‘ෆොක්ස්හීල්‘ තරඟයේදී කාරයක් පෙරළී හතක් මරුට

(පාලිත නානායක්කාර, ප්‍රසන්න පද්මසිරි,ප්‍රසාද් රුක්මල් සහ ළහිරු හර්ෂණ)

දියතලාව නරියාකන්ද , "ෆොක්ස්හිල්" මෝටර් රථ හා යතුරුපැදි ධාවන තරඟය අද (21) පැවති අතර මෝටර් රථ ධාවන තරගයක් පැවැත්වෙන අතරවාරයේදී එක් මෝටර් රථයක් ධාවන පථයෙන් ඉවතටපැනීමෙන් සිදුවූ අනතුරකින් තරඟය නරඹමින් සිටි පුද්ගලයින් හත් දෙනෙකු මියගොස් ඇතැයි පොලීසිය කියයි.

අනතුරින් තවත් 19 දෙනකු පමණ තුවාල ලබා දියතලාව මූලික රෝහලට ඇතුලත් කළ බව දියතලාව පොලීසිය පැවසීය.

එක් මෝටර් රථයක් අනතුරට ලක්වීමෙන් පසු එය නැරඹීමට ඉදිරියට පැමිණි පිරිසක් පසු පසින් ධාවනය වූ තවත් මෝටර් රථයක හැපී මෙම අනතුර සිදුවූ බවට තොරතුරු අනාවරණය විනැයි පොලිසිය පැවසීය.

ඡායාරූප සමන්පාලිත නානායක්කා, ප්‍රසාද් රුක්මල්, ලුණුගල ප්‍රසන්න පද්මසිරි

අදහස් (21)

‘ෆොක්ස්හීල්‘ තරඟයේදී කාරයක් පෙරළී හතක් මරුට

විහඟ පෙරේරා Sunday, 21 April 2024 04:26 PM

ආතල් ගන්න ගිහින් මැරෙන අය ඉන්න රටවල් අතරට ලංකාවත් ටිකෙන් ටික හරි එකතුවෙනවා. නාන්න ගිහින් සතියකට එක්කෙනෙක් හරි මැරෙනවා. ඒ අස්සේ මෙව්වා. අයියෝ සල්ලි...

: 6 67

MalMonday, 22 April 2024 04:50 AM

සිංහල අලුත් අවුරුදු උත්සවය වෙනුවෙන් සංවිධානය කර තිබූ ගම හරහා දිවීමේ (මැරතන්) ධාවන තරගයට සහභාගී වී සිටි දාහත් හැවිරිදි ක්‍රීඩකයකු අද 21 වැනිදා හදිසියේ රෝගාතුර වී ඇද වැටී මිය ගිය බව පොලිසිය පවසයි

: 0 1

සමිත සේනක අලුත්ගමගේ. Sunday, 21 April 2024 04:30 PM

මේ තරඟ පැවැත්වීමේදී පිට රටවල හොඳින් පාරවල් නොලිස්සන සේ තාර දමා සකස් කොට තිබෙනවා.මෙසේ කඳු කපා ලිස්සන මැටි ගොඩවල් මත 120 ක වැනි වේගයකින් යුතුව තරඟ පැවැත්වීමෙන් ලිස්සා අනතුරු සිදුවීම පුදුමයක් නොවේ. සත්‍ය මෙය නොවේද ?

: 57 79

රනේSunday, 21 April 2024 05:20 PM

නෑ.. තන්හාව සහ ආශාව.. තමයි හේතුව...

: 3 33

Prabha Sunday, 21 April 2024 05:23 PM

මේක රැළි රේස් එකක්...

: 1 27

sachithSunday, 21 April 2024 07:52 PM

විදේශයන්ගේ වුණත් මේ වගේ තරග තියෙනවා. මේ වගේ අනතුරුත් වෙනවා. හැබැයි ඒවාවලදී ගොඩක්ම ආරක්ෂක ක්‍රියාමාර්ග තිබෙනවා. ඒකෙන් වන විනාශය අඩුයි.

