’’ වසරේ ශ්‍රී ලාංකිකයා’’ නන්දලාල්

(විමුක්ති එස් රුද්‍රිගු)

මෙරට ප්‍රමුඛතම ව්‍යපාරික සඟරාවක් වන "එල්.එම්.ඩී" සඟරාව 2024 වසර සඳහා " වසරේ ශ්‍රී ලාංකිකයා" ලෙස ශ්‍රී ලංකා මහ බැංකුවේ අධිපති ආචාර්ය නන්දලාල් වීරසිංහ මහතා නම්කර ඇත.

මහ බැංකු අධිපති ආචාර්ය නන්දලාල් වීරසිංහ මහතා වසරේ ශ්‍රී ලාංකිකයා ලෙස නම් කරමින් "එල්.එම්.ඩී" සඟරාව ප්‍රකාශ කර සිටියේ මෙරට දැඩි ලෙස කඩා වැටුණු ආර්ථිකය ගොඩ නැගීම ආරම්භ වීම මහ බැංකු අධිපතිවරයාගේ නායකත්වයෙන් සිදුවූ බවයි.

ශ්‍රී ලංකාව ඉදිරියේ ඇති අභියෝග පිළිබඳව ආචාර්ය නන්දලාල් වීරසිංහ මහතා යථාර්තවාදී වූ බවත් මෙරට ඇතිවූ ආර්ථික අර්බුදය ක්ෂණිකව විසඳිය නොහැකි යැයි ඔහු පිළිගත් බවත් "එල්.එම්.ඩී" සඟරාව පැවැසුවේය.

වීරසිංහ මහතා මෙරට ආර්ථික අර්බුදයේ සැබෑ ස්වරූපය ජනතාවට පහදා දුන් බවත් දුෂ්කරතා එම වසරේ දෙසැම්බර් මාසය තෙක් පවතිනු ඇතැයි ඔහු අවංකව අනාවැකි පළකළ බවත් "එල්.එම්.ඩී" සඟරාව ප්‍රකාශ කළේය. වීරසිංහ මහතා 2022 වසරේ අප්‍රේල් මස මහ බැංකු අධිපති ධුරයට පත්වන අවස්ථාවේ මෙරට උද්ධමනය සියයට 29.8 ක් වූ බවත් පසුව නොවැම්බර් මාසයේදී උද්ධමනය සියයට 61 දක්වා ඉහළ ගිය බවත් "එල්.එම්.ඩී" සඟරාව පැවැසුවේය. අනතුරුව 2023 වසරේදී නැවතත් පැසැසුමට ලක්කළ යුතු ආකාරයෙන් ක්‍රමිකව මෙරට උද්ධමනය තනි ඉලක්කමක් කරා පැමිණි බවද "එල්.එම්.ඩී" සඟරාව ප්‍රකාශ කළේය. ආචාර්ය වීරසිංහ මහතා ගත් දැඩි ප්‍රතිපත්තිමය තීරණ හේතුවෙන් මෙලෙස උද්ධමනය පහළ ගිය බවද "එල්.එම්.ඩී" සඟරාව පෙන්වා දුන්නේය.

"එල්.එම්.ඩී" සඟරාව 1995 වසරේ සිට "වසරේ ශ්‍රී ලාංකිකයා" සම්මානය ලබාදෙන අතර එය මේ වනවිට වසරේ විශිෂ්ඨතම සම්මාන අතරින් එකක් බවට පත්ව ඇත. මෙවර 30 වැනි වතාවට "වසරේ ශ්‍රී ලාංකිකයා" සම්මානය "එල්.එම්.ඩී" සඟරාව ලබා දුන්නේය.

අදහස් (13)

’’ වසරේ ශ්‍රී ලාංකිකයා’’ නන්දලාල්

පිටරටවැසියා Thursday, 02 January 2025 09:20 PM

එතකොට අර පළපුරුදු කාටවත්, මොකවත් නැතෙයි ?

: 7 30

truthThursday, 02 January 2025 11:16 PM

ඒ පලපුරුද්දෙන් තමයි, මේ පුටුවට සුදුස්සා මෙයා තම්‍යි කියලා සොයාගත්තේ...

: 2 10

පළපුරුදුFriday, 03 January 2025 10:03 AM

පළපුරුදු අයට මොකුත් දෙන්න විදිහක් නැත්තෙ L බෝඩ් කට්ටිය බලය ගත්තුගමං මෙතුමාව අයින්කරනව කිව්ව නිසා පිටරට කයිය තුමෝ.

: 5 6

Rohana Thursday, 02 January 2025 09:32 PM

ආණ්ඩුවේ පදේට නටන්න ගිහින් කබ්රාල් වගේම ලක්ෂ්මන් මහබැංකුවේ වැඩ අවුල් කිරීමෙන් රට ආර්ථික වශයෙන් පිරිහුණා. ඒ තත්වය දැන් තරමක් යහපත්වී පවතින්නේ වත්මත් අධිපතිතුමා විසින් ගනු ලැබූ ප්‍රතිපත්තිමය ක්‍රියාමාර්ග නිසයි...

: 5 8

Nisha Thursday, 02 January 2025 09:36 PM

අනුර කුමාර , හදුන්නෙත්ති එහෙම ආර්ථිකය විනාශ කරනවා කියලා දොස් කිව්වේ මෙයාට නේද..?

: 2 11

Bandula Thursday, 02 January 2025 11:43 PM

ඇයි එයාගේ මැජික් මෑන්

: 1 2

ලුම්බිණි Friday, 03 January 2025 06:07 AM

මොනවා කලාටද ?

