මෙරට හාස්‍යජනක ව්‍යාපෘතියක් ගැන ඊලෝන් මාස්ක් හෙළි කරයි

(විමුක්ති එස් රුද්‍රිගු)

ශ්‍රී ලංකාවේ මාධ්‍යවේදීන්ට පුවත් වාර්තා කිරීමේදී, ස්ත්‍රී පුරුෂ දෙපාර්ශවය සඳහා වූ පොදු වූ වචන මාලාවක් ඉගැන්වීම සඳහා ආරම්භ කළ හාස්‍යජනක ව්‍යාපෘතියකට ඇමෙරිකානු ජනතාවගේ බදු මුදල් ඩොලර් මිලියන 7.9 ක් ජාත්‍යන්තර සංවර්ධනය සඳහා වූ එක්සත් ජනපද නියෝජිතායතනය වියදම් කර ඇතැයි ලොව ධනවත්ම පුද්ගලයා වන ඊලෝන් මස්ක් සිය එක්ස් ගිණුමේ සටහනක් තබමින් පසුගියදා ප්‍රකාශ කළේය.

එපමණක් නොව තවත් හාස්‍යජනක ව්‍යාපෘති රැසක් සඳහා ජාත්‍යන්තර සංවර්ධනය සඳහා වූ එක්සත් ජනපද නියෝජිතායතනය මුදල් වියදම් කර තිබෙන බවත් ඒ අතර අල් කයිඩා ත්‍රස්තවාදී කණ්ඩායමට නෑකම් කියන ත්‍රස්තවාදී කණ්ඩායමක් සඳහා ආහාර ලබාදීමට ඇමෙරිකානු ඩොලර් මිලියන 10 ක්, ඊජිප්තුවේ සංචාරක කර්මාන්තය සඳහා ඩොලර් මිලියන 6 වියදම් කළ ව්‍යාපෘති තිබෙන බවත් මස්ක් පැවැසුවේය.

මේ ආකාරයෙන් අනවශ්‍ය ලෙස වියදම් කළ ව්‍යාපෘති රාශියක් තිබෙන බවද ඔහු ප්‍රකාශ කළේය.

දශක ගණනාවක් ජාත්‍යන්තර සංවර්ධනය සඳහා වූ එක්සත් ජනපද නියෝජිතායතනයේ වියදම් කිසිවෙකු අධීක්ෂණය කර නොමැති බවත් තවදුරටත් ඇමෙරිකානු ජනතාවගේ බදු මුදල් නාස්ති කිරීමට ඉඩ ලබා දිය නොහැකි බවත් මසක් පැවැසුවේය.

ජාත්‍යන්තර සංවර්ධනය සඳහා වූ එක්සත් ජනපද නියෝජිතායතනයේ ශ්‍රී ලංකාව ඇතුළු ගෝලීයව තිබෙන සියලුම කාර්යාලවලට කොන්ත්‍රාත් පදනම මත බඳවා ගනු ලැබූ සේවකයන් අද (07) රාත්‍රී 11.59 සිට පඩි සහිත අනිවාර්ය නිවාඩු යැවීමටත් දින 30 ක් තුළ එලෙස අනිවාර්ය නිවාඩු ලබන පිරිස් නැවත ඇමෙරිකාවට ගෙන්වා ගැනීමටත් ජනපති ට්‍රම්ප්ගේ පරිපාලනය පසුගියදා නියෝග කළේය.

අදහස් (10)

මෙරට හාස්‍යජනක ව්‍යාපෘතියක් ගැන ඊලෝන් මාස්ක් හෙළි කරයි

FreemanHAT Friday, 07 February 2025 05:47 AM

මේව හාස්‍යජනක ව්‍යාපෘති නෙවෙයි. මෙරට මාධ්‍යය හරහා තමයි රටේ මිනිස්සු බටහිර සහ අසල්වාසී රටවල උවමනාව වෙනුවෙන් නොමඟ යවන්නෙ. ආණ්ඩු පත්කරන්නෙත් එලවන්නෙත් එහෙම තමයි.

: 2 9

Lilasena Friday, 07 February 2025 06:30 AM

ඔයිට වඩා හාස්‍යජනක විදියට අරගලේ කරලා මේ කයියනායක ගෙනාවෙ. දැන් හාලුත් නෑ, පොලුත් නෑ, ලුණුත් නෑ, ලක්ශ 12ට විට්ස් ඇත්තෙත් නෑ. ඡන්දෙ දීපු උන්ට රෙද්දක් ඇඳගෙන පාරෙ බැහැල යන්නත් බෑ.

