කෝටිපති ව්‍යාපාරිකයා මන්ත්‍රී ධූරයක් ගන්න කෝටි 50ක් දීලා

(සුජිත් හේවාජුලිගේ)

විපක්ෂයේ ප්‍රධාන දේශපාලන පක්ෂ කාර්යාලයකට පසුගිය දිනෙක පැමිණ ඇති මෙරට නම ගිය කෝටිපති ව්‍යාපාරිකයකු තමාට ජාතික ලැයිස්තු මන්ත්‍රී ධුරයක් දෙන බව පවසා පක්ෂයේ ප්‍රධානියකු කෝටි පනහක මුදලක් ලබාගෙන මන්ත්‍රී ධූරය නොදුන් බවට චෝදනා කරමින් එම සල්ලි වහා දෙන්නැයි ඉල්ලා කෑකෝ ගසමින් එහි කලබල කර ඇතැයි වාර්තාවේ.

මේ සිද්ධියෙන් එම කාර්යාලයේ දැඩි නොසන්සුන් තත්වයක් ඇතිවිණැයි කියති. ජාතික ලැයිස්තු මන්ත්‍රී ධූරයක් දෙන බව පවසා කෝටි පනහක මුදල මෙලෙස ලබාගෙන ඇතැයි පැවසෙන්නේ මෙරට ප්‍රධාන පෙළේ කෝටිපති ව්‍යාපාරිකයකුගෙනි.

ඔහු එම පක්ෂයේ හිටපු මන්ත්‍රීවරයකු හෝ ආසන සංවිධායකවරයෙකු හෝ නොවන නමුත් එම පක්ෂ ජාතික ලැයිස්තුවේ සිටියේය.

ව්‍යාපාරිකයා පක්ෂ කාර්යාලයට පැමිණ මේ සම්බන්ධයෙන් දැඩිව චෝදනා කළ අවස්ථාවේදී එහි සිටි නිලධාරීන් " ඔය ගැන අපි මොකුත් දන්නෙ නෑ. ඕක ඔබතුමා ඒ සල්ලි ගත්තු අයගෙන්ම බේර ගත්තොත් තමයි හොඳ " යනුවෙන් පවසා ඇතැයි දැනගන්නට
ඇත.

අනතුරුව ව්‍යාපාරිකයා " මම ඕක බේරගන්නම්කෝ" යනුවෙන් පවසා එම ස්ථානයෙන් පිටව ගොස් ඇත. ව්‍යාපාරිකයා මෙම චෝදනාව එල්ල කරන්නේ එම පක්ෂයට බොහොම ළඟින් ක්‍රියාකාරීව සම්බන්ධව සිටින තවත් ධනපති ව්‍යාපාරිකයකුට බව එහි ආරංචි මාර්ග සඳහන් කළේය. ව්‍යාපාරිකයාගේ මෙම කරුණු අනාවරණයත් සමඟ එම පක්ෂය තුළ දැඩි අර්බුදකාරී තත්වයක් මතුව ඇතැයි වාර්තාවේ.

අදහස් (18)

කෝටිපති ව්‍යාපාරිකයා මන්ත්‍රී ධූරයක් ගන්න කෝටි 50ක් දීලා

පිටරටවැසියා Friday, 10 January 2025 10:19 AM

විපක්ෂයේ වුණත් පළපුරුදු කට්ටියනෙ, රටට-ජනතාවට සේවයට තියෙන කැපවීම, උවමනාව කෝටි 50ක් දීපු එකෙනුයි, ගත්ත එකෙනුයි, හොඳටම පැහැදිලි වෙනව... තක්කඩි, කාලකන්ණි....

: 4 90

Rangana Friday, 10 January 2025 10:20 AM

ඔය අහුවෙන්නෙ හොරු

: 2 76

බකල ජයා Friday, 10 January 2025 10:37 AM

පුද්ගල නාමයක්, ස්ථාන නාමයක්, දිනයක් වගේ පුවත්පත් කලාවේ මූලික කරුණු සඳහන් නොවන නිව්ස් අයිටම් කියවද්දි නීලයි, කමලයි, චම්පයි, රේඛයි, භානුමතියි, නයනයි, සඳරේකයි එක්ක ලිඳ ලඟ ඉන්නව වගේ දැනෙනවා.

: 4 111

විකුම් Friday, 10 January 2025 10:59 AM

නමත් එක්ක දාන්නකෝ.ආපු කෙනා රත්න හාල්.මුදලාලී.ගත්ත කෙනා සජී බබා ?

