වාධීන කණ්ඩායම් 47 තරඟ කිරීම සඳහා සුදුසුකම් ලබා අැතැයි වන්නි මැතිවරණ කොට්ඨාස තේරීම්භාර නිළධාරි පි.ඒ.සරත්
ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප්රධාන අංගයකි. වාහනයක් කරදර වලින් තොරව සිත්සේ භාවිත කර
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
හීලෑ අලි ඇතුන් රකින්න නව නීති
සෑම් Thursday, 24 November 2016 09:43 AM
එතකොට අර සංචාරකයින් පිට මත රැගෙන යන අලින් ගැන අමතක වෙලාද ?? අමතක කරලද ?? (බ)
පිටබැද්දර Thursday, 24 November 2016 10:56 AM
බොහොම හොඳ නීති පද්ධතියක් ජයවේවා (ම)
බණ්ඩාර Thursday, 24 November 2016 11:29 AM
මෙතුමා නේද අලින්ට හදපු කිරිබත් කාලා තිබුනේ...(බ)
කුමාර් Thursday, 24 November 2016 12:36 PM
නීතිය ක්රියාත්මක වුනොත් මේක හොඳ වැඩක්. (හේ)