(සුජිත් හේතුවෙන් )

වැඩිදුර පරීක්ෂා කිරීමට අවශ්‍යව  වරායේ   තිබූ රතු ලේබල් ඇලවූ සැකකටයුතු  කන්ටේනර් තුන්සිය විසිතුනක්  හිටි හැටියේ  පිට කිරීම බරපතළ  සැකයට තුඩු දෙන කාරණයක් බව සමග ජන බලවේගයේ කොළඹ දිස්ත්‍රික් පාර්ලිමේන්තු මන්ත්‍රී මුජීබර් රාහුමන් මහතා පැවසීය.

මේ සම්බන්ධයෙන් තමා නොයෙක්වර ප්‍රශ්න කළද ආණ්ඩුව  අද වනතුරු පාර්ලිමේන්තුවට කිසිදු තොරතුරක් ඉදිරිපත් කර නැතැයි ද ඔහු චෝදනා කළේය.

මෙම කන්ටේනර් වල තිබුණේ  මොනවාදැයි කීමට දන්නේ උඩ ඉන්න දෙවියන් පමණක් බව පැවසූ මන්ත්‍රීවරයා ආණ්ඩුව වහාම මේ ගැන රටට ප්‍රසිද්ධ  ප්‍රකාශයක් කළ යුතු බවද සඳහන්  කළේය

මන්ත්‍රීවරයා මෙසේ පැවසුවේ කොළඹදී අද පැවති ප්‍රවෘත්ති සාකච්ඡාවකදීය