2025 මාර්තු මස 31 වන සඳුදා
(යොහාන් භාසුර)
විද්‍යෝදය පිරිවෙන විශ්වවිද්‍යාලයක් බවට පත්කිරීම මෙරට අධ්‍යාපනයේ සුවිශේෂී හැරවුම් ලක්‍ෂයක් බවත් වරප්ප්‍රසාද ලත් ඉතා සුළු පිරිසකට පමණක් සීමාවී තිබූ විශ්වවිද්‍යාල අධ්‍යාපනය පොදුජන ජනතාවට විවෘත වුයේ ශ්රී ලංකාවේ දෙවැනි විශ්වවිද්‍යාලය ලෙස වර්තමාන ජයවර්ධනපුර විශ්වවිද්‍යාලය බිහිවීමත් සමඟ බවත් කතානායක වෛද්‍ය ජගත් වික්‍රමරත්න මහතා පැවසීය.
ශ්රී ජයවර්ධනපුර විශ්වවිද්‍යාලයීය විද්‍යාර්ථීන්ගේ සංගමය සංවිධානය කළ ‘ශ්රී ජයවර්ධනපුර ප්‍රදීප 2025’ විද්වත් අභිනන්දන සම්මාන ප්‍රදානෝත්සවයේ විශේෂ ආරාධිතයා ලෙස සභාගිවෙමින් කතානායක වෛද්‍ය ජගත් වික්‍රමරත්න මහතා එසේ පැවසීය.
ශ්රී ජයවර්ධනපුර විශ්වවිද්‍යාලයේ කුලපති ශ්රී කල්‍යානි සාමාග්‍රි ධර්ම මහා සංඝ සභාවේ මහ නායක ඉත්තෑපානේ ශ්රී ධම්මාලංකාර ස්වාමීන්වහන්සේ ප්‍රධානත්වයෙන් ‘ශ්රී ජයවර්ධනපුර ප්‍රදීප 2025’ විද්වත් අභිනන්දන සම්මාන සිවුවැනි පියවර කොළඹ වෝටර්ඒජ්හිදී පැවැත්විණි.
මෙරට නව සමාජීය, සංස්කෘතික සහ දේශපාලන පුනරුදයකට ප්‍රවේශ වෙමින් සිටින බවත් මෙරට සමාජ සහ සංස්කෘතික පුනරුදය ගැන කථා කරන විට ශ්රී ජයවර්ධනපුර විශ්වවිද්‍යාලය මෙරට එක යුගයක පුනරුදයේ ව්‍යාපෘතියට කටයුතු කළ ස්ථානයක් ලෙස සැළකිය හැකි බවත් කතානායකවරයා කීය.
මෙරට විශ්වවිද්‍යාල පිහිටුවීමට එවකට පාර්ලිමේන්තුවේ අනුමැතිය හිමිවී මාස කීපයක් ගතවීමට පෙර විදෝ‍යා්දය පිරිවෙන මාස කීපයක් ගතවීමට පෙර විශ්වවිද්‍යාලයක් බවට පත්කිරීමට වැලිවිටියේ ශ්රී සෝරත නාහිමියන්ට හැකියාව ලැබුණු බවත් එම විශවවිද්‍යාලයෙන් ශ්රී සෝරත නාහිමියන් බලාපොරොත්තු වූ තර්ක සහ සංවාද කරන නව අදහස් ඇති විද්‍යාර්ථයන් පිරිසක් බිහිවූ බවත් ඒ මහතා පැවසීය.
ශ්රී ජයවර්ධනපුර විශ්වවිද්‍යාලයෙන් බිහිවූ විද්‍යාර්ථයන් විශාල සංඛ්‍යාවක් පාර්ලිමේන්තුවේ මැති ඇමතිවනරු ලෙස සිටින බවත් ඔවුන් රට හොඳ දිශානතියකට ගෙන යෑමට වෙරදරන පිරිසක් වීම එම විශ්වවිද්‍යාලයට ආඩම්බරයක් බවත් කී කතානායකවරයා විශ්වවිද්‍යාලයේ විද්‍යාර්ථයන් ඇගයීමට ලක්කරන එකම විශ්වවිද්‍යාලය ශ්රී ජයවර්ධදනපුර විශ්ව විද්‍යාලය වීම නිසාම මෙම සම්මාන ප්‍රදානය වඩාත් වැඳගත් අවස්ථාවක් බවට පත්වන බව ද සඳහන් කළේය.
