පුංචි කාලේ ඉඳන්ම සිතුවම් කලාවට ආදරය කළ ඔහු අදවනවිට සිතුවම් කලාවේ විවිධ ඉසව් තුළින් තම දක්ෂතා පෙන්නුම් කරනවා. ඉතිං හදසර අපිත් හිතුවා Pencil Art ගැන ඔහුත් එක්ක ටිකක් වැඩිපුර කතා කරන්න.

නම?

ලසන්ත ජීව කල්පගේ

ගම?

බදුල්ල

පාසල?

මම පාසල් දෙකක ඉගෙන ගත්තා. බදුල්ල සිරි සුමන මහ විද්‍යාලය සහ බදුල්ල ධර්මදූත විද්‍යාලය

පවුලේ විස්තර?

අම්මා තාත්තා නංගි මල්ලි තමයි මට ඉන්නෙ. දැන් නම් මම විවාහකයි. මට පුංචි පුතෙක් ඉන්නවා එයාගේ නම අනුහස් ජීව කල්පගේ. දැන් 2 වසරේ ඉගෙන ගන්නේ.

කොහොමද චිත්‍ර කලාවට යොමු වුණේ?

ගොඩක් පුංචි කාලේ ඉඳන්ම තමා චිත්‍ර වලට ආදරය කළේ. පෙරපාසල් යන කාලේ ඉඳන්ම මම ඇන්ද චිත්‍රවල යම් හැකියාවක් තියෙන බව පෙන්නුම් කරලා තියෙනවා. ඒ නිසා තමා මගේ මව්පියන් පාට පෙට්ටි ගෙනත් දීලා ඒ අදින චිත්‍ර දිහා සතුටු සිතින් බලන් හිටියේ. ඒවා අගය කළේ. එහෙම තමා යොමු වුණේ.

පාසල් කාලේ තරගවලට ඉදිරිපත්වෙලා තියෙනවද?

ඔව්. පාසල් සහ දහම් පාසල් තරග රැසක මට ජයග්‍රහණ පවා ලැබුණා. වැඩියෙන්ම පහ වසරෙන් පස්සෙ තමා තරගවලට ඉදිරිපත් වුණේ.

දැන් ඔබේ වෘත්තියද කලර් ආර්ට් කියන්නේ?

වෘත්තියම නෙවෙයි. මොකද මම කලා ක්ෂේත්‍රයේ විවිධ අංශවලට සම්බන්ධයි. කලා අධ්‍යක්ෂණය, පිටපත් රචනය ඒ වගේම ටෙලි නාට්‍ය කිහිපයකම සහය අධ්‍යක්ෂවරයෙක් විදියටත් කටයුතු කළා. සින්දුත් ලියනවා මම. Music Videoවල කලා අධ්‍යක්ෂණයට සම්බන්ධ වෙනවා. ඒ වගේම මම ස්වර්ණවාහිනියේ පසුතල නිර්මාණ ෙව්දියෙක් විදියට ඇඳුම් නිර්මාණ කටයුතු කළා. මහා සිංහලේ වංශ කතාවේ පසුතල නිර්මාණය මගෙ. ගොක්කොළ වලින් කළ පෝරැ නිර්මාණය පවා කරනවා. නමුත් ගොඩක් අය මාව දැනගත්තේ පෙන්සිල් ආර්ට් හරහා.

ඔබ චිත්‍ර කලාවට යොදා ගන්නා මාධ්‍ය?

සාමාන්‍යයෙන් මම හැම මාධ්‍යයකින්ම කරනවා. මේ කලර් පෙන්සිල් ආර්ට් පටන් ගත්තෙ නම් දැනට අවුරැදු දෙකකට කලින්. ලංකාවේ මිට කලින් ගොඩක් අය බ්ලැක් ඇන්ඩ් වයිට්නෙ කළේ. ඉතිං මේක අලුත් දෙයක් වුණා. මට ඒක දැනුණේ මගේ FB Page එෙකන්. කලර් පෙන්සිල් Page එකක් තියෙන්නෙත් මගේ විතරයි. Page එකට ඇවිත් මගේ Art බලන්න පුළුවන්.

කලර් පෙන්සිල් ආර්ට්වලට යොමු වුණේ කොහොමද?

මම අන්තර්ජාලය හරහා හොයලා බැලුවා. ඇයි ලංකාවේ කවුරැත් මේ දේ කරන්නෙ නැත්තෙ කියලා. ඉතිං මම ඒ දේ කළා, ඒකට හොඳ ප්‍රතිචාර ලැබුණා. විශේෂයෙන්ම FB එක හරහා මම ඇන්ද චිත්‍රවලට ෙහාඳ ප්‍රතිචාර ලැබුණා. ඒ හරහා තමා මම ගැන ගොඩක් අය දැනුම්වත් වුණේ.

ඔබ ඔබේ මේ නර්මාණ (චිත්‍ර) දකින්නේ කොහොමද?

ඇත්තටම ඖෂධයක් කිව්වොත් හරි. මොකද චිත්‍ර ඇඳීම හරහා හිත පවා සුවපත් වෙනවා. මමත් මගේ ජීවිතයේ ගොඩක් ප්‍රශ්නවලට මැදිවුණ කෙනෙක්. මම මේ දේවල් කරන නිසා සිතට සතුටක් සැනසීමක් පවා ලැබුණා.

ඔබේ චිත්‍ර එකතුවක් එළිදක්වන්න අදහසක් නැද්ද?

තියෙනවා. මගේ හිතේ ලොකු අදහසක් තියෙනවා. ලංකාවේ කවුරැත් නොකරපු විදිෙහ චිත්‍ර දැක්මක් කරන්න කලර් පෙන්සිල් නෙවෙයි වෙනත් මාධ්‍යයකින් Oil Panting වගේ දෙයකින්. අපේ ජීවමානව ඉන්න විශිෂ්ට කලාකරැවන් 10 දෙනෙකු වගේ තෝරගෙන ඒ අයගේ ශරීර ප්‍රමාණයට චිත්‍රයක් අඳින්න. දැන් ඔය ඉටි රෑප කලාව හරහා නිර්මාණය කරලා තියෙනවා වගේ. මගේ මේ අදහස කොහොම හරි කරන්න බලාපොරොත්තුවක් තියෙනවා. දැන් ඉතිං මට කලින් කවුරැ හරි ඒ දේ කරයිදි දන්නේ නෑ මේක බලලා.

ඔබ සතු දැනුම තව පරපුරකට දෙන්න බලාපොරොත්තුවක් නැද්ද?

අනිවාර්යයෙන්ම තියෙනව සහ දැනටමත් මට පුළුවන් විදියට මේ Pencil Art වලට කැමති අයට උදව් කරනවා. මොකද මට අත්දැකීම් තියෙනවා. මම මේ සඳහා උනන්දු වෙද්දී මට කවුරැත් උදව් කළේ නෑ. මම කිහිපදෙනෙක්ගෙන්ම ඇහුවා කොහොමද Pencil Art කරන්න අමතර උපකරණ ගන්නේ කියලා. හැබැයි කනගාටුවෙන් හරි කියන්න තියෙන්නේ මට උදව් ලැබුණේ නැහැ. ඊට පස්සෙ මමම අන්තර්ජාලය හරහා හොයලා බැලුවේ. ඒ අතර තමයි මම Color Pencil Art පවා දැක්කේ. මම කැමැතියි මේ දේ හැමෝම එක්ක බෙදාගන්න.

Pencil Art වලට කැමති කෙනෙක්ට ඔබව සම්බන්ධ කරගත හැකි ක්‍රමයක් තියෙනවද?

මගේ දුරකථන අංකය 0713944988. එහෙම නැත්නම් මගේ FB Page ඒක හරහා මට Massage එකක්දාලත් පුළුවන්. FB නම Lasantha Jeeva Kalpage. Page එක drawing on my style.

ඔබට ලබාදෙන රෑපයම ඔබ කොහොමද කලර් පෙන්සිල් Art එකකට ගන්නේ. ඒ තුළ තියෙන සාර්ථකත්වය ගැන පොඩ්ඩක් කිව්වොත්?

ඇත්තටම මම කෙනෙක් ලබා දුන්නොත් මෙන්න මේ Photo එක කලර් පෙන්සිල් Art එකක් කරලා දෙන්න කියලා මම මුලින්ම ඒ Photo එක මගේ Phone එකේ සහ Lap Screen එකට දාගන්නවා. එතකොට මම ඒක නිතරම දකිනවා. ඒක මගේ හිතේ තමා මුලින්ම ඇඳෙන්නේ. මනෝ විද්‍යාත්මකවත් කියනවනේ කෙනෙක්ගේ රෑපයක් හිතේ ඇඳෙනවා කියලා. ඒක බොරැවක් නෙවෙයි. ඒක තමා ඇත්ත. ඒ නිසා මට පහසුයි මේ දේ කරන්න. අනිත් එක තමා මම ගොඩක් උත්සාම කරනවා 3D විදියට අඳින්න. තව දෙයක් පැහැදිලිවම කියන්න ඕන. මම අදින චිත්‍රවල තියෙන හැම රේඛාවකම තියෙන්නේ මගේ හැඟීම්. මොකද මම චිත්‍රයක් අඳින්න ඒ දේ මගේම කරගෙන. මම අන්තිමට තමා ඇස්දෙක අඳින්නේ මොකද ඇස් දෙකෙන් තමා ඒ Art එකේම ජීවය ගන්නේ.

ඔබ කොහොමද ඔබේ නිර්මාණවලට මිලක් නියම කරන්නේ?

හැකියාව කියන දේ මිල කරාට කමක් නැහැ. නමුත් ෙකනෙකුට දරන්න බැරි මුදලක් ගන්න බැහැ. මම සාමාන්‍යයෙන් පොඩි මුදලක් ගන්නේ. ද්‍රව්‍යමය වශයෙන් දෙයක් මිල කරාට නිර්මාණයේ වටිනාකමට මිලක් නියම කරන්න බැහැ. මම දකින්නේ ඒ විදියට කලාව කියන්නේ මහ අමුතුම දෙයක්.

ගෙදරින් ලැබෙන සහෝගය කොහොමද?

ඇත්තටම ලොකු සහයෝගයක් ලැබෙනවා. මොකද මම ගෙදර ඉන්න වෙලාවට මේවාම තමා කරන්නේ. මගේ පුතාවත් මතක් කරන්නම ඕන පුංචි වුණාට හොඳ කලාත්මක ඇසක් තියෙනවා එයාටත්. එයත් මට උදව් කරනවා. සමහර තැන්වලදී තාත්තා ඕකට මේ පාට ලස්සනයි නේද කියලා එයාම පාට තෝරලා දෙනවා. අනික මම හිතනව ඉගෙනීම දෙන අතරේ කලාවට යොමුවීමත් ළමයෙකුට ගොඩක් වටිනවා කියලා.

අනාගත බලාපොරොත්තු?

කලාව පැත්තෙන් ඉදිරියට යන්න තමා බලාපොරොත්තුව. චිත්‍ර කලාව වගේම මම දැනට සින්දුවක් කරලා තියෙනවා. ඒකට Music Video එකක් කරන්නත් ලොකු ආසාවක් තියෙනවා ඒ වගේම ලංකාවේ දැනට කවුරැත් කරපු නැති ප්‍රදර්ශනයක් කරන්න ඒ තුළින් මගේ සලකුණක්, අනන්‍යතාවයක් ඇති කරගන්න තමා ලොකුම බලාපොරොත්තුව.

අනූෂා රණසිංහ