එක්සත් ජාතික පක්ෂ පාර්ලිමේන්තු මන්ත‍්‍රීවරයෙකු ලෙස ෆීල්ඩ් මාර්ෂල් සරත් ෆොන්සේකා මහතා පත් කිරීම අභියෝගයකට ලක් කරමින් ගොනු කල රිට් පෙත්සම සලකා බැලීම මැයි 24 වැනිදා තෙක් කල් දැමීමට ශ්‍රේෂ්ඨාධිකරණය අද (27) තීන්දු කළේය.

මෙහි වගඋත්තරකරුවෙකු වන එක්සත් ජාතික පක්ෂයේ මහලේකම් කබීර් හෂීම් මහතා වෙත නොතීසි දන්වා යවන ලෙසද අධිකරණය පෙත්සම්කාර පාර්ශවයට දැනුම් දුන්නේය.

ප‍්‍රියසාත් ඩෙප්, උපාලි අබේරත්න සහ ප‍්‍රියන්ත ජයවර්ධන යන මහත්වරුන්ගේන යුතු ත‍්‍රිපුද්ගල විනිසුරු මඩුල්ල හමුවේ මෙම පෙත්සම කැඳවිණි.

එක්සත් ජාතික පක්ෂ සාමාජිකයෙක් නොවන සරත් ෆොන්සේකා මහතාට එම පක්ෂයේ මන්ත‍්‍රීවරයෙකු ලෙස පත්වීම සහ කටයුතු කිරීමට කිසිදු අයිතියක් නොමැති බවට ප‍්‍රකාශ කරන ලෙසද මෙම පෙත්සම මඟින් ඉල්ලා තිබේ.