නිදහස් අධ්‍යාපනයෙන් මානව ප්‍රගමනයට හේතුවන ආකාරයට යොදාගැනීමට ශ්රී ජයවර්ධනපුර විශ්වවිද්‍යාලය හොඳ නිදසුනක් බවත් නිදහස් අධ්‍යාපන ප්‍රතිලාභ රටට ගෙන ඒමට කටයුතු කිරීම අගයකළ යුතු බවත් කතානායක වෛද්‍ය ජගත් වික්‍රමරත්න මහතා වැඩි දුරටත් සඳහන් කළේය.
ආචාර්ය ප්‍රණීත් අභයසුන්දර මහතා ප්‍රධාන දේශනය කරමින් පැවසුවේ 1979 වසරේදී විද්‍යෝදය, ශ්රී ජයවර්ධනපුර විශ්වව්‍යාලය බවට පත්වූ බවත් ඉදානනීන්තනයෙහි මානවශාස්ත්‍ර සමාජ විද්‍යා, කළමණාකරණ වාණිජ විද්‍යා, වෛද්‍ය විද්‍යා, පශ්චාද් උපාධි ඉංජිනේරු, තාක්‍ෂණවේදය, දන්ත විද්‍යා ආදි ලෙස පිඨ 11 කින් සුසැදි ශ්රී ජයවර්ධනපුර විශ්වවිද්‍යාලයෙන් දේශීය පදනමක සිට ගෝලීය නිපුණශීලී ප්‍රඥාසම්පන්න පුරවැසියන් විද්වතුන් බිහිකරන බවත්ය.
ශ්රී ජයවර්ධනපුර විශ්වවිද්‍යාලයීය විද්‍යාර්ථීන්ගේ සංගමයේ සභාපති ගාමිණී සිල්වා මහතාගේ ප්‍රධානත්වයෙන් සංවිධානය කළ ‘ශ්රී ජයවර්ධනපුර ප්‍රදීප 2025’ උළෙලේදී ලාෆ් පෞද්ගලික සමූහයේ සභාපති ආචාර්ය ඩබ්ලිව්. කේ. එච්. වෑගපිටිය, ආචාර්ය එන්. එල්. ඒ. කරුණාරත්න සහ ජ්‍යෙෂ්ඨ මහාචාර්ය සුදන්ත ලියනගේ යන මහත්වරු ‘සුවිශේෂී ගෞරව ප්‍රසාදය’ සම්මාන ලැබූහ.
කිතලගම හේමසාර නාහිමි සහ ආචාර්ය ඇත්කඳවල සද්ධාජීව හිමි ‘භික්‍ෂූන්වහන්සේගේ කාර්යසාධනය’ යටතේ සම්මාන ලැබූහ.
‘දේශපාලනයේ නව ප්‍රවේශය’ යටතේ බුද්ධ ශාසන, ආගමික හා සංස්කෘතික කටයුතු කැබිනට් අමාත්‍ය ආචාර්ය හිනිඳුම සුනිල් සෙනෙවි සහ ක්‍රීඩා හා තරුණ කටයුතු කැබිනට් අමාත්‍ය සුනිල් කුමාර ගමගේ යන මහත්වරු ද, ‘අධ්‍යාපන ක්ෂේත්‍රයේ අනර්ඝ ප්‍රතිඵල’, ‘රටට හිතැති පරිපාලනය’, ‘ව්‍යවසායකත්වයේ සාර්ථක ඵලදායිතාව’, ‘ගුණ නුවණින් යුතු සජීව කළමනාකරණය’ සහ ‘නන් විසිතුරු මග සලකුණු’ යන කාණ්ඩ යටතේ එම විශ්වවිද්‍යාලයේ විද්‍යාර්ථීන් 60 කට අධික පිරිසක් සම්මාන ලැබූහ.