: 0 1

පිටිගල මිලානෝ Sunday, 21 April 2024 04:44 PM

බෝම්බයක් පිපිරුණාම දුවන්නේ නැතුව ඒක නරඹන්න එන අපේ මිනිස්සු කවදා හැදෙයිද…?

: 3 71

සල්ගාදුSunday, 21 April 2024 06:20 PM

පිටිගල වීඩියෝ එක බලලා නෑ වගේ. කට කතාවලට රැවටෙන්න එපා...

: 4 8

Kasthuri Sunday, 21 April 2024 04:49 PM

කළින් සංවිධානය කරපු අයගේ මොකක්හරි ප්‍රශ්නයක් වුණා නම් ඉඳලා ඉවරයි.

: 4 17

pakeer Sunday, 21 April 2024 06:14 PM

මමත් යන්න හිටියේ බලන්න... මට මිස් වුණා. ලංකාවේ ඉන්න මිනිස්සු හුඟාක් හරිම නූගත්. එයාලට මේවගේ දේවල් නරඹන්න තරම් මොලයක් නැහැ. අපි ඉන්නේ තාම වැද්දෝ වගේ...

: 0 0

Lakruwan Sunday, 21 April 2024 07:34 PM

මියයෑම් වලට හේතුව "ට්‍රැක්ලන්තේ" මිනිසුන්ගේ තවත් මෝඩ ක්‍රියාවක් බව පැහැදිලියි..

: 1 25

Buddika Sunday, 21 April 2024 07:40 PM

ඉතාම කණගාටුදායක සිද්ධියක්... මියගිය සියලු දෙනාට නිවන් සුවය ලැබේවා... මේක ලන්කාවේ ජාතියේ වැරැද්දක්. මොකක් හරි වුණාම අනතුර ගැන හිතලා පස්සට වෙලා ආරක්ෂක පියවර නොගෙන ඒක නරඹන්න යනවා. සුනාමියෙන් වැඩි දෙනෙක් මියගිටේ ආපස්සට ගිය මුහුද නරඹන්න ගිහින්. මනුස්සයෙකුට කරදරයක් වුණාමත් ඒකාව බේරාගන්න කලින් කරන්නෙ වීඩියෝ කරන එක. ඒ වගේ ආතල් ගන්න එවුන් නිසා තමයි මේවා වෙන්නේ...!

: 2 33

Nandana Sunday, 21 April 2024 09:00 PM

මීට වඩා ආරක්ෂාව ගැන හිතන්න තිබුණා...

: 0 1

Malan Sunday, 21 April 2024 09:13 PM

මමත් බැලුවා ගොඩක් ඈතින් හිටියේ... පයින්ස් ගහක් යට ඉඳගෙන, දුරට පෙනුණා ඇම්බියුලන්ස් ආවා සයිරන් දාගෙන ගියා. ඇම්බියුලන්ස් දෙක තුනක් ආව නිසා මම හිතුවා රේස් එක පැදපු කෙනා විතරක් නොවේ ගොඩක් අයට තුවාල වෙලා ඇති කියලා. මට දැනුණු විදියට ඇම්බියුලන්ස් එන්න වෙලාව ගියා... හේතුව රේස් එක නවත්වන්න එපැයි.., මොනවා කරන්නත්. මම මේකේ දැක්ක දෙයක් තමයි ගොඩාක් අයට රේස් එක බලන්න එච්චර ගානක් නෑ, එයාලට පොඩි ෆන් එකක් ගන්න මේක අවස්තාවක් විතරයි, සින්දු කියනවා බෙර ගහනවා බියර් බොනවා, අයිස් ක්‍රීම් කනවා... ෆුල් ෆන්.. ඒක එහෙම තමයි. ඇතුලේ හිටපු ගොඩක් අය අනතුර ගැන දන්නේ නෑ, ස්පිකර් එක දෝංකාර දෙනවා කඳු නිසා කියන දෙයක් තෙරෙන්නේ නෑ. හැමෝම වගේ අනතුර වෙලත් පැයක් විතර හිටියා... ඊළඟ රේස් එක පටන් ගන්නකම්. තව කතා ගොඩයි... පස්සේ ලියමු.