: 22 17

රුවන් Friday, 07 February 2025 06:35 AM

ට්‍රම්ප් හින්දා අපේ හොරුන්ටත් ෂොට් එක හම්බවෙයි. ඇමරිකාව සුනාමියට දිපු ආධාර වලට මොකද වුනේ කියලත් හොයයි. අන්තිමට රාජපක්ෂ පරම්පරාවටම ඇමරිකාවේ සිරබත් කන්න වෙයි වගේ.

: 4 9

යෝගා Friday, 07 February 2025 06:43 AM

ව්‍යාපෘතිවල අරමුණ ඒක කියලා කිව්වත් ඒ සල්ලි වලින් කලේ තමන්ට අවනත නැති ආණ්ඩු පෙරලන්නයි, රූකඩ ආණ්ඩු පත්කරගන්නයි. අරගලයටත් ඔය සල්ලි පොම්ප වුණා. ඔය ආයතනය පාලනය වුනේ කුප්‍රකට ඇමෙරිකානු රහස් ඔත්තු සේවයකින් බව දන්නෝ දනිති. සල්ලි වැටුනේ කාගේ සාක්කුවලටද කියලා යථාකාලයේ එළිවෙයි.

: 3 15

dileepa1986 Friday, 07 February 2025 08:46 AM

ඉලෝන් මස්ක් දන්නෙ නැතුව ඇති. එතන කිසිම හාස්‍යජනක කමක් නෑ. ඩොලර් මිලියන් 7.9ම මයිනා ගාව හරි පොඩි මයිනා ගාව ලග ඇති.

: 8 11

රට වැසිය Friday, 07 February 2025 08:47 AM

මුන් කරපු ප්‍රොජෙක්ට් එකක් නෑ. කරපු එකම දේ රටවල්වල ආණ්ඩු පෙරලපු එක. දැන් ඉන්න හූලි චංග් ඕක උපරිමව කරා. ස්තුතියි ට්‍රම්ප් තේරුම් ගත්තට..

: 2 13

පොඩිඑකා Friday, 07 February 2025 09:10 AM

තවත් හාස්‍ය ‘ජනක’ ලා ගොඩක් මෙහේ ඉන්නවා. එකෙක් පාර්ලිමේන්තුවෙත් හිටියා.

: 2 7

සමන් විමල්Friday, 07 February 2025 11:11 AM

පොඩි එකෝ! එකාට එකසිය පනස් නවයක්ම ඉන්නේ.

: 2 6

යෝගා Friday, 07 February 2025 11:13 AM

උන්ට හාස්‍යජනක උනාට මේ රටට ඔය සල්ලි වියදම් කරේ බියජනක දේවල් වලට. ඒ ඩොලර් කාටද ලැබුනේ කියලත් හෙළිවෙයි ඉදිරියෙදි

: 0 7

සෙනෙවිරත්න Friday, 07 February 2025 11:31 AM

ලීලසේන, මාලිමාවේ අයට නම් පාරේ බැහැලා යන්න බැරි කිසිම දෙයක් වෙලා නැහැ. අදත් අපි ඉතාම සතුටින් ඉන්නවා අපේ තීරණය ගැන, හාල් පොල් වලට වෙච්චි දේ රටේ හැමෝම දන්නවා. ළදරු පරාජිතයින් නොදන්නවා වුණාට, හාල් පොල් ගබඩා කරලා ගියපු රටක් බාරදුන්නා නම් ඔය කතාව හරි. හැබැයි තමුන්ලාගේ අයගේ කෙරුවාවන් දවසෙන් දවස එළියට එනවා... නායකයෝ වෙනුවෙන් බේරේ වැවේ ස්නානය කරපු තමුන්ලා වගේ බාලයින් ලැජ්ජාවෙන් හිටියට තමන්ගේ නායකයෝ සල්ලි බෙදාගනිපු හැටි හෙළි වුණා. ඒ වගේම ජනාධිපති අරමුදලේ සල්ලි කාපු හැටි එළියට ආවා. ඉතින් පාරෙ බැහැලා යන්න බැරි කාටද කියලා පේනවානේ. සරමෙන් මූණ වහගෙන යන්න. හාල් තියෙනවා ඕන තරම් කවුරුත් බත් නොකා මලේ නැහැ. පොල් හිඟයට රජය පිළියමක් යෙදුවා. ඔය අඬේ නවත්තලා රටේ වෙන යහපත් දේවල් වැඩි බව හොයලා බලන්න. කුහක නොවී...

: 5 12