ශ්රී ජයවර්ධනපුර විශ්වවිද්‍යාලයීය විද්‍යාර්ථීන්ගේ සංගමයේ ලේකම් ජ්‍යෙෂ්ඨ නියෝජ්‍ය පොලිස්පති සජීව මැදවත්ත, භාණ්ඩාගාරික ජ්‍යෙෂ්ඨ මහාචාර්ය ප්‍රදීප් ජයවීර සහ එහි ජාතික සංවිධායක පියල් පත්මනාථ යන මහත්වරු ප්‍රමුඛ සංවිධායක මණ්ඩලය මෙම උත්සවය සංවිධානය කළහ.
ඡායාරූපය:
ඉසුරු පෙරේරා
අරගල සමයේ මැයි නවය ගැටුම් වලදී ගිනිගත් සෙවනගල අනුන්ගේ ගෙදරකට වන්දි ගත් රාජපක්ෂ වරයෙක් ගැන ලැයිස්තුවක් ඉතා ඉක්මනට පැමිණීමට නියමිත බව ජනාධිපති අනුර කු
ආණමඩුව විවිධ සේවා සමුපකාරය ප්‍රධාන කාර්යාලය භූමියේ පැරණි ගොඩනැගිලි සහිත භුමියේ තිබු කොහොඹ ගස් විශාල සංඛ්‍යාවක් කිසිදු නිත්‍යානුකුල නොවන අයුරීන් ක
ඔක්ටේන් 92 සහ පෙට්‍රල් ඔක්ටේන් 95 යන ඉන්ධන වර්ග දෙකේම ලීටරයක මිල රුපියල් 10 බැගින් අඩු කළ බව ලංකා ඛනිජ තෙල් නීතිගත සංස්ථාව අද (31) පස්වරුවේ නිවේදනය කළේය.
‘ලාෆ්’ ගෑස් සමාගම අප්‍රේල් මස සිට කිලෝග්‍රෑම් 12.5 ගෘහස්ථ ගෑස් සිලින්ඩරයක මිල රුපියල් 420කින් ඉහළ දමන බව එම සමාගම අද (31) පස්වරුවේ පැවසීය.
අග්‍රාමාත්‍ය ආචාර්ය හරිනි අමරසූරිය මෙනවිය ’යුනෙස්කෝ’හි ඉහළ පෙළේ සමුළුවකට සහභාගී වීම සඳහා ප්‍රංශය බලා අද (31) පිටත්ව ගියාය.
මිනුවන්ගොඩ පන්සිල්ගොඩ ප්‍රදේශයේ පවත්වාගෙන ගිය පුනරුත්ථාපන මධ්‍යස්ථානයක ප්‍රතිකාර ලබමින් සිටි තරුණයෙකු පහරදී ඝාතනය කිරීමේ සිද්ධිය සම්බන්ධයෙන් පොල
2025 මාර්තු මස 31
47
0
මිනි සීරීස් කන්සෙප්ට් එකෙන් සීරීස් කිහිපයක්ම නිර්මාණය කරපු අධ්‍යක්ෂකවරයෙක් තමයි ජෝ දිසානායක. Hello Dada අධ්‍යකෂණය සිදු කරන්නේද ඔහු විසින්ම. බොහෝ ජනප්‍රිය
2025 මාර්තු මස 21
667
0
ප්‍රයිම් සමූහය ශ්රී ලංකාවේ දේපළ වෙළඳාම් ක්ෂේත්‍රයේ පෙරළියක් සිදුකරමින් නව ගෙවීම් ක්‍රමවේදයක් හඳුන්වා දීමට පසුගියදා කටයුතු කළේ ය.
2025 මාර්තු මස 07
746
2
දේශයේ ආරක්ෂකයා ලෙස ශ්රී ලංකා ඉන්ෂුවරන්ස් ලයිෆ් (SLIC Life) රටේ අනාගත පරපුරේ වැඩිදියුණුව සඳහා නිරන්තරයෙන් දායක වී ඇත. ශ්රී ලංකාවේ පවතින වඩාත්ම උපයන රාජ්‍
ජපුර විශිෂ්ටයෝ සම්මාන ලබති
Lalla Sunday, 30 March 2025 08:46 AM
ඉස්සර තිබුනේ ලංකා විශ්ව විද්‍යාලය සහ ඒ යටතේ තිබුන එක එක මණ්ඩප.පේරාදෙණිය කොළඹ විද්‍යාලංකාර වගේ. ඒවාත් සාමාන්‍ය ජනතාවට නොවේද අධ්‍යාපනය දුන්නේ....