(අමිල චින්තක ගම‌ගේ)

ජනතාව කැප කිරීම් කළ යුතු යැයි වැදි බණ කියන මහ බැංකුව සිය වැටුප් අධික ලෙස ඉහළ දැමා ගනිමින් කකුලුවකු ලෙස හැසිරීම සම්බන්ධයෙන් ජාතියෙන් සමාව ගත යුතු යැයි පිවිතුරු හෙළ උරුමයේ නායක නීතිඥ උදය ගම්මන්පිල මහතා පවසයි.

මහ බැංකුව 90% කින් වැටුප් වැඩිකර ගැනීමක් කරගෙන වැඩි කලක් යන්නට කලින් නැවත වතාවක් 70%ක් වැටුප් වැඩි කර ගැනීමක් කිරීම අනුමත නොකරන බවද ගම්මන්පිල මහතා සඳහන් කරයි.

මහ බැංකුව වැටුප් වැඩි කර ගැනීම සාධාරණිකරනයට හේතු දෙකක් සඳහන් කරන බවත් එම හේතු දෙකට පදනම් විරහිත බවත් ගම්මන්පිල මහතා සඳහන් කරයි.