: 1 68

Truth Friday, 10 January 2025 11:04 AM

අන්ටිජන් විකුනලා හොයා ගත්ත සල්ලි මදි වෙලාද තවත් සල්ලි ගත්තෙ මලක නමක් ඇති හාල් හදන මෝලගෙන් ?

: 9 27

අරවින්ද මොනරවිල Friday, 10 January 2025 11:13 AM

බාබර් මහත්තයා කොණ්ඩය කපන ගමන් හක්කේ දතකුත් ගලවලා තියෙන්නේ නිපූණ මුදලාලිගේ !

: 8 20

Jayasekara Friday, 10 January 2025 11:20 AM

ඕකුන්ට පුලුවන් ඕවා තමයි කරන්න... උන්ට රට හදන්න උවමනාවක් තිබ්බෙම නැහැ.. ඒකයි රට මාස 02 තුනකින් ගොඩගන්න අමාරු.."

: 3 33

Jayasekara Friday, 10 January 2025 11:23 AM

නමත් එක්කම දාන්නකෝ.. ඉවරයි නේ

: 0 28

Nimal Friday, 10 January 2025 11:32 AM

අනුර ජනාධිපති හැප්පෙන්නේ මෙවැනි අය එක්ක නේද? මුන් එක්ක කොහොමද රටක් හදන්නේ

: 6 34

Rashmi Friday, 10 January 2025 11:37 AM

නමක්, ගමක්, ස්ථානයක් වගේ හරි විස්තරයක් නැති ප්‍රවෘත්ති නිකන්ම නිකන් ගොසිප් විතරයි.

: 1 32

Kazi Shajahan Friday, 10 January 2025 12:01 PM

පොහොට්ටුව වැඩේ ඇනගන්න වගේ යන්නේ, මිනිස්සුන්ගෙන් සල්ලි අරගෙන බොරු කරලා....

: 7 16

Manju Friday, 10 January 2025 12:06 PM

මේ කියන ධනපතියා වැරැදිලාවත් මන්ත්‍රී ධුරයට ආවොත් ඉස්සෙල්ලාම කරන්නේ මොකක්ද? දීපු කෝටි 50 හොරකම් කරලා කොහොම හරි පාඩුව පියවාගන්න බලන එක. පහුගිය කාලේ වුණේම මේවගේ දේවල්...

: 4 35

Asintha Friday, 10 January 2025 12:25 PM

සහල් ව්‍යාපාරිකයෙක්ද?

: 0 19

යෝගා Friday, 10 January 2025 12:38 PM

කවුද කළුකඩ හාල් මෝලාට පොල්ල තිබ්බේ...? පුතාණෝද, මැද බණ්ඩාද? මොනවා වුණත් පුතාණෝගේ රෙදි ඉල්ලේ, මෝලාට හොඳම වැඩේ...

: 0 19

beau Friday, 10 January 2025 01:04 PM

හ්ම්, සල්ලි ගත් කෝටිපති ව්‍යාපාරිකයා.. අද දෙරණ මේ ගැන හොඳට දන්නවා ඇති නේද?

: 3 13

Punsiri Friday, 10 January 2025 01:46 PM

හාල් මුදලාලි, සමගි ජන බලවේගය...

: 1 19

sugath Friday, 10 January 2025 03:51 PM

ඔය මිනිසුන් දේශපාලනයට එන්ට පොර කන එකම හේතුව තමන්ගේ ව්‍යාපාර වැඩි දියුණු කර ගැනීම. මේ දේශපාලන සංස්කෘතිය රටින් අතුගා දැමීම ගැන සතුටුයි.

: 0 7

NEW Rathna Friday, 10 January 2025 03:52 PM

මෛත්‍රීපාල නේද මේ .මහමෝලෙක්නේ

: 4 1

ඔබේ අදහස් එවන්න

එසැණ පුවත්

භික්ෂු විශ්ව විද්‍යාලය තාවකාලිකව වහයි

2025 ජනවාරි මස 10 92 0

ශ්‍රී ලංකා භික්ෂු විශ්ව විද්‍යාලය හෙට (11) දහවල් 12.00 සිට තාවකාලිකව වසා දැමීමට තීරණය කළ බව අනුරාධපුරේ දී අද (10) සවස රැස් වූ එහි පාලක සභාව ගනු ලැබූ තීරණ දැනුම්ද