(සුජිත් හේවාජුලිගේ)

පොහොර නිකුත් කිරීම සඳහා ගොවි ජන සංවර්ධන දෙපාර්තමේන්තුවට ගොවීන් නිශ්චිතව හඳුනා ගත නොහැකි වීම හේතුවෙන් රුපියල් කෝටි 116කට වැඩි වටිනා වව්චර පත්  දෙලක්ෂ එකළොස් දහස් පන්සිය අසූ තුනක් අවලංගු වී ඇතැයි  ජාතික විගණන කාර්යාලය නිකුත් කළ අලුත්ම වාර්තාවක දැක්වේ.

ජල කන්නේ ගොවීන් වගා නොකිරීම නිසා රුපියල් කෝටි තුනකට වැඩි වටිනා වව්චර පත් 5327ක් අවලංගු වී තිබූ බවද එහි සඳහන්වේ

2023 වර්ෂයේ යළකන්නේ වී වගා කරන ගොවීන්ට පොහොර ලබාදීම සඳහා රුපියල් කෝටි 11148 කට ආසන්න වටිනා වව්චර් පත්‍ර 1626000ක් මුද්‍රණය කර තිබූ බවත් එයින් වව්චර පත් 1466214 ක් ගොවීන්ට නිකුත් කර තිබූ බව ජාතික විගණන කාර්යාලය පවසයි.

නිකුත් නොකෙරුණු රුපියල් කෝටි අනූවකට වැඩි වටිනා පව්චර පත් 159786ක් ප්‍රධාන කාර්යාලයට ආපසු හරවා ඒවා  තිබිණැයි පවසන එම කාර්යාලය නිකුත් කළ වව්චර පද්ධ අතරින් රුපියල් කෝටි 22කට වැඩි වටිනා වව්චර පත්  46470ක් සඳහා පොහොර නිකුත් කර නොතිබූ බවද සඳහන් කරයි.

මේ අතර ගොවිජන සංවර්ධන අරමුදල ජපාන ආධාර ව්‍යාපෘතිය එයාට තේ ලබාදී ඇති රෝද දෙකේ ටැක්ටර සඳහා අය විය යුතු මුදල් 2015 වන විට අය කර ගත යුතු වුවත් 2023 වර්ෂයේ දෙසැම්බර් 31 වන විටත් රුපියල් කෝටි දහයකට වැඩි මුදලක් ගොවීන්ගෙන් අයකරගෙන නොතිබූ බව වාර්තාවේ දැක්වේ.

මේ තොරතුරු සඳහන් වන්නේ ගොවි ජන සංවාදන දෙපාර්තමේන්තුව සහ ගොවි ජන සංවර්ධන අරමුදල සම්බන්ධයෙන් ජාතික විගණන කාර්යාලය නිකුත් වාර්තාවේය.