: 0 0

දම්මික Sunday, 21 April 2024 10:08 PM

වේගය මරු කැඳවයි.. ආසා දෙයක් හොඳට කන්න, බොන්න, අඳින්න නැති පස්ස වේලෙන අයගේ ලාමක ආසාවන් නිසා නිකරුණේ නැතිවෙන මෝඩ ජීවිත.. මට නම් දුක අර අවුරුදු 8 පොඩි දුව ගැන විතරයි.

: 0 0

pradeep Sunday, 21 April 2024 10:37 PM

පාස්කු ප්‍රහාරයෙන් මිනිස්සු 260 ක් මැරිලා අවුරුදු 5ක් වෙන දවසේ මේ වගේ දේවල් සංවිධානය කරපු එකත් වැරැදි වැඩක් නේද? විශේෂයෙන්ම හමුදාව වගේ ආයතනයක් මීට වඩා කල්පනා කළ යුතුයි.

: 0 1

lakvidu Sunday, 21 April 2024 10:40 PM

ජාත්‍යන්තරව සම්මත තත්ත්වයින්ට දැඩිසේ යටත්ව පමණක් මෙවන් තරග සහ ජලාශ්‍රිත ක්‍රියාකාරකම් වලට අවසරදීම රජයේ බලවත් වගකීමක්. උදාහරණයක් ලෙස බටහිර රටවල සහ ඕස්ට්‍රේලියාවේ, ළමයකු ආරක්ශිත හෙල්මටයක්, ආරක්ශිත පාවහන් නොමැතිව අඩුම තරමේ පාපැදියක්වත් පැද ගියොත් දෙමව්පියන්ට විරුද්ධව නීතිමය ක්‍රියාමාර්ග ගන්නවා. ඔබට මතක ඇති වරක් එංගලන්තයේ අගමැති, ආරක්ෂිත ඇඳුම් නොමැතිව තමාගේ බෝට්ටුව පැද නීතියෙන් දඩුවම් කළා...

: 0 2

pakeer Sunday, 21 April 2024 11:55 PM

මෙච්චර යන්න එපා කියද්දීද යැව්වේ? අනේ පව්...!

: 0 0

නිහාල් Monday, 22 April 2024 06:25 AM

ඉතා දුර්වල ආරක්ෂක විධි යටතේ තරගයක් පවත්වා මිනීමැරීම් සිදුකිරීමක්. වගකිව යුතු සංවිදායකයින්ට උසාවියේ නඩු පැවරිය යුතුයි.

: 0 2

Perera Monday, 22 April 2024 06:55 AM

ඉතාමත් අනාරක්ෂිත ධාවන පථයක්.. නරඹන්නන් සහ අධික වේගයෙන් ධාවනය වෙන මෝටර් රථ වෙන්වෙලා තියෙන්නේ පස් ගොඩකින් පමණයි...

: 0 1

මලිත් Monday, 22 April 2024 10:01 AM

මේක අද ඊයේ පවත්වන තරඟයක් නෙවෙයි. මෙච්චරකල් ඔහොම දේවල් නොවුන බැවින් වැඩිදෙනෙක් දන්නේවත් නැහැ ඕක ගැන. ඔහොම තමයි හැම එකකම හොඳ නරක තියෙනවා. මේ තරඟය කාපට් පාරක යන එකක් නෙවෙයි. අඩුපාඩු හදාගෙන ඉස්සරහට යමු එච්චරයි.

: 0 0