: 10 2

Kazi Shajahan Friday, 03 January 2025 10:18 AM

කඩා වැටුන ආර්ථිකය ආපසු ගොඩගියේ අපේ රටේ ඉන්න අහිංසක මිනිස්සුන් නිසයි. ඩීසල්, පෙට්‍රල් රු. 157 තිබ්බ එක 380ට ගත්ත, හාල් රු. 150ට තිබ්බ එක 220ට ගත්ත, ගෑස් රු. 1500 තිබ්බ එක 4500ට ගත්ත. විදුලි, වතුර බිල්පත් 100% වැඩිවුනා. අහිංසක මිනිස්සු මරාගෙන කෑව විතරයි උනේ. නැත්නම් නන්දලාල් ලා කරපුදෙයක් නෑ.

: 9 9

අරවින්ද මොනරවිල Friday, 03 January 2025 10:39 AM

රට බංකොලොත් කියලා ප්‍රකාශ කෙරුව එකම ඇති මගේ හිතේ වසරේ නොවෙයි සියවසේම සිරි ලාංකිකයා වෙන්න.

: 7 4

පිටරටවැසියා Friday, 03 January 2025 03:20 PM

එතකොට මෙතුමාට කලින් හිටපු කෙනාව, මුදල් නියෝජ්‍ය ඇමැති කරලා, දෙන්න ඕන උපරිම වරප්‍රසාද දීලා, නැවතත් මහබැංකුවේ අධිපති කරනකොට ඔය පළපුරුද්ද කොහේද තිබුණේ? හරි නම් ඒ කරපු දේවල්වලට තමයි, සම්මාන දෙන්න ඕනෑ.

: 2 3

ගුණරත්න Friday, 03 January 2025 03:29 PM

මට මතකයි ඉස්සර සහෝදරයෙක් කිව්වා ආර්තික ඝාතකයෙක් කියලා. කවුද කියලා නිච්චි නැහැනේ...

: 0 4

ranjith Friday, 03 January 2025 08:43 PM

රට බංකොළොත් කමෙන් ගොඩ ගැනීමට අලුතින් අයිතිකාරයෝ එනවා. බංකොළොත් බවින් මිදුණේ දැනට මාස 2-3කට වැඩවලින් නොවේ.

: 0 1

Sajive Saturday, 04 January 2025 11:56 AM

පචයෝ තව පච වෙනවා මේ සම්මානය නිසා මෙතුමාට ලැබුණා.. මෙතුමා සහ එවක දේශපාලන අධිකාරියට විශේෂ ස්තුතිය ලබා දිය යුතුයි.

: 0 1

ඔබේ අදහස් එවන්න

එසැණ පුවත්

බල්ලොත් එක්ක සහල් ප්‍රවාහනය කරලා

2025 ජනවාරි මස 04 1035 0

බලන්ගොඩ නගරයේ වෙළෙඳ සල්වලට බෙදාහැරීමට රැගෙන ගිය සහල් තොගයක් සමග සුනඛයින් දෙදෙනකු ද රැගෙන ඒම නිසා එම ලොරි රථය සහ රියදුරු සමග සහයකයා බලන්ගොඩ මහජන සෙඛ්‍

හොර වෛද්‍යවරයකු ලෙසින් රන් බඩු කොල්ල කෑ සාත්තු සේවකයා අල්ලයි

2025 ජනවාරි මස 04 567 0

කොළඹ ජාතික රෝහලේ නේවාසිකව ප්‍රතිකාර ලබන සිය මව බැලීමට පැමිණ සිටි කාන්තාවකගේ රන් බඩු වංචනිකව සොරාගත් වෛද්‍යවරයෙකු ලෙස පෙනීසිටි සාත්තු සේවකයෙකු අත්අඩ

පුස්තකාලයෙන් රැගෙන ගිය පොත දශක 3 කට පසු ආපසු

2025 ජනවාරි මස 04 2128 0

දශක 30 කට පමණ පෙර, එක්සත් රාජධානියේ ක්‍රෙඩිටොන් පුස්තකාලයෙන් රැගෙන ගිය ළමා කතා පොතක්, පසුගිය නත්තල් දා යළි පුස්තකාලයට ලැබී ඇත.

ශිෂ්‍යත්ව ප්‍රශ්න පත්‍ර අගැයීම අරඹයි

2025 ජනවාරි මස 04 493 0

පහ ශ්‍රේණිය ශිෂ්‍යත්ව විභාගයේ ප්‍රශ්න පත්‍ර අගැයීම මේ මස 08 සිට 12 දක්වා ආරම්භ කරන බව විභාග කොමසාරිස් අමිත් ජයසුන්දර මහතා පැවසීය

නිදහස් දින උළෙලේ සංවිධාන කමිටුව අගමැතිනිය හමුවෙයි

2025 ජනවාරි මස 04 670 1

පෙබරවාරි මස 4 වැනිදාට යෙදීී ඇති 77 වැනි ජාතික නිදහස් දිනය නිමිත්තෙන් පැවැත්වීමට නියමිත නිදහස් දින සැමරුම් උත්සවයේ සංවිධායක කමිටුව සහ අග්‍රාමාත්‍ය ආචා

ලාෆ් ගෑස් මිල ගැන තීරණය සඳුදා

2025 ජනවාරි මස 04 299 0

ලාෆ් ගෑස් මිල මෙම මස (ජනවාරි) සංශෝධනය කරනවාද නැද්ද යන්න පිළිබඳ තීරණය ලබන සඳුදා ප්‍රකාශ කරන බව ලාෆ් ගෑස් සමාගමේ උසස් නිලධාරියෙක් පැවසීය.