D P P Prasad Wednesday, 07 September 2022 10:56 AM

කාලගුණ හා දේශගුණික විපර්යාසයන් සිදුවිම මිනිස් පාලනයෙන් පරිබාහිරවන අතර එය පාලනය කිරිම කිසිවෙකුට කල නොහැක.එම නිසා මෙවැනි විපර්යාසයන් නිසා ඇතිවිය හැකි භයානක උවදුරු හා විපත් පාලනය කර ගැනිමට ක්‍රම හා උපාය මාර්ග සකස්කර තිබීම තුලින් කාලගුණික විපර්යාස නිසා ඇතිවන අහිතකර තත්වයන් යම් ආකාරයට යාමනය කර ගතහැකිය. නාය යාමට තුඩුදෙන ස්ථාන හදුනාගෙන සිතියම්ගත කර දත්ත ගබඩා පවත්වාගෙන යාම හා ඒවා අවම කලහැකි තෘණ හා වන ආවරණ ඇති කිරීම කාණු පද්ධති හොදින් නඩත්තු කර පවත්වාගෙන යාම. ඇල මාර්ග හා ජල සොරොව් ආදිය නඩත්තු කර පවත්වාගෙන යෑම. උඩරට කලාපිය උවදුරට ලක්විය හැකි මහමාර්ග ප්‍ර්‍රදේශ හදුනාගෙන එවැනි ස්ථාන සදහා ආරක්ෂිත ගල්වැටි සකස් කිරිම. මහමාර්ග ආශ්‍රිතව පිහිටි ඉවුරුවල සිදුවන සෝදාපාලුව වැළක්වීම සදහා ශක්තිමත් තෘණ ආවරණ ස්ථාපිත කිරිම යන යෝජනා කෙරෙහි රාජ්‍යය මෙන්ම රාජ්‍යය නොවන සංවිධානද අවධානය යොමුකිරීම ඉතා වැදගත